Mamis us Dietikon und Umgebig (Limmattal)

Hoi zämme

Ich bin 31gi und im Dezember 2020 s erstmal Mami vomene Bueb worde. Ich sueche Mamis us de Umgebig zum zämme spaziere, käffele und pläuderle. Froi mi uf neui Bekanntschafte :)

Kommentare

  • Hallo Mamis & Babys

    Bin im Januar zum ersten mal Mami geworden;)

    Wohne in Bergdietikon...

    Würde mich auch sehr freuen auf neue Bekanntschaften und Begleitungen in der aufregenden Mamis Welt ;)

    Lg Katy
  • Hallo mitteinander
    Ich bin letsch Jahr im April Umzoge und wohne in Bergdietikon ich sueche Bekanntschaft öbis unternä und ächli schwätze. Ich bin im 8 monat Schwanger und im Juni chunts uf Wält. Ich bin sehr Kreativ sodass ich viel Nähen und Bastle mängisch fehlt mir Unterhaltig bim Nähe Falls öbert au gern Näht und gern Bastlet mäldet euch.Ich freue mich druf euch känne lerne.
    Lg Ariane
  • Hoi Ariane, i bi us Wettige und im 5. Monat schwanger. ha no e 2 jährigi Tochter.. i bi au sehr kreativ und näihe gern. ha au mis eigene Label woni Sache verchaufe und eigni Schnittmuster erstelle. Wür mi sehr freue, di mol kenne zlehre!🤗 Lg Sarina
  • Hoi zäme
    Chome us spreitebach und kenne leider niemer wo chind het oder schwanger isch. Bin im 4. monet und würd mi freue euch kennezlehre.

    Wo sind ihr denn äne förd geburt?
    Min FA isch in leuggern belegarzt, aber weiss ned ob das zwiit isch för wenns denn los god...
  • Hoi @muemelHerzlichä Glückwunsch🤰Ich bin im Limmi xi 👍🏻😊
  • hoi @muemel i bi vo wettige. han 1 tochter 2 jàhrig und bin etz im 5. monet mitem 2. schwanger. i bin zbade im ksb gsi
  • Danke vellmal💗 Es isch mis erste, totals wunschchind, aber sehr überraschend. D ärzt händ gseit ich chan gar ned schwanger wärde und jetzt plötzlich hets igschlage...

    Wie händers denn erläbt dete? I kenn leider weder s eine no s andere.
  • Ich has im Limmi tiptop gfunde. Wür au wieder det here gha. Bis uf ei Person (Viellicht het sie au en schlechte Tag gha) sind alli würkli sehr nett und geduldig xi 🥰 Isch allerdings vor 3 Jahr xi no im alte Limmi. Jetzt isch alles neu und sicher no besser 😅 Es isch es stillfründlichs Spital was für mich au no en plus Punkt xi isch. Wür dir aber empfehle det anne zgah wo du es guets Gfühl hesch.
  • @muemel Chan au s limmi empfehle. Bi gsi wos grad neueröffnet hend und isch würklich super. Sehr kompetent und ha s gfühl gha sie sind individuell uf mich igange wäred de geburt. Au d wuchebettstation hani mega gfunde. Stillberateri hets dete gha und hend chöne amene morge inen stillkurs und het no anderi agebot gha. Sind au mega geduldig gsi wenni öpis 100mal gfrögt han.
    Und ja halt alles neui, modern gross und schön wills alles neu isch😊 würd sofort wieder det hi ga au für anderi sache und hend au im vorfeld dörfe go aluege aber weiss nöd ob das im moment gaht
  • Hi zäme.
    Ich han mal en whatsappgruppe gmacht mit paar vo Wettige/Bade.
    Ich bin ja us Spreiti und di meiste vo eu sind ja au ned wiit weg. Schriibet mer doch wenn ihr au dri wänd🤗 079 812 27 25
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum