Hibbeln ob Mens ausbleibt oder nicht?

Nalan83

So de drache isch offiziell gelandet vori pünktlich wine schwizer uhr …! Hoffe de Januar 22 bringt eus allne glück und en neuafang🍀☺️..!

lachuli

@Nalan83 oh nei 😔 schad...
Januar 2022 wird eures Glück si 🍀🍀

selin

Bi mir wird de ES wahrschindli am 2.Januar si, mal luege mir fanget eus a ihwärme ab hüt😆2022 wird euses Glücksjahr si Ladys🙏🏻

PaM

@Nalan83 Nächst Zyklus isch dine ✊✊☘☘🎯❤😘

lachuli

I druck Euch ganz fest Dume 🍀

Jani

gibt es hier jemanden der einen überschuss an testosteron hat?

Pheobee

Ich ha z‘viel männlichi Hormon (weiss aber nöd gnau öps Testosteron isch)

Jani

@Pheobee und was machsch du degege?

Pheobee

I haa vor mine zwei bisherige Schwangerschafte es Diabetesmedikament gnoh (Metformin).
Fraue mit z‘viel männliche Hormon hend oft e Insulinresustenz was denn zo meh männliche Hormon fühert (so ähnlich het mers mini FA vor ca 4 Johr erklärt). Dur s‘Medformin werd d‘Produktion vo de männliche Hormon ghemt und es cha wieder besser zum Eisprung cho.
Gell du hesch doch so ehwig langi Zykle? Hani das richtig im Chopf?

Pheobee

I werd wohrschinlich au för de 3. Versuech nomol Metformin neh. Ha zwor jetzt noch de 2. Schwangerschaft en Bilderbuechzyklus (för mini Verhältniss) aber i haa chli Angst das es chönt zu frühene Fehlgeburte cho ohni Metformin

Jani

jo genau die mit dä nie endete zykle 😅
bin ebe die wuche zur bluet abnahm gsie und döte isch festgestellt worde das ich en überschuss a männliche hormon ha, aber mini FA hät mir nanig ahglüte zum bespreche wies witer got i han angst das mir id klinik müend will me da nöd medikamentös cha in griff becho, deswege hani denkt i frog mol no i mie nämli jetzt bis am Mäntig warte bis was got. Aber es beruhigt mi mega wenns do es medikament gid wo chan helfe

Jani

muesch den das Meformin i de ss au neh?

Pheobee

Also i cha der vo mer sege mer isches genau so gange wie der 3-4x Periode im Johr. Het mi jo nöd gstört im Gegeteil isch jo no schön wenn mer kein Chinderwunsch het. Denn wos denn om de Chinderwunsch gange isch bini recht schnell zu de FA det hani denn au d‘Diagnose z‘viel männlichi Hormon plus PCO Syndrom übercho. Denn het sie mich i d‘Fraueklinik vom Spitol bi mer i de nöchi Überwise. Sie het denn no d‘Schilddrüse kontrolliert und festgstellt das i e Unterfunktion haa (noch de erste Fehlgeburt). Sie het mer denn bi eim Gspröch gseit das es üs chönti helfe zo öpertem go wo sich nu mit em Schwanger werde beschäftigt. Sie chöni das au, heg sie au glernt aber die i de KIWU die mached nünt anders und kenned halt au es paar Tricks und hend no chli meh Tips. Es het mi so viel Öberwindig kostet det ane go. För mi isch da en riese Schritt gsii aber wörs jederzit wieder mache.
Bi de erste Schwangerschaft hanis fast bis zum Schluss gnoh (irgendwie vergesse gange z‘bespreche wie lang usw.) bi de zweite hanis bis zor 1.Kontrolle ca i de 8./9. Woche gnoh.
Hends denn dini Eierstöck mol gnau aglueget im Ultraschall?(Frog weg em PCO Syndrom)

Jani

Isch halt komisch für so e natürlichi sach i ä klinik z müesse. aber klar klinik isch e super sach.
Jo d eierstöck sind super kei ovarie oder so

Pheobee

Da verstohni... Isch mer genau glich gange. Ich bi mer so blöd vor cho dasi nöd mol schaff eifach so schwanger z’werde... Anderi Fraue mönd eren Partner nu aluege und scho sinds schwanger😅Aber noch 1.5 Johr mit div. Untersuechige, dere ehwige Warterei ond de Fehlgeburt bini echt sowit gsii zum de Schritt mache.
I haa zuedem no s‘Glück kaa das gad do im Nebeddorf e Selbsthilfegruppe för Fraue mit unerfülltem Chinderwunsch gründet worde isch. Mer sind alli i de gliche Kiwu gsii und übrigens jetzt au alli Mamis🥰 ( 6 Monet noch de Gründigsind alli schwanger gsii, di eint het 10 Johr probiert schwanger werde und s‘het nöd klappet und denn uf eimol hets doch no klappet)

Bindli

Ich liese scho lang mit.. mir sind am 2. Chind dra und hend chli Problem. Mit mim 1. Chind bini sofort schwanger worde (zerscht no e Fehlgeburt gha). Bim 2. hani ez scho 3-4 früehni Fehlgeburte ide 4ssw gha und eini ide 8ssw. Ich wirde immer schnell schwanger, aber verlürs de gad wieder.. Bin ez au ide Kiwu-Klinik und ez fanget mer mit Hormon ah, sie vermuetet, dass ich e Follikelriifigsstörig (Hormonstatus isch zwar guet) han, han au immer ab Eisprung Bluetige, trotz Utrogestan. Het au scho öpper müesse Hormon neh?

Pheobee

Au i🙋🏼‍♀️ Ha mösse zum d‘Eierstöck stimmuliere Hormon neh und denn wo de Folikel denn gnueg gross gsii isch de Eisprung uslöse. Denn entweder GV noch Plan oder Insemination und noche hani au mösse Uteogestan neh bis zum Bluettest zwei Woche nochem Eisprung.
Hends dini Schilddrüse au kontrolliert?

Bindli

Und wie häsch d Hormon vertreit? Bisch schnell schwanger worde? Ja, ich han immer wieder e Schilddrüse-Überfunktion, ez aber sit 4 Mönet stabil ohni Medis. Sie hend alles aglueget, au bi mim Maa. Isch alles guet..

Pheobee

Also i haa 2x mit Tablette stimmuliert wo de 2. Versuech het mösse abbroche werde well kein Folikel grieft isch. Schwanger worde bini bi dene 2 Versüech nöd. Denn hani 2x mit Hormonsprütze stimmuliert und bim erste mol isches zunere Eileiterss cho (Eileiter isch denn entfernt worde, isch aber eh scho verstopft gsii und mer isch eigentlich devo usgange das drum uf sebere Siite eh kei Schwangerschaft cha entstoh). Noch 3 Mönet Pause wieder gstartet und Hormonsprütze ca noch 14 Tag stimmuliere abgsetzt will kein Folikel grieft isch. 2-3 Wuche spöter positive Schwangerschaftstest i de Hand kaa🥰 Bi fascht vom Stüheli keit😊 Also vo 4x stimmuliere bini 2x schwanger worde😉 (beides Mol mit Hormonsprütze)

Zireael

Ich han au müese Hormon Sprütze, bi eus isch au de verdacht gsi uf Follikelriefestörig was e Gelbkörperhormon schwächi zur folg gha het. Wils aber kein andere Grund gha het hani au zerst GV nach Plan gha den Insemination (Zahlt KK 3 mal) nacher hani kei Geduld gha bi zwar churz 2 mal Schwanger worde hend eus dwn aber für e ICSI/IVF entschiede.

Und das mit em schnell Schwanger werde, viel Fraue redet eifach nöd gern drüber ich jas lang au nöd chöne das es nöd klappt.. bi den recht Depressiv worde nach 2 FG und bi zuner Psychologin.. erst den hani erkennt wie wichtig es isch drüber zRede! Und plötzlich jend ganz viel Fraue sich göffnet und drüber afange verzelle wie schwer sie es gha hend.

Jetzt bini scho i de 17 ssw ( das het 2 Jahr brucht) ich bi bim 3 Transfer schwanger worde. Jetzt hani na paar Embryo Ihfrohre fürs 2 Baby. Aber Kiwu isch sBeste wohni jemals gmacht han es gaht det endlich vorwärts. Hormon hani super vertreit☺️

Viel Glück 🤞🍀

Bindli

@Zireael: zerscht mal herzlichi Gratulation, dasses nach 2 Jahr klappet het 💕
mini Fa ide Kiwu-Klinik seit, e künstlichi Befruchtig müessi nöd ha. Mir hoffet, dasses ez mite Hormon klappet und bliebt. Ich verstahn eifsch nöd, wies bim 1. ohni Problem sofort klappet het.

Zireael

@Bindli Danke Hoffe das es bi dir klappt. Bi mir hends au gseit dasi kenni bruche aber ich han nach 6Zykle Hormone au kei lust me gha🙈Plus hani biz Gas müese geh segem Alter😂Wünsch der vo Herze das es Klappt🤞🍀

•Elefäntli•

Liebs @BindliIch bin sit 2 Johr idä Kinderwunschklinik
han au nie denkt das ich mol döt ane muess wels bi üs au im rahme funkzioniert häd uf dä natürlech wäg. Bi üs häds au immer gseit mir bruched kein witeri schritt do ich noch ere iui schwanger worde bi aber leider e FG ka han hüt noch 6 Iui bereuis hämer nö uf üs glosä und ä Ivf gmacht.
Wasi würd mache isch solang dini Franchise nö bi 2500.- obe isch 1-3 Iui wenns denn nö funktioniert öbere stigä uf dä witeri schritt
isch mini meinig i denk do gsehts jedes paar biz anderst 😅

Bindli

@Elefäntli: Und werdet ihr no e Ivf mache? Min Maa und ich sind de Meinig, dasses mir mit Hormon probiere werdet e churzi Ziit und wenn nöd, denn wenmer nöd wiitergah und lönd das Thema sii.. Ich dänke mängisch, au eis Chind isch schön.. Euses Chind bringt eus sehr oft a eusi Grenzä, drum chönnti au mit eim läbe 😊
Ich hoffe ez mal es klappet, da ich eigentli immer im 1-2 Zyklus schwanger wirde..

Trini

wönsch euch e guete rotsch ond das mer alli bald e positive ss-test i de hand dörfed ha🥰🥰

lachuli

Wünsch Euch e guete Rutsch ins neue Johr ✨ möge allí im 2022 positiv teste und kugele ha 🥰😍🍀

PaM

Ig wünsche öich aune Gsundheit, Liebi, Glück u nume ds Beste ✨🍾🎆🎉😘

•Elefäntli•

@BindliMir händ jetzt mit dä Kinderwunschklinik abgschlossä, s erst kind isch uf natürlech weg entschtande und wens wet funktionierts au ohni hilf bim zweite, es gid immer en grund wiso das nö funktioniert.
Mir händ e "igschränkts" kknd deheime und me händ au viel arbet mit ihm sind natürlech sehr glücklech hend mir ihn und wens keis zweits gid is so 🥰

Wünsch eu alne en guete Rugsch is neu johr blibed gsund und dumme sind druckt für s 2022 🌸✊🏻

Nalan83

Happy New Year an alli ☺️🎊🎉🥂🥳🍀 ich hoffe 2022 bringt eus hibbel fraue VIEL glück und gsundheit…gaaaanz viel Positivi Testli…🍀❤️…!

lachuli

Mini Glückskurve und hüt isch Tempi wie e Rakete 🚀 ufe. I hoff vo Herze das au be Euch Tempi ufe knallt isch und wünsche mir fürs 2022 dass Ihr allí bald in dem Johr positiv teste tuend. ✨🍀🥰
Happy new Year 2022 🥂 🎊 🎉

selin

Happy new year Ladys!!✨🎉Ich hoffe mir chönd im 2022 alli positiv teste!!🤰🏻🍀Viel Glück und alles guetti im neue Jahr🥰

Sonnenblümchen

Happy New Year ihr liebe 💓 tüemer astosse druf dass Endi 2022 die Gruppe leer isch 🤰🏻👶

Kringel

Happy new year! Hoffe sJahr wird besser als mi Start is 2022. 😔
Am 31. hemer üs übelst zofft. U ir Nacht hani Fieber übercho u ha müesse breche. Bi gester de ganz Tag im Bett gsi. Bi nur uf zum breche.
Hüt alles wieder weg, kei Fieber nüd. Eifach no schlapp.
Hoffe mir chönd das irgendwie no kläre, will usdiskutiert hemer noni fertig. Aber mit hibble isch glaub fertig.
Ich wünsche üch alles gueti und 1000 Dank fürs zuelose u motiviere. Ihr sind alli tolli Fraue u Mamis 😘

lachuli

@Kringel oh nei dass isch den doof hets grad am 31.12 e Diskussion gäh... Händ Ihr Euch demfall nonit versöhnt? I wünsch dir nur sbesti für 2022. I hoff Ihr hibble bald wieder.
Glg 😘

Kringel

@lachuli nei isch noni klärt.
Danke 🍀

lachuli

@Kringel das tuet mir leid... 🙈 Isch es um den Kinderwunsch gange oder um öpis ganz anderst?

samira.

@Kringel Mini ganz familie het die grippe kha im abstand immer vo 2täg vo neuasteckig 😅 wirklich eh scheiss

Kringel

@lachuli es isch um öpis anders gange, aber wenn das nid klärt isch bringt alles nüd.

@samira oje du machsch mir nid grad hoffnig. Hoffe di andere verwütschts nid au no.

samira.

Zum Glück hebt de kak nur 1tag echt 😅

Mayla

Hoi zeme. Es guets neus! Mir hend au vor zum dajohr schwanger werde. 🥰

Sonnenblümchen

Hallo Ladies wie gahts? Ich bin hüt ES+3. also wiedermal am warte. Han zwar wenig hoffnig dass es de Zyklus klappet hät 🤷🏻‍♀️

Mayla

Ich het vermuetlich die wuche min eisprung, aber mir sind alli am kränkele, do wartemer lieber uf de nögst.. ich fänds sus en komische start wens wür klappe 🙈

Sonnenblümchen

@Mayla Haha ich bin mitere fette vercheltig schwanger worde bim erste 😂 und ich bin bis jetzt überzoge dass es ohni die vercheltig det nöd klappet het

selin

Hoi zämä,
Ich warte uf min ES.. normalerwiis zeiget Ovus scho öbbis ah.. Momentan isch alles no wiis.. mal luege wenn er chunt..🙈 hoffe nöt uf en allzu lange Zyklus🤞🏼✨✨✨✨✨

Mayla

@Sonnenblümchen 🤣 i ha den zgfühl dass s kind au viel wird krank si spöter 😂🙈 aber dir würs demfall glück bringe 😅

Nalan83

min drache het en abflug gmacht hüt, das heist bald chunt ❤️le dra…😆😊!! 🍀wie gsehts bi euch so us ladys?@lachuli und gspührsch scho öpis liebs?😊

SiMe84

Liebi Hibbelfraue.
Ich wünsche euch allne na es guets neus Jahr. Ich bin bis jetzt stilli mitleseri gsi und han mit euch mitgfieberet. Wünsche euch vo herze, das 2022 euches Jahr wird. Ich han afangs Dezember leider e Fehlgeburt gha 😢 bin am 22. Dezember namal im Spital gsi zu de Kontrolle und es isch jetzt entlich alles dusse. Wie lang würded ehr warte, mit weder probiere?? Da gönd meinige mega usenand. Und ehrlichgseit chönd min Partner und ich im Moment Finger ned vonenand la 🙈Was isch euchi erfahrig?

Talisa

@SiMe84 duet mr leid für di Verlust...❤ u ganz viu chraft.

Mir hei gwartet gha bis die erschti mens isch cho (eifach nöiä Zyklusafang) u hei denn eifach gseit wes passiert de passierts❤ u me gloubts nid, i bi genau i däm erschtä zyklus nach dr FG mit üsere erschtä Tochter schwanger wordä. I dänke sichr mau wartä bis die erschti mens chunt u we me denn scho parat isch de cha me witer üebä. (So hets o mini FA gseit)❤

•Elefäntli•

Liebi SiMe84

Ich han noch minere FG gwartet bisi mini Periode wieder öber cho han. ich han aber en super zyklus und bi mir chunt alles immer pünktlech so wies muess si. bi idä Kinderwunschklinik gsi und es häd sich alles so schön entwicklet schlimmhut usw. I find wenn ihr bereit sind leged sofort wieder los 💪🏻💪🏻💪🏻

SiMe84

Merci vel mal für euchi Rückmeldige.
Ich bin drü mal im Spital gsi und han drü verschiedeni Ärtzinne gha. Die erscht hät gseit, wens für eus passt, sölled mer grad wieder loslegge, de Körper entscheidi scho, ebs passt oder ned. Die dritt hät dän gseit, mer sölled sicher de erscht Zyklus abwarte.
Mer händ eus entschede, das mers eifach probiered. Wens passt dän passts. D‘angscht das es namal passiert isch zwar gross, aber die wird sicher au ned besser, wen mer länger wartet. Es wird für mich s‘erschte kind. Min Partner hät bereits zwoi kind.