Hibbeln ob Mens ausbleibt oder nicht?

1676870727376

Kommentare

  • Hmmm ich han au noch de FG erläbt dasi en Zyklustag vo 46 Täg gha ha aber do hani biz en stress ka und Mir sind no id Ferie Klima spielt au e rolle hani möse säge loh vode Fraueärztin.
    Es Cha bi dir alles si oder nüt 😉✊🏻
    aenn
  • Bi mir isch de erst Zyklus nach de FG au perfekt xi wie im Bilderbuech, 28 Täg, ES an Tag 14…nachär hani es Riesedurenand gha, null PMS-Symptom meh, mega Tempi-Sprüng und kei Ahnig meh, was i mim Körper lauft. Jetzt simmer im 4 Zyklus nach de FG und ich ha s Gfühl, es chunt wieder min alte Zyklus zrugg. 🤗
    Ich drücke euch allne d Düme für Bilderbuechzykle und baldigs positivs Teste! 🌸
    Lauraannahaenn
  • @lin19

    Mir fanged au nomal bi zt1 ah. Hüt isch de roti drache fürecho👋🏼
  • Oo nei 😕 neues zyklus neues Glück🍀✊
    Sit gester han ich so empfindlichi brüst.. vorallem hüt hets mer so weh doo.. 😶
    NmT isch erst am SA mal luege
  • @aenn oh nai, da tut mr laid😔 hoffad mr uf dä zyklus, dass da üse glückszyklus wird🍀

    @tna uii, da tönt aber vielversprechend! Schaffsch es du zum ersch am nmt teste? I schaff da nia🙈
  • Jaja mir sind sit dezember 21 am üebe.. han zwar scho 2 gsundi kind doch mir hend scho immer 3 welle.. bi dene 2 hets sofort klappet.. doch jetzt klappts irgent wie nit.. darum mach i mir nüm so hoffnige 😕
  • @tna gib dir nochli Ziit! Das klappt bi euch sicher no einisch 🤗 Me seit jo, das es normal isch bis zumene Jahr „üebe“. Mir verhüeted sit Dezember 2020 nüm, richtig „üebe“ tüemer jetzt sit em Oktober letscht Johr. Bis jetzt hämmer au nur en Teilerfolg chönne verbueche, ha im Mai e FG gha ide 8. SSW… händ jetzt sozäge au wieder bi Null gstartet. 🍀🍀🍀
    Celeste
  • Hey zäme de dooof 🐉 isch bi mir hüt am 18.00 glandet😔 zählt das us zyklustag 1 oder erst ab morn? Wie düent ihr das amel igeh? Ich zähls immer ab hüt 🙈
  • @tna ich ha min FA mol gfrogt,wo ich plötzlich immer am obe d mens beko ha. Er het mir gseit wenn sie bis zobe am 23.00h kunnt,zählsch no dä tag als zt1
  • Hey ihr liebe wie gahts euch?
    Ha schnell e frag.. am 1.9.22 han ich termin bi minere Frauenarzt.
    Das isch öbbe 7-8 täg spöter nach mim eisprung.. was meinet ihr, wenns bi dem zyklus wür klappe, Wür sie öbbis gseh? Merke? Oder währ das doch zfrühe?
  • Mir isches bi de Tochter so gange (haa aber nöd gwüsst das i min Eisprung kaa haa do ich e hormonelli Störig haa und drum sehr unregelmässigi Zykle)
    Haa en Termin i de Kiwu kaa und sie het denn bim Ultraschall eifach gsee das d‘Schliimhuut sehr höch ufbaut isch und das de Eisprung statt gfunde het.
    Sie het mer denn nu gseit i söll mi doch melde weni d‘Mens überchum für wiiteri Abklärige. Isch denn nöd dezue cho well i 1 Wuuche nochem Termin positiv testet haa🥰 Cha der aber nöd gnau sege wie viel Täg nochem Eisprung i de Termin kaa han🤷🏻‍♀️
  • I glaub ca. ab ES+10 könntets öppis gseh im Ultraschall. Aber viellicht ka sie der jo kurz Bluet neh, dött wärs evtl. Scho kli vorher nochwisbar😄
  • so viel ich weiss gsehtmer denn no gar nüt. mer chan ca. 2 täg nach inistig s hcg im bluet messe. Das isch glaub ich bi ES+9/10
    aber gseht tuetmer no nüt (gem. minere FA)
  • also bimir hät sie churz vor ES es griifts follikel gseh. in kombi mit de schliimhut hät sie chöne säge, dass de ES churz bevor staht und es ei vorhande segi.

    inistig/befruchtig chamer glaub wüki nöd gseh, das wär z'früeh.
  • So ich derf au mal mit hibble ... händ jetzt de Monat mal grad um de Eisprung GV gha ... und ich bin zu 80% sicher das es scho ihgschlage hät ...
    Mini Täg sötted am 27.cho und ich ha scho div Symptome

    Mal guggä 😆
    Celeste
  • Danke viel mal fraue♥️
    @JannyHelin wow tönt spannend druck dir ganz fest dume✊🍀
  • Ja mal gugge obs stimmt oder ob de Körper mir was vorspielt ... 😄


  • @JennyHelin Deuck der Dume, dass es würkli klappet hät🍀😄
  • Hei Fraue.... ich ligge im Bett und ha ganz komische gfühl ...

    Und zwar immer weni schwanger gsi bi .. hani ide Brüscht sofort gmerkt.

    Jetzt düends ebe au weh weni druff ligä.

    Hüt isch mir aber bim abtschte vo de brüscht ud de rächti siite eh riise chnolle ufgfalle 🤔 natürli sind alli alarm glocke ahgange ...

    Ich muess zwar säge dasi ja rächt dick gsi bin und de hani mega angnoh -40Kg.
    De bini schwanger wordä de sind die brücht wider gross gsi ... und de wider wie eh Wasserschluuch 😄

    Ja jetzt machi mir halt scho sorge was das si chönt ...

    Ob das eifach Fettgwebe isch oder was au immer ?

  • @JennyHelinWürd em beste em FA ahlüte.
    Muess nix bedüte ha Brüst voller Zyste🤷🏼‍♀️

    Aber klärs doch besser ab☺️
  • @JennyHelin
    Aso ich ha immer um d periode ume so gschwullni brüst und den amig au so „chnölle“ wo denn wieder weg gönd nach de periode.. drum hanich mini symptom nöd recht wahr gno bide ss…

    Mir befindet eus grad bi zt15 und sind fliessig am biendli flüügle lah🥰 mal muege obs glück de monet bi eus isch♥️😍🤭
    Kosmea
  • Also ich sött am mittwuch mini Täg becho ... die sind eigentlich wie eh Uhr

    Bin echt gspannt 😆😄
    MameloKosmeaselinCeleste
  • So ich ha mal eh frag ah die Mädels wo scho chli meh erfahrige händ 😆

    Ich sött morn mini Täg becho 🤔 ha aber immer na die gliche Symptome:

    Müdigkeit
    Bruscht isch gwullä duet weh und dWarze isch dünkler.
    Es zieh im unterleib.
    Usfluss wie eh morä (so als würd Periode grad cho.
    Sit hüt am morgä liechti Übelkeit.

    Ha hüt am Morge eh Schwangerschaft test gmacht leider negativ...

    Ich chume langsam ned klar ... es macht mi echt total kaputt.

    Gv isch am 12 gsi

    Chan das si das sich de Zyklus doch verschobe hät ?

    Weni im Internet usrechne mit (erster Tag der letzt periode) test ab hüt möglich.

    Weni usrechnen (Tag der Zeugung) test ab 26.08 möglich.

    Isch es echt doch nüt und ich spinä eifach.

    Ich ha na nie PMS gha ...

    Aber mini gfühl und min Körper mached mich echt kaputt und ich chönnt nür hüllä (stimmigsschwankige ahoi)
  • Liebi JennyHelin

    ich bin scho sit 4 Johr am Üebe und kenn min körper in und uswendig i cha säge wenni min ES ha cha säge wenn ich mini Periode öber chume usw 😂

    Es cha alles oder nüt si

    am ahfang vo minere hibbeliziit hani au jedes mol s gfühl ka das duetmer weh döt e zwicke döt e veränderig usw me isch halbe wahnsinnig wore, leider spielt üse körper i dere ziit e mega fiesses spiel mit üs.

    Aber natürlech chas au si das din HCG eifach no z schwach isch das ahzeigt für ä SS

    Druck dir witerhin dumme ✊🏻✊🏻✊🏻
    KosmeaLauraannahGänseblümchenaennAnDu88
  • @JennyHelin
    Ohje, ich fühle mit dir! Wie s @•Elefäntli• seit, chas alles sii. Ich drücke dir fest d Düme, dass de Drache nid landet und de Test positiv azeigt…
    Mir gohz ähnlich ;-) ha irgendwie min ES z früeh gha, denn letscht Wuche es paar Täg es mega Zieh ide Gebärmutter und sit det au es Spanne ide Brüst…hani aber au scho öppe gha und denn sind mini Täg cho. Ich muess aber no e Wuche warte bis mini Täg itrudled…😉
    Es isch ächt es Hormon- und Gfühlskarussell wo mir do durchläbed! 🙈
  • Huuhuu🥰

    Wie wiit sind ihr i euem zyklus? Im moment bini zt 22 und nmt wär zw. 5-7.9. also wieder mitte ide hibbelphase wobi mer eus eich gseit hend dasmer chli entspanne wennd. Läuft! 😅😂🙈 ihr wüssed ja wies isch..

    Wünsch eu en schöne sunntig😇
  • Hallo zäme
    Ich bin au im moment in zt 18 und NMT isch am 7.9. 😄 mal luege
    aenn
  • Hallo mitenand
    Min nmt wär ca. Am 08.09. - i bi aber jetzt scho so ungeduldig😂🙈 aber cool, denn simmer jo gad alli +/- glich wiit😄 wenn tested ehr amigs?

    Schöne sunntig eu allne🙋🏼‍♀️
    aenn
  • wünsche euch allne en zweite strich😊❤️✊🏼🍀 dume si druckt…
    aenn
  • @Nalan83 danke diiir
    Ich warte immer uf NMT🙈 und 2 täg vorhär han ich en termin bi mire fraueärztin mal luege 🤷‍♀️
    aenn
  • Ja den simmer wükki all öppe Zitglich unterwegs😍Ich versueche wükki erst ab nmt teste, au wenns sehr schwer isch🙈 Dasmal simmer ab nmt ide Ferie. Bi ja gspanne😇😅
    Lauraannah
  • @JennyHelin Und wie gsehts us? 😊 bi still am mitfieber mit euch allne 🥰
    aenn
  • Huhuuu min körper macht jetzt würkli waser will.. ovutest hüt morge (zt24) positiv gsi😂😂😂Chume nüme drus🙈Het das schomal öpper gha?
  • Das chas geh 🙈
    aenn
  • Hallo Zäme
    Ich bin bislang au stilli Mitläserin gsi und ha mitghibblet mit eu.

    Min Maa und ich sind sit em Mai am üebe. Ich be 35gi und mir üebet för euses 1. Chind.

    Ha nach 2 Woche extrem Hibble mit allne mögliche Symtom höt leider Schmierbluetige becho und au min Früehtest gester Obe (ES+10) esch Negativ gsi. Ha aber glich no Hoffnige gah. Jetzt beni zemli truurig. Ich weiss mir üebet nonig so lang aber es nimmt eim glich jedesmol voll mit.

    Na dann startet mer ide 5. Zyklus
  • Hoi liebi @Steffi87
    Willkomme 😊
    Jo, gäll, mer isch scho mega ufere Achterbahnfahrt unterwägs wemme sich für s Projekt Baby entscheidet!
    Ich ha die Wuche au mini Täg becho, trotz mustergültiger Tempikurve…
    Eifach nid lo entmuetige! Mir sind jetzt au grad in 5. Zyklus nach minere Fehlgeburt im Mai gstartet…

    Ich drücke euch ganz fest d Düme! 🤗
    lin19
  • @Kosmea : velle Dank für dini Nochricht. Da mit dinere Fehlgeburt duet mer mega leid und hoffe ehr hends guet chöne verchrafte.
    Ja ich mache mir jo de Stress total selber 🙈 Min Maa seit ich sell mich ned so onder druck setzte, aber da esch eifacher gseit als gmacht. 😂 Aber ehr kennets jo, mir digget do glich.
    Ich fende ebe das ganze Thema au mega spannend und wet mi au entsprechend informiere.

    Au mini Düme sind vo mir för euch all drockt 🤗
    aennKosmea
  • Irgenwenn chunt de moment wo eini nachem andere vo ihrem baby verzellt da inne😍

    Vill geduld allne wo bald wieder teste dörfed😘

    Bi mir het sich de zyklus tazächlich verschobe und mit es isch am zt24/25 gsi😂🙈
    KosmeaLauraannah
  • @aenn uf de Momänt freumi für eus alli scho so fest!

    Ohje würkli? Ich ha langsam fast s Gfühl, je meh me sin Zyklus trackt, desto komischeri Sache entdeckt mer 🙈😅
    Ich überlegg mer jetzt au, öbi mini Temperatur wieder nüm sell mässe. Min ES chunt schön regelmässig und chum ischer verbii, spanned d Brüst und ich ha Mittelschmerz. Moll luege, wie ich do meh Entspannig dribringe cha…
    Tipps wäred willkomme! 😅
  • Han mir jetzt au gseit, dass ich de Zyklus mol nüd a Hilfsmittel wet bruche, also kei Ovus, kei Tempi und kei Ferti-Lily (obi da denn au anebringe isch die ander Frog 😂)….
    aennKosmea
  • Hoi Zämme
    Ich melde mich au mal ...

    So ich ha letscht Fritig doch na positiv testet und dfreud isch sehr gross gsi.

    Leider hani gest scho eh Fehlgeburt gha 😢

    Jetzt bruchi chli ziit zums verdaue...
    Fuck es duet scho zimli weh..

    Jetzt bruchi Ziit und luege de mal wenns witer gat
  • @Steffi87Weiss genau wasd meinsch.. ich verwende feng sit 1 zyklus ovu tests.. bi ez scho hi und her grisse obs das wükkli isch😂🙈

    @JennyHelinTut mer leid z ghöre.. es isch sones schlimms gfühl wo eim eifach niemer neh chan😣😩Vill chraft für die kommendi ziit🙌🏻🤍🕊
  • hallo metenand

    i dröck euch allne ganz ganz fescht d düme das es bald (weder) klappet! 🍀🙏🤗

    Ha denkt i froge no korz bevo is weg rühre, het öpper interesse a:
    -ovus
    -andreafol
    -allchemilla

    be interesse wördi luege, wevell no ome esch.
  • @JennyHelin das duet mer sehr leid. Wönsch euch vell Chraft zum das chöne zverarbeite.

    @aenn ja ich au. die ovus mached mi ganz konfus 😂🙈 und ich glaube ich stresse min Maa so no me 🤦‍♀️ probiers jetzt mol „entspannt“ zgseh….

    @Mamelo im Moment beni ideckt, danke trotzdem vell mol.
    aenn
  • @JennyHelin oh neiiii das duet mir mega leid. I fühle grad mit dir. Ich ha im 2020 au ir 6.ssw eis verlore. Es het mi au mega möge. Egal wie chlii es gsi isch... Es duet mega weh im Herz.
    Nimm dir ziit zum trurig si, red drüber, bhalts i dim Herz als es Kind vo dir.
    Fühl di umarmt.
    Glg
    Steffi87Kosmea
  • @JennyHelin mis Bileid vo Härze, fühl dich umarmt… loh dir Ziit zum Truure. Mir het au ghulfe z wüsse, dass fast jedi zweit Frau das leider emoll muess erläbe. Du bisch nid elei!
    🌼💝
    Lauraannahaenn
  • @JennyHelin Da tut mer mega laid - i wünsch eu ganz viel Kraft für dia Ziit!

    @Steffi87 ❤️-lich willkomme und viel Glück für de neu Zyklus🍀
  • bearbeitet 3. 09. 2022, 10:19

    j7l2vkmdauk7.jpeg

    Ich weiss ned wani sell säge. ha jo sit em Mittwoch Schmierbluetige. Aber well ich sit höt no kei rechtigi Mens ha und mer höt no abgmacht hend anes Fest, hani denkt ich mach sicherheitshalber en Test. Ohhh mein Gott…..
    aennLillyFeeKosmea
  • @Steffi87 Omg gratuliere🎉😍😍😍 sooo schööni nachrichte. Ich seg ja, ez chunt eini nach de anderne mit so tolle news🥰
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum