Anzahl Ultraschall

Hallo mini Liebe

Ich han erstunt im Internet gläse, dass nur zwöi Ultraschalluntersuechige während de Schwangerschaft vode Chrankekasse zahlt wärde. Meischtens um die 12. und 20. Woche ume. Wie muessi ich das verstoh? Meischtens findit doch hüfiger US statt (früehner und spöter no), oder nid? Ich han mi erschti offiziell denn am 12.03., sofern aues guet god bis denn 🍀 DÄrztin hed aber ou scho vor einere Woche mou nochegluegt, was aber nou vöu zfrüeh gsi isch. Sind das alles US, woni säuber muess zahle? ☺️

Danke für üchi Rückmäudig.

Kommentare

  • Und habt ihr eure US-Untersuchungen beim Frauenarzt, im Spital oder bei einer Hebamme gemacht?
  • also i han bi jedere FA kontrolle immeren US ka. zerst im 6 Woche rytmus den all 4 woche. i waiss nöd wieviel i im gsamte ka han abr zahle hani nie eine müese 🤷🏻‍♀️
  • Han bis jetzt eppä 3 gha, bin jetzt ide ssw32 und han diä täg nu eine und den am termin wieder. Nie einä müsse zahle. Wenn unsicher bisch frag doch bi dinnere kk nache. Bi mier isch ide ss so zimmli alles zahlt
  • Ich danke üch ☺️ Wennis säuber müesst zahle, wär‘s ou glich. Hed mi nur sehr erstunt, dass überall nur vo 2 dRed isch.
  • Ich ha ide Schwangerschaft mit minere Twins all 2-3 wuche e Kontrolle kah mit US. Han nonie öpis müsse Zahle🤷‍♀️
  • Ich ha gmeint ab dr 13.Ssw wird alles komplett vo dr Krankekasse zahlt
  • ich het au gseit das alles zahlt isch ab Wuche 13 bin jetzt ide 27 Wuche bis jetzt nie epis zahlt und er het öppe en schall gmacht😊
  • Also i ha ab de 8w jede monet 1 untersuchig also all 3-4w nie öppis zahlt 🤷🏻‍♀️ nid all medis werdet zahlt wen zb allgemein versicheret bish zb elevit bi jetzt ide 36w ha am 1.märz eini no und den sicher am 26.märz (tag vor ET) 🤷🏻‍♀️ glückwunsch no😊
  • Do stohts genau was zahlt isch😊
  • Merci üch aune!@Mimi89 Das hani äbe ou gläse und darum bini verwundert:9feb7e40-746d-11eb-ba15-c377ca5eb540.jpeg
  • Also mini ärztin het sicher 5 oder 6 ultraschall gmacht und ich ha nie eine zahlt. Sunscht frogsch am beschte mol bi dinere KK ah,wie das isch,drmit de uf dr sichere site bisch😘
  • Bi minere KK heissts äbe ou eso. Aber chani mir fascht nid vorstöue ☺️
  • Bi mir heisi alli Ultraschall zahlt. Sogar no Unger 13.ssw heisi Mr sleistige zahlt. Auso 2 mau einish ir 6ssw. U einish ir 10ssw. Sie sehr kulant gsi 😀
  • Ich han au alli 6-8 wuche en US gha. Mini FA het mier dennzumal gseit, si mächis bi jeder kontrolle (verrechne tue sis nit), will sie eifach nüt will verpasse. Sie het gmeint, sie kontrolliere eifach regelmässig es paar sache (magedarmtrakt, hirnwachstum, herzfunktion, blase/nierefunktion, wachstum im allgemeine also symmetrie).

    Han mini ss erst ihr 11. wuche entdeckt & fo do eweg isch alles zahlt worde (han ufe rechnige sie nie die US ufgfiert gsi, wa sie denn gmacht het gha).
  • es wärde nume 2 zaut, d FA dües eifach angers verrächne (statt es US düe si meh zit verrächne, dass si d chöschte wider dinne hei). so hets ämu mini ärztin verzeut.
  • Ah intressant,danke😊
  • @Grö;ipschi Ah, das macht Sinn. Danke ☺️👍
  • zahlt werde 2 aber je nach kk au me het üsi fa gseit. mir hend chönne sege ebmer nu di 2 grosse wend oder uf eiges „risiko“ all ubd de evtl öpis müend zahle. üsi kk (swica) het emel alls zahlt
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum