Feste Nahrung

nic10

Liebi Mamis
Mi Sohn gli 11 Mönet duet sich gad chli schwirig bim ässe🙁 Gmüessbrei het mä ufsmau nüm so gärn när hani dänkt är wöu vlich vom Familietisch ässe. Ha ihm so Gmüessticks gmacht aber o das mundet nid würkli. Am liebste het är d Hipp Spaghetti aber i cha ja nid nume das gäh😄 U är het augemein chli komedi mit dr feschte Nahrig u isch das normau oder söti das mau ga abkläre?🤷🏻‍♀️ Früchtebrei, Riswaffle u Maispops liebt är hingägä😄

AnDu88

Er isst ja 😃 das isch nid nüt. Wenn er a gar nüt interesse het und usschliesslich milch trinkt, würdi mer chli sorge mache 😊 Mach der nid so grosse druck. I würd eifach das abiete wo dir au ässet. Mini bohne isst mittlerwile nur no das wo mir au ässe (si isch au 11 mönet). Choche nümme separat für si. Gester hani z.B. Pilzrisotto gmacht und das het si gärn gha. Zum zmorge machi ihre haferbrei, oder griessbrei mit verdrückte banane dinne und zimt oder schnitteli mit früschchäs, konfi, bitz gurke no drze. Si liebt au teigware mit tomatesauce/rahmsauce, lachs, broccoli usw. als snack zwüschedüre het si gern gschnitteni frücht und so knabberzüg für bebe. Aber es git au bi üs zwüschine täg wosi praktisch nix isst und nume stillt 😅