In welcher Woche bin ich?

Ronjalein

Hallo zusammen! Ich bin zur Zeit mit meinem ersten Kind schwanger und hatte von Anfang an Probleme, heraus zu finden wie weit ich den bin. Mein Zyklus war so unregelmässig, dass man auf das nicht gehen kann (Ärztliche Analyse) Beim letzten Ultraschall, sagte mir der Arzt ich sei 7+6 das war am 4.8. auf dem US-Bild stehen aber andere Werte. Kann mir da jemand helfen? 🤔😃

SHAYENNE

Din Arzt het an Hand vo de Grössi vom Baby chöne feststelle das du 7+6 xi bisch. Ufem Ultraschallbild isch eifach es Datum vo er igeh het zB an Hand vo dinere letschte Periode. Aber wenn din Zyklus unregelmässig isch, chan mers ja nöd gnau berächne.

SHAYENNE

Und Glückwunsch 🤰

Ronjalein

Ja bir grössi steit ja 5.2 cm u das isch viel zgross für 7+6 wege dem bini irritiert 🙄 und danke 🙈 @SHAYENNE

AnDu88

Aso i würd säge du bisch i dere wuche wo ufem US bild steit 🤔 das isch jo d wuche berächnig anhand grössi vom bebe.

SHAYENNE

Ich känn mich jetzt nöd so us bi de Ultraschallbilder. Aber ich wür säge 5.2cm isch nöd grössi vom Baby. Bi mim Bild bi 7+6 staht det 7cm und das isch mis Baby definitiv nöd xi.

Miette

Ich hett au gseit, dass die ssw wo din FA gseit het. Die 5cm si wahrschinli inkl. Fruchthöhli.

Ich bi ir 11. ssw. zum 1. mol zur FA und denn isch mis baby ca. 3 cm lang gsi.

Ronjalein

danke nech fiu mau 😘 das dönt ilüchtend mit der gsammt Grössi 😃 isch öpper vo euch o aktuell schwanger (oder sogar aui?) u hät lust sech chli usztusche?

momofgilrs

die 5.2cm isch s ultraschallgrät gmeint…. (welle schallkopf verwändet worde isch, drunter d Hz isch welli frequenz brucht worde isch etc.) eigentlich alles ganz rechts isch uffs grät bezoge…

Ronjalein

@momofgilrs ahhhhh sooo omg 😂 bini ja komplett dernebe glege! merci