OWLET Smart Sock

Het öper vo euch Erfahrige mit Owlet? 🙂

Kommentare

  • nimmt mich au wunder🤔 ich weiss nöd ob ichs jetzte no nötig wär zum bruche, mini tochter isch 9 mönet😬
  • bearbeitet 28. August, 17:25
    Ja, ich han si. Eifach super, so mues ich mer ide nacht nie sorge mache. Eifach am obig alegge und wenn öppis isch lauft en alarm (es sanfts schloflied, s baby verschrickt nöd) uf de basis station und uf mim handy. Bis jetz isch de alarm bi eus paarmal losgange wenns söckli verrutscht isch oder s wlan abgstellt het. Me gseht ufem handy genau wi de surstoffghalt und de puls isch. Me cha am handy au luege wi de schlof gsi isch etc. Ich mach mi aber ned verruckt und studier ned jedes detail, aber ich bi sooo froh chani mi druf verloh dass ide nacht nüt cha passiere. Me chas natürli au am tag für es nickerchen alegge, es isch völlig eifach, goht 10 sekunde.
  • bearbeitet 28. August, 17:30
    Me döf eifach ned vergässe d basis station abzstelle bevor me s söckli abzieht wel sobalds kein puls me misst goht natürli de alarm los. isch mer scho paar mol passiert und denn isch min ma im gschäft verschrocke wel de alarm uf sim handy losgange isch :) und ha en bueb, het ide nacht bim windle wächsle au scho drufbislet :) denn cha me aber s pulsmässerli us em söckli useneh und s söckli wäsche.
  • @BiancaA Danke für dini Antwort! Du hesch mir nume bestätigung gäh 😀 Es isch würkli vöu gäud aber wie mi maa scho gseit het: faus öpis würd passiere isch das gäut nüt wärt im verglich zum baby!
  • makkkic schrieb: »
    @BiancaA Danke für dini Antwort! Du hesch mir nume bestätigung gäh 😀 Es isch würkli vöu gäud aber wie mi maa scho gseit het: faus öpis würd passiere isch das gäut nüt wärt im verglich zum baby!

    Absolut! Es isch so beruhigend. Chindstot isch euse gröschti albtraum, wi glaub allne eltere, und so wüsse mer immer, dass das grätli ufpasst und eus warnt. Und du muesch es übrigens gar ned äng amache (suscht gits abdrück am füessli, was fürs baby wahrschinli unagnehm isch), ich due eifach amig no normali söckli drüber alegge denn chas ned abgheie, au wenn mal chli umegstramplet wird. Und wi sehnsibel es alarmiert wenns wlan mal rasch mues neu verbinde chasch au istelle, bi eus alarmierts erscht, wenns 2 minute kei wlan het wels normalerwis i dere zit vo elei weder verbindet falls es mal trännt wird, de bruchts ned grad en alarm. Und de akku hebt bi eus immer öppe 12 stund (di neue hebed wahrschinli länger), also wenis abzieh steckis eifach i bis am obig wenis weder bruch, aber es duret glaub nur e stund zum uflade, also fürs mittagschlöfli wärs denn au scho parat.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum