Reflux-Bébé

Hallo zämä!

Eusi Chly (2 e halb Monet) isch es Refluxbébé.
Stille tuni sie nümä, sie chund de Schoppä über. D'Hebamme hät eus vor es paar Wuche empfohle es Adickigsmittel it Milch z'tue damit sie sämiger wird und nümä so ufechund, will sie es ziitli lang wenig zuegna hät.

S'Problem bi dere ganzä Sach isch etz, das sie das Mittel verstopft. Ohni erbricht Sie mer so viel das ich ihrä de Schoppä innerhalb chürzister Ziit wieder cha geh, will sie Hungerschreit. Mer lueged das mer Sie nachem Schoppä ufrecht hebed, das sie immer guet cha ihres Bäuerchen machä, mir händ Anti-Reflux Fläschli, gebed nöd alles uf eimal sonder i Portione. Händ aber au scho anderst umä probiert. Mit eusne Nuschis chäntemer mittlerwiilä über de Atlantik segle soviel hämer eus müäsä zuetue😅

Mer würdet gern mitem Adickigsmittel abefahrä damit sie wieder entspannt cha gäggerle. Hät öpper Erfahrige oder Tipps wies süsch na chänd funktioniere?

Danke eu!!

Kommentare

  • Ojeh, arms schätzeli. Reflux isch au no schmerzhaft teilwiis 🙈 ha zwar kei praxis Tipp, finde dir machet scho alles waser chönnet… aber i würd eher dr KiA froge was dir chönntet mache, falls nid scho konsultiert.

    Hoffe sehr, dass dir e Lösig findet und bis det ane, vill Geduld ♥️
  • Ja de Kinderarzt weiss ebe au scho bscheid. Womers gschilderet händ, häts nur gheisse solang sie zuenimmt und während em trinkä nöd schreit, isch's guet und nöd wiiter schlimm. Und geg d'Verstopfig sellemer eifach Zäpfli geh. Naja.. Wird ja au irgendwenn besser und den vergisst mer wie schwirig dases amel gsii isch.

    Danke vielmal!!
  • Ich würdi dir s‘homöopathische Mittel Magnesium phosphoricum D6 empfehle. Chasch guet 3 mal täglich 2 Globuli gäh; wenn dich nid getrausch direkt is Muul chasches i chli Wasser oder Fencheltee uflöse und is Fläschli gäh oder ufeme Löffeli iiflösse.

    Tuesch du Muettermilch abpumpe oder gisch Pulvermilch? Git ja suscht au extra Anti Reflux Pulvermilche vo zum Biispiel Bimbosan (nach minere Erfahrig stopfed die weniger als Zuesätz id Milch)
  • Hey super Idee! Ich probiere demfall mal s'Mag phos D6! Nei mittlerwiilä gebemer leider Süüglingsmilch und kei Muetermilch meh. Aber au de Milchwechsel isch mal en Versuech wer.👍 Danke Dir und en schönä Tag😊
  • Also mini tochter het genau so heftig erbroche i ha aber gat vo bimbosan norml uf anti reflux milch vo aptamil umgstige Adickigsmitel isch ja mega umständlich. Vor 6 jahr hets bimbosan antireflux nani geh. Brobiersch mal us.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum