Blasenentzündung

Sti

Mini Chlini 4,5 jährig het ä Blasäentzündig. Si het das no nie kha. Weiss öper vo was ds chunnt oderbwi mä däm cha vorbeugä? Merci

ELA🦎

Mini gross hät immer wieder Mol Bloseentzündig. Es chund meistens vo Darmbakterie wo it Scheide/Harnröhre glanged. Drum muemer bim Füdli putze guet druf luege das mer vo vorne nach hinne riebt.
Begünstigt wird ä Bloseentzündig au wenns um d‘Niere ume chalt isch oder me uf öppis chalts sitzt. Mini Tochter mue i dä chalte Johresziit ä Unterliebli träge. Wemer use gönd und anesitzed hani meistens ä dünns Isochüsseli däbie oder sie sitzt ufs Bei druf.
Wenn sie mir ame verzellt das es brennt bim bisle, gib ich ihre Cranberrysaft, lueg das sie suscht gnueg trinkt und 1x im Tag es Päckli D-Mannose Pulver vo Hänseler. Wemer das paar Tag mached und falls Scheide bitz rot isch no Kamillosan Salbi istriched bringed mirs meistens ohni Antibiotika wieder weg.
Wird aber dä Urin trüeb und schmöckt starch muemers go zeige.

schoggy

En Blasenentzündig chunt wie scho gseit vo Darmbakterie wo id Blase glangt sind und sich det vermehrt händ. Es chunt ned vo kalte Niere oder wenn mer ufe kalti Stei sitzt🙈im Gägeteil Bakterie vermehred sich imene warme Milliö. Ich hoffe du bisch sofort zum Arzt und hesch es Antibiotikum übercho. Ned zuewarte; isch sehr schmerzhaft und d Gfahr, dass rasch en Nierebeckeentzündig und spöter en Bluetvergiftig git gross. Ganz gueti besserig dinere kli. Immer viel trinke und richtig putze meh chasch ned mache zum Vorbüge.