August Baby‘s ☀️ 🍦 2022

135

Kommentare

  • Hallo Zame! ☺️ Ich han au es August chind, bi mir sett de ET am 23.8.22 sii🥰 und isch mini ersti schwangerschaft :) dörfi fröge wo ihr so wohned und wie alt ihr sind?🙈 bin die ersti i mim fründeskreis wo schwanger isch und sueche paar werdenti mamis oder vlt scho isch zum chli ustusche, spaziere etc. 😇
  • Heu wilkomme ich zb bi 23i und vo bern
  • @fabe Glöckwonsch zor Schwangerschaft ❤️
    Ech be 30i ond usem Kanton Lozärn. Bi mer esches s'zwöite Chend wo onterwägs esch.
    Ech könns die erst im Freundeschreis z'si, esch ned emmer ganz eifach. Bi froge cha der aber die Groppe secher amigs wiiterhöufe 👍
  • @fabe Gratulation zu dim 1. Wunder 🥰. Bi 40gi chume us dr Region Burgdorf u überchume 2. Wunder. 🥰🥰
  • Oh @PaM ha garnid gwüsst das es bärner modi bish😂😂
  • @lachuli Sho bim termin gsy??
  • Hoi zämme 😊
    I han geschterd am Morge liiicht SB ka... Bin ganz nervös hüt zum Termin gange... Es isch alles guet 🥰 Herz het gschlage und i bi 1 Tag vordatiert worde. Bin meega happy und erlichtert. Vo wo SB chunt het er mir nit chönne sage... Guet nimm i Progestoron und Magnesium.
    🍀🍀🍀
  • @lachuli sehr schön wenns der ond dim chline Wonder guet god
  • Super👍🏼👍🏼 @lachuli
  • Freut mich eu kenne ts‘lerne! Mega cooli Gruppe! 🤗
    Jasmin97
  • @samira. Yep bärner Modi durch und durch 😉
  • @lachuli Super ds ❤li schlaht 🥰
  • Vo wo chunsh de du @fabe ?
  • @PaM Wie alt isch din Sohn nomol gsy? 😊
  • Mi Luusbueb isch itz de 15 monet aut 🤗
  • @samira. Ide nöchi vo Baden im aargau 😇 du hasch en mega schöne name, isch arabisch gell?
    ALe
  • Mercii 😊😊 jaa isch arabisch ha aber anderi Nationalität 😊 @fabe falls es meitli bechunsh dörf sie gern min name ha😂😂😂😂 oder bueb samir😂😂😂♥️
  • @samira. Alles klar😅👍🏼 bin eh nanig so sicher weg de näme 🙈🙈 wüssed ihr es scho?
  • Naii mir hends immer sehr schwierig mit name ussuche weil beidi site eh grossi Verwandtschaft hend und viel näme vergäh sind oder zu ähnlich si 😂 bide 2te tochter hemmer erst tag vor geburt eh name gfunde

    Mini ersti heisst felina lilly
    zweiti delia maria
  • Mer hend üs no gar keh Gedanke zo de Näme gmacht. Z'erst mou s'erste Drimester guet öberstoh ond de chammer de das Thema ago 😊
  • Zireael schrieb: »
    @ALe Danke, ja jetzt gahts mer echt guet, die ganz normale beschwerde😄nach dem ganze Hämatom hani den endlich dörfe gnüsse 🥰Wünsch der das es bald weggaht, het die dir gseit wie gross es isch? Und hets scho blüetet?

    Ah schön das freut mi sehr🥰
    Nei blüetet ned, sie het gseit relativ gross, das isch halt so e ussag😂 und dases ihre nid gfallt...
  • eulle116 schrieb: »
    @ALe Bei mir wurden im ersten Ultraschall auch zwei Hämatome entdeckt. Eines davon etwa so gross wie die Fruchthöhle zu dem Zeitpunkt…
    Ich wurde daraufhin krankgeschrieben und sollte mich schonen.
    Habe nie Blutungen gehabt! In der Untersuchung in der 12. Woche war von den Hämatomen dann nix mehr zu sehen. Und dem Kleinen geht es gut 👍🏻

    Ah das tönt super, danke für deine Erfahrung!
  • @fabe ich wohne in Gränichen im Kanton Aargau :-)
  • @ALe Ahh cool! 🤗 wen hesch den du de ET?😇
  • Sooo ladys ha min erst Trimester sreening hüt kha alles in bester ordnig und es aktivs baby wo sho am zabble isch ha ganz schöne bilder becho au 3D liebe mini Fraueärtzin 🥰🥰 bechum am mäntig no ergebnis vom bluet nackefalte shön dünn datum stimmt au 😊 und sie het mir scho chöne zgschlecht säge 👶🏻👶🏻 mis wunsch büebli isch ufem weg 🥰✨
  • @samira. Wie schön😍😍 freut mi riesig, schön wenn alles guet isch und schön derfsch no en bueb ha zu dine 2 meitli😍🥰 witerhin alles gueti!

    @fabe min ET isch am 21.08.😃🤗
  • @samira. Heey das freut mich sehr das alles guet isch! 😍 ich hoffe au das witerhii alles guet bliebt 🙏🏻🥰
  • Danke 🥰 ha vor luuter ufregig voll die schriebfehler😂
  • @samira. So schön dass alles guet gange isch und das Ihr jetzt e Bueb bechömet 🥰
  • @samira. Das isch doch schön ds ghöre, dass es dim Buebli guet geit 😃👍
  • Hallo Zäme cool gits so en Gruppe ha denkt i gsell mich au zu eu. Min Name isch Céline bin 31 und ha au no gad es August Baby 31.08.22 🤩 Ich bin im Kt. Zug ufgwachse und wohne etz mehrheitlich im Usland aber bi glich no viel ide Schwiz. Ich ha noni viel Mamis i mim Fründeskreis und freu mich über alli Infos, Tricks Ratschläg vu allne wo meh Erfahrig hend.😅
  • Super hemmer no es (schlussliecht)😂 gfunde gratuliere 🥳
  • Danke ladys ✨✨
  • @CDanielle begrüesse di ou ganz ❤lich
  • @PaM Danke viel mal 😘
  • @samira gratuliiieeeere het mes über Ultraschall gseh?? wie wit bisch. schön isch alles guet bi dir 🥰
  • Jaa me hets überm schall gse aktuell 11+5 het sich ebe grad schön präsentiert und bide zweite tochter het sis au i dere wuche gse das es es meitli wird also vertraui ihre döt voll 😂😅 wird aber sicher bim nächste termin nomol nachefrage
  • Het öpper au en schwangerschaftsverlust gha und denn mega nervös gsi oder “angst” das wieder öppis passiert… i has nach vier mönet verlore (eher spat) i has vor knap 2 jahr nach 4 mönet verlore und ha etz efach immer s gfühl dass ja immer öppis passiere cha…
    Eny
  • Oh sorry fürs durenand 🤦🏼‍♀️
  • fabefabe

    45

    bearbeitet 20. 01. 2022, 18:27
    @CDanielle Hooi freut mich das du zu eus gfunde hasch 🤗
    Oh das tuet mir sehr leid, ich han Gottseidank kei erfahrig mit dem, aber ich wet dir gern t‘angst neh und ich han recht oft so gschichte gehört und bi de nöchste schwangerschaft isch alles guet gange! Ich wünsch dir ganz viel glück und verlür nöd de glaube drah das es klappt 😘🤗
  • Ich ha im august eh fg öppe ide 7w kha verdacht uf eileiterschwangerschat 2mönet druf hani wieder probiert und es het klappt ich ha recht angst kha aber ha mich au nid vo dem überwältige lah es cha zu jedem zitpunkt vode ssw öppis passiere das söt jeder frau klar si me mues aber au nid permanent angst devo ha es isch es gschenk und meh cha leider nüd beiflusse wie das es chunt
  • Me sött immer wüsse gsundi chind si nid selbstverständlich und me sött dankbar sie egal wie das es chunt ♥️
  • Ig mache mir ou immer wieder Gedanke, obs üsem 2. Wunder guet geit. U denno bi ig voller Hoffnung, freud, liebi, Dankbarkeit u Respekt!🥰
  • @CDanielle Ech ha mis erste Wonder i de 8 ssw verlohre. Wos de weder klappet hed beni bis zo dem Ponkt scho rächt nervös gseh. Ond d'Ziit hed ned vöue verbigo. Ha den aber noch 9 Mönet en gsondi, wondervolli Tochter dörfe im Arm ha 😍. Be mer secher, dass es dasmou bi der ou guet chond. Wönsch der nor s'Beste!
  • Oh ihr liebe, danke für all die schöne, vor alllem motivierende wort, schön z ghöre dass bi vielme nachher guet cho isch. Beiflusse chamers würkli ned und i mue säge mir gahts i dere schwangerschaft sehr viel besser allgemein und ha au es sehr guets gfühl. 💞🙏🏻
  • uiii ja da wäri aber ono vorsichtig 🙈😁 bir kollegin isvh es o so gsi... bueb bueb hets geheisse u ir 21 ssw ah doch meitli.... 🙈🤷‍♀️ wünsches dir natürlech fest das du dis buebli bechunsch ❤️
  • Jaa biz vorsicht bliebt😂
  • Guete Morge ☀️ wie gahts eu allne und wie fühlet er euch? I bi gest go z nacht esse und ha so guet wie gar nüt abe bracht wo denn s esse vor mir gstande isch 😅 mir gahts de ganz tag eigentli guet mag au esse und geg de abig wirds mir viel schlecht. Het da suscht no öpper?
  • Guete Tag, ig ha immer no mit Übelkeit ds kämpfe u Sodbrenne süsch bini aber ds friede wies mir geit
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum