Mamis kennen lernen in der Nähe von Sursee

Patricia1909

Hallo
Mine chli Sonneschii esch am 19.09.2021 ufd Wält cho. Ech be uf dem Wäg uf de Suechi nochemne Mami wo loscht hed ame met üs go Spaziere oder sech eifach chli usztuusche, am beschte ide nöchi vo Sursee

Würmli2

Hallihallo
Mini chli werd glii jöhrig ond mer wohned grad mou 10 Minute vo Sorsi entfärnt. Wörd üs freue üch könnezlehre 😊

Ginkgo

Hallo zämme 😊 Mir wohne au in de nöchi vo Sursee und würde uns freue neui Mamis und Würmli, kenne z lerne. Han euch en PN gschickt.

Sabina

Hoi zäme, mir erwarte üse chli Bueb i paar Wuche und i würd mi über Begleitig bi Spaziergäng ir Umgebig Sursee fröie. Mir wohne in Oberkirch.

SarahWiniker

Sabina schrieb: »

Hoi zäme, mir erwarte üse chli Bueb i paar Wuche und i würd mi über Begleitig bi Spaziergäng ir Umgebig Sursee fröie. Mir wohne in Oberkirch.

Hallo Sabina
Darfst dich gerne melden. Meine Maus ist im Dezember geboren und wir wohnen in der Haselwarte. Liebe Grüsse Sarah

SarahWiniker

Hallo Zämme
Mini Chli 8 Wuche alt, würde üs über nätti Bekanntschafte freue. Mir wohne zSursee:)

Würmli2

Hoi zäme
Mer hend grad en Whatsapp-groppe met Mamis us de nöchi vo Sorsi erstöut. Wär wed zo üs stosse cha mer gärn sini Nommere als PN schecke.
Wönsche üch no en sonnige Tag

Ramona1990

Hallo zämä
Ih spriche jez mou aui ah und ou öichi Chindli. Ih bi Kangatrainerin in Sursee. Jez bi däm schöne Wätter trainiere mir dusse. Kanga isch es ganzkörper Workout und d chindli si äntwäder ir tragi drbii oder im Kinderwage, wis eim wohl isch. Ih würd mi mega fröie öich bire unverbindleche Kangastund dörfe s Kanga nöcher bringe, mit öich dörfe glitzere (im kanga schwitzmeh nid, mir glitzere ), natürlech ischs für öich ou eh cooli Chance angeri mamis kenne z lehre, öich mit ihne us z tuusche und grad nöpis für d Gsundheit z mache. Was fürne Win Win Situation . Nachem Kanga isch no eh grosse Spielplatz ir nöchi für gschwüsterte Chindli oder für eifach nochlii zämä z sii und z ploudere.<br> Gschwüsterti si säubverständlech ou härzlech Willkomme.
Ih maches öich eifach und gibe grad dr link zum ahmäudä.
https://kangatraining.info/ch_de/instructor/RamonaWicki/booking/1996
Liebi & Sunnigi Kangagrüessli
Ramona