Aufgewecktes Baby

bearbeitet 6. Januar, 10:59 in Entwicklung und Erziehung
Min Sohn 7 mönet isch es sehr ufgweckts baby, er chrablet sit er knapp 5 Mönet isch, und isch au churz denach scho gstande, jetzt mit 7 Mönet staht er ohni sich hebe, Lauft ade Hand ( Lauft aber no nöd selber) Er isch lut chinderarzt sehr wit mit de ganze Entwicklig.. Trotzdem das er mega viel in bewegig isch und ich au viel mit ihm gah go spaziere oder ihn beschäftige wird er anschinend eifach ned müed.. Er macht am Tag vlt 20 minute eh Schlaf wenns guet chund. Er cha nöd 1 mal ruhig höckle, er muess immer stah und irgendöppis mache - Hauptsach in bewegig. S gliche au bim Bade, ich gange immer mit ihm zeme id Badwanne mittlerwile isches mega ahstrengend will er immer ufstaht und überall wott ufechlettere.. Ich fröge mich eifach ob das normal isch? Mach mer chli gedanke obs vlt au Adhs oder öppis chönt sie.. Mer hend scho diversi sache wie osteopathie oder homöopathie usprobiert.. verstah eifach ned wie so öpper chlises so viel energie chan ha.. hed vlt öpper vo üch eh Idee oder erlebt s gliche?

Kommentare

  • Hallo @Jasmin97, das alles chunt mier bekannt vor. Min chli isch 8Mt und staht au scho uf und lauft de möbel entlang. Schlafe isch sit geburt es schwierigs thema. Jez sm morge und am nami äs churzes schläfli ca 15- 30min. Immer energie und im momänt ischer sehr ahhänglich. Adhs dänki isch ez nu z früeh. Eifach es energiibündel. Wie schlaft er ide nacht? Vilicht brucht är wenig schlaf, evtl längt ihm de schlaf ide nacht ja. Susch dänki lueg daser sich chan ustobe. Am beste verusse vilicht ufm spielpi. Ich weiss es isch streng weme kei pause het, vilicht hesch unterstützig? Mach dr nid z viel gedanke was mit ihm ächt nid stimmt. Luegs als gschänk ah, es lauft viel meh miteme chlini energibündel. Mä erläbt viel meh und dur das machets schneller vortschritt, laufet evtl früener und wenns sowit den isch chaner ufem spielpi umeränne und du gmüetlich ufem bänkli chille😎
  • Es gid gleb nüd wo nid normal isch i dem sinn. Mini tochter isch ez 3 und au so gsi bzw immer no. Es git so chind. Es isch eifach mega astrengend ohni pause..bi üs hilft nur autofahre dass sie ischlaft.. defür schlaft sie am abig nid..🙈
  • mini tochter isch au so gsi ☺️. jetz isch sie bald 7ni. immerno an mega bewegigsmensch aber sie chan au guat amol eifach ruhig hocka und öppis macha. wür mr do nid allzuviel gedanka macha. klar mängmol isches asträngend aber es wird besser ;-).
  • So schön das zlese bini demfall nöd allei debi.. 🙈
    Er isch zwar nöd so schnell gsi mit laufe erst mit 11 mönet. Aber er isch wie ne flamme, sbädele isch ab und zue au sehr ahstrengend und s esse findi am schlimmste, will er ebe au kei Sekunde ruhig sitzt und es muess schnell gah, nach 5-10 minute wet er nüme sitze.
    Mini muetter seit ich bi als baby genau eso gsi, ich han nieee nie chöne ruhig sitze sie meint ich seg schlimmer gsi als min sohn.. ich han kei ADHS...
    Es isch eifach de temperament und charakter es git eifach mensche wo so viel ernegy händ....
    Ich ha müesse damit klar cho au wenns meega astrengend cha sie.. mini mami tuet mer leid wenni schlimmer als min sohn gsi bin 🙈😂
    Das mitem schlafe ghöri au seeehr viel dass paari eifach wenig schlaf bruchet.. wenni min sohn dihei schlaft schlaft er max.15- 20 minute..
    Wwnni aber go laufe gahn schlaft er bis zu 1 stund wenns guer chunt.. frischi luft tuet ihm suuuper. Vlt hilft dir das...
    Ich nutztes sehr gern us das spaziere so chani für mich au chli musig lose unterwegs oder mit mini muettee mal rede ohni das de chline mir shandy Klaut.. er isch 19 mönet alt
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum