Schwangerschaftdiabetik

AthiAthi

2

bearbeitet 8. Januar, 09:09 in Schwangerschaft
Het öpr vo euch schw.diabetik gha u scho grad müsse insulin ne? wie schlimm isch das für‘s baby?

Kommentare

  • Mini Schwöschter hets kha,und knapp 1 johr nach dr Geburt het sie immerno diabetes... ich dänk es isch besser insulin näh,als nüt drgege mache😊
  • Ich han diabetes gha ide SS. Hans aber diätisch guet im griff gha. han s aber sehr guet überwacht und bi würkli u strickt ide ernährig gsi. han s nach de geburt grad nüm gha. wirds jetz aber jährlich müesse überwache.
  • I haa bi de zweite Schwangerschaft au Diabetes kaa und ha au müesse Insulin sprüze. Es isch eso das das Insulin nöd i Plazenta got (Also nöd zum Baby). S‘Problem isch ebe das bi SS Diabetes z‘viel Zucker im Bluet hesch wa au zum Baby chunt. Drum sinds au oft so gross und schwer bi de Geburt. Dezue chunt no das d‘Buchspeicheldrüse vo dim Baby sich a die „gross“ Mengi a Zucker gwöhnt isch und wenns denn uf d‘Welt chunt und de Zucker nüme i de gliche Mengi chunt keiet d‘Babys ine Unterzuckerig wo cha lebesgföhrlich werde (De Körper produziert denn z‘viel Insulin well ers jo vorher brucht het).
    Bi mir isches so gsii das nur de nüechtern Wert am Morge z‘Höch gsii isch und de chamer mit de Ernährig praktisch nöd beiflusse. Drum hani denn au mösse Insulin sprüze. Bi denn bi 38+2 igleitet worde. Die Chli isch gsund und munter uf d‘Welt cho und het denn eifach 3x vorem stille Bluetzucker messe.
    Mer hend hüt beidi kei Problem mit em Bluetzucker und bi mer isch ab de Geburt au wieder alles normal gsii.
  • Stimmt bi mir wärs au uf da usegloffe weli mit de Diät nur han chöne d Wert nachem Esse beiflusse. Geg s End sind d morgewert au u gstiege bi mir und wärer ned 10 Täg vor ET selber cho wärs filich au uf da usegloffe. Im Diabeteszenter hends mer au gseit dases wichtig isch dass die chline ned en zhoche Zuckerwert hend. Daher wär Insulin definitiv besser wie mit z hoche Wert dur d SS z gah.
  • danke ladys😘, geit mir jetzt scho chlei besser.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum