Wenn ältere Geschwister die Kleinen hauen

bearbeitet 12. 01. 2022, 12:38 in Entwicklung und Erziehung
Hallo zäme

Mini älter Tochter isch bald 20 Mönät alt und ihres chliiner Gschwüsterti bald 2 Mönät. Es passiert leider amigs dass die Älter die Chlii us em nüüt use haut au wenn ich grad mit de Grosse am spiele bin. Sie sitzt dänn da und haut uf ihre Chopf i. Mittlerwiele schreit die Chlii nur churz uf und dänn schlaft sie wiiter. Ich weiss nöd so recht was mache. Mini Neis chömed gar nöd a und erkläre hilft au nöd, sie findets no lustig. Kennt das öpert vo eu? Was mached ihr i sonere Situatiob?

Kommentare

  • Ich wür am klinere chli en sicherheitsabstand geh, bises die grösser verstoht gohts sicher no es wili..
  • Oh das kenni so guet. Mini Chind händ 19 Mt. Abstand. Siit 5,5 Johr mach ich da Theater scho mit. Die gross hät agfange s‘Baby haue, chlübe, chräble, Höörli riesse, spöter vom Sofa schupfe. Wo die chlie gloffe isch mega fies vo hinne sie umschupfe usw. Schümpfe, stroofe, oder es Gägeteil dä grosse viel Exklusivziit gäh, sie hälfe loh, ibezieh, verzelle das mir beid liebed hät alles nüt ghulfe. Sie händ no jetzt wo die eint i dä Schuel und die ander im Kiga isch no meh Striit wie normali Gschwüsterti. Die chlie chund jetzt oft mit Wort dra. Will die gross merkt das sie chräftemässig nümm immer dure chund. Ich bi oft sehr verzwieflet und weiss au nid was mache. Es macht mich au so truurig dasi denn anderi Gschwüsterti gseh wo liebevoll mitenand umgönd. 😔
  • Da kenne mer au! Die "Gross" isch 2.5 und de Chlii isch 7 Mönet. Sit ich uf die 4 Sache achte, chunts bi eus weniger vor:
    -Hunger
    -Durst
    -Müed
    -nassi Windle wechsle
  • Ou ja bi Hunger isch bi eus au dä Tüüfel los. Mue ame wie bime Hund ab und zue mol en Kräcker gäh 😅
  • ish bi üs leider auso.. 2.5 und 3 mönet. mir tüend de chli ame in kiwa wener shloft
  • Bi eus ischs nid so extrem wie die einte schribed. Die gross ez den 3 und die chli 3 Mt. Ich nime a das hender scho gmacht, aber bi eus hets ibezieh fescht ghulfe, Wickle, Nuggi geh und vor allem Tröschte. Oder au wenn die chli weg de grosse Lacht das de grosse sege, lueg emal wie froid sie het usw.
  • Hallo zäme
    Danke für eui Antworte.
    Es isch würklich songsi dass wenn de Grosse was gfehlt hät; Hunger, müed, langwielig ect. dänn hät sie die Chlii ghaue. Zur Ziit hämer gar kei Problem meh, im Gegeteil, sie isch u fixiert uf die Chlii und will meh für sie mache wie sie chan. Brucht amigs alles sieni Ziit ☺️
    🙋‍♀️
    Juli88
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum