Oktober Baby‘s 2022 🐣❤️

linskyy

herzlichi gratulation allne wo neu dezue cho sind😊 schön wachst da grüppli😊

Jasmin97

Wenn sind ier ca zum Gyn? Ich will irgendwie au ned zfrüeh gah.. aber uf de andere site hed mer au sone unsicherheit😅 Ide erste ssw bini direkt eh wuche nachem Teste, isch de aber fascht z früeh gsi zum öppis zgseh..

mommy_of2

@Jasmin97 herzlichi Gratulation🥰🥰

Ich han am mäntig min erste termin. Bin dänn knapp idä 9 ssw, hoffe isch alles guät🙏🏼

Verstahn dich guät wegem altersabstand mini chind händ 20 monet abstand😅 aber ich finde meh chunt inne, muss eifach en Rhythmus finde.

@rashine Au dir herzlichi Gratulation🥰

Jasmin97

@mommy_of2 Danke Glichfalls 🥰 Ja bi gspannt wie das funktioniert, aber mer schafft doch alles irgendwie. Ich ha meh chli panik vor de schwangerschaft, han ide erste ss 9 mönet hyperemesis gravidarum gha und has garned chönne gnüsse, aber mer seit ja ned jedi ss isch glich☺️

mommy_of2

Danke🥰

Oh neii und das 9 mönet lang😣Hoffe fest für dich das dir das erspart blibt! Aber es isch so jedi ss isch verschiede mini ersti ss han ich bis uf brustschmerze nüt kah. Bi mineri 2ti ss brechreiz, übelkeit und Appetitlosigkeit bis zur 16 ssw. Und sust no beschwerde🙈

Jasmin97

@mommy_of2 ja ebe ha d hoffnig dases anderschd wird, ich denke genau so verschiede wie d babys sind so isch au d schwangerschaft.. ja isch au ned schön mit appetitlosigkeit und brechreiz.. so isches bimir ja au gsi😅 starch was mir fraue alles schaffed

Layla

@rashine

Gratuliere dir auna herzlich zum positive Test.
Das mit de Ängst chani sehr guet Naavollzie, mir ganz ganz ähnlich. Zwüscheddure, vor allem weni liechti Chrämpf oder Zie han, oder weni liechti Schmierbluetige han hani extremi Angst das öppis ned guet sii chönti. Was mir i so Situatione amel hilft isch mir vorstelle wie mis Zwärglich sich gaanz fest i mini Gebärmuetter igmummelet het & au mir immer wider z versichere, dass e FG obwohl recht hüüfig doch immerno d Uusnahm vude Regel isch und zwei FG nachenand (vorallem ohni Risikofaktore) sehr selte sind.
Wennd Ängst überhand nemed denn duni amel mithilf vu diverse Videos e gfüerti Meditation zu dem Thema mache. Nacher bini amel chli Ruhiger.
Für mich isches e Gradwanderig zwüsched Ängst und de Sicherheit dass das Baby gebore werde will.
Ich ha e Ussag vundere Hebame gläse woni na schön gfunde han "Üses Baby vertraut druf das mir im Sorghebed, eus guet Ernähred usw. Mir münd defür im gägezug druf Vertraue dass üses Baby weiss wases macht und alles defür tuet zum wachse und gross und starch werde." Säb findi na en schöne Gedanke.
Ich drucke uf jedefall gaaanz fest d Duume mit das bi dir alles in Ordnig isch!

Layla

@Jasmin97
Au dir ganz herzlichi Gratulation zur Schwangerschaft.
Hoffe ganz fest, das diesmal d Übelkeit im normale Rahme stattfindet
Wäge FA Termin: Ich han min Termin am 15.3., denn sötti so 7+5 si, aso 8ssw.
Mini Fraueärztin macht d Termine ide SSW früestens ide 7te Wuche, damit mer überhaupt es Herzli usw gseht schlaa.
Hesch den jetzt scho en Termin gmacht?

Jasmin97

@Layla Danke vielmal au ich Gratuliere dier Herzlich🥰. Ich hoffes au dases im Rahme blibt. ha hüt scho die erst Übelkeit gha aber ned mega schlimm - drum blibi positiv ihgstellt. Ich warte mitem Termin no bitzli, und melde mich de au so ide 8 SS Wuche. Danke für d Info🥰

Nalan83

herzliche glück wunsch an die neulinge in de oktober gruppe😍😊..wo toll isch gruppe gwachse..!
wie gohts euch so wer isch in wieveuti wuche? i bi hüt 8+3 am zyschtig hani en termin bi FA 😍 freue mi scho bi gspannt und bez angscht hoffe isch alles in ordnig..! i ha mit überkeit z’kämpfe meischtens am obe, und Megaaa müedigkeit..!

hend dr irgentwelchi glüscht was esse abelangt? ich bi ufm olive tripp grad😅 cha gar net gnue becho…

rashine

Merci @Layla für die ufmunternde Wort 🥰 versueche o immer wieder z entspanne. Wenn öpis nid stimmt, denn chanis sowieso nid ändere und muess eifach geduldig si.

Bis uf das furchtbare uf und ab gfüehlsmässig geits mir guet. Mini Brüst tüe nume weh, wenn ig dra ume drücke (und das machi immer mal wieder zum luege obs no so isch 🤣🙈) - das isch zu ändi letscht Wuche dütlech weniger und verunsicheret mi total! Witeri Symptom hani nid..

Bi jetz gloub 6+2 und lüte morn em FA ah. Bi unsicher ob ig söll versueche no die Wuche e Termin z übercho. Chönnt mir vilicht chli Sicherheit gä, uf der andere Site gseht me vilicht no nüt?

Nalan83

i ha grad e bez schock gha hüt…ha uf die halbi füfi mega bluetig becho bi ufs wc mega chlumpe isch use..bi mir sicher gsi dasi s’baby verlore ha zu 99%..😞..! de beni is spital, de arzt het ultraschall gmacht s‘herzli schloht und baby isch no do gsi 🙏🏽❤️…ha das gar net erwartet gha…bi so froh gsi..! aber de arzt het gseit im moment isches no do es cha guet möglich si dases en afang vonere fehlgeburt isch aber muess net si..! muess mi jetzt schohne, ha am zyschtig FA termin mau luege was den isch ich hoff mis baby blibt bi eus 🙏🏽🍀❤️…und isch alles guet…!

Jasmin97

@Nalan83 Oh Gott duet mer so leid für dich das sone Schockerfahrig hesch müesse mache.. Ich hoffe das s baby bi dir blibt und sich s schön gmüetlich macht bidir! Drücke dier fescht dume 🤞🏼🥰 Und hoffe das dich guet erholsch vo dem erschde schock..

rashine

Oh @Nalan83, drück dir ganz fest d Düme, dass alles guet chunnt, dass dis Chline sich fest ikuschelet het und bi dir blibt 🍀🙌💖

linskyy

@Nalan83 oh nei so moment sind en riese schock!! Zum Glück schiint bim chline alles guet z sii.. hend d Vluetige wider gstopt? hends chöne sege vo wa dases chund? Wie gahts dir jetz debi? Druck fesch d dume dases bi dem schockmoment bliibt und alles guet isch!🍀

Nalan83

danke euch ❤️🙏🏽🍀..! nei er het mr net genau gseit wiso vo wo das das chunt…! mer gohts einigermasse guet…ha angscht gha hüt und be devo usgange dasi scho fg ha..aber im moment isch guet😊..versueche positiv z‘denke..!
ich bi eh so eini wo istellig het also es tönt jetzt mega blöd und hart villech aber i rechne damet das die erschte 12woche halt öpis cha passiere was oft vor chunt und wenn was passiert den hets sin grund…😞..! aber natürlich hoffi das alles guet chunt 🙏🏽🍀❤️…!jo mau luege was FA am zyschtig seit..!

martina23

@Nalan83 tuet mir mega leid für dich, i verstoh das das mega en schock gsi isch.. i hoffe au u fesch das baby sich ganz fesch ignischtet het ☘️🤞

ich han da wuchenend au 2mol ganz liecht e schmierbluetig gha.. (eifach wenig bruuns bluet bim abputze)
komischerwiis immer nochdem ich mis grosse gschäft ha müesse erledige, was momentan recht streng isch, fühl mi sehr verstopft.. meineder da cha en zemehang ha?

no herzlich willkomme allne neue☺️

meki_33

@Nalan83 Ich ha das 3 mol ka und jedesmol bini in spital oder direkt zur FA.. bim 2. mol ischs ganz schlimm gsi ca 10. ssw (weiss es nüm genau) riese bluet klümpe use gflutscht.. bluetgerinnsel fast so gross wie mini hand.. het sich herusgstellt dasi kei sex me dörf ka wege dr durchbluetig.. es het bi mir unte irgendwo was ufgschürft jedesmol, dass es denn immer zu bluetige ko isch.. sit däm hani sexverbot bis z schluss.. ka das bi dir au sii evtl dases vom sex kunnt? Ich ha au jedesmol dänkt jez ischs verbi und sooo ghült.. i will nur drmit sage es isch nit jedesmol öbbis schlimms!!

Nalan83

danke❤️😊🍀..!
jo hüt blueti net zum glück bi mi mega am schohne..mau luege..was morn FA seit..!
i ha kei sex sit einehalb monet oder bez meh😅,letschte sex hend mr bim züge gha und i ha bez angscht gha ebe das was cha passiere darum hani wele warte die erschte drei monet mit sex..! jo kei ahnig wases isch …hoffe nüt schlimms..! freue mi sehr uf das baby und e hoffe es blibt bi eus🍀🙏🏽❤️…! im moment isch alles guet..hüt…und de ke mr positiv..! @martina23 wege de verstopfig hani au und hani au gha bi de erschti ss…min arzt het damals mer gseit i sel drei magnesium am tag teinke stat 1 es zytli😅 und das het mr gholfe gha…de körper cha net zviel magnesium ufnäh..! und eimol hani movicol becho wasi aber schrecklich find zum trinke🤢…. also das mit magensium het me gholfe..! oder dörti fiige um wasserloh 1obe und am morge trinke..hilft schinz au..!

linskyy

@Nalan83 super dases nüm blüetet. dasch sicher es guets zeiche! und guet dass di usruehsch und so positiv igstellt bisch! Da merkt da chline bestimmt au😊 hesch murn de Termin am Morge? Hoff fesch dass denn entwarnig bechunsch und alles guet isch!🍀🍀

mommy_of2

@Nalan83 Uii neii was für en schock moment!! Das tuet mir leid! Zum glück isch es jetzt besser und hoffe chunsch morn entwarnig über🙏🏼🍀

mommy_of2

Han hüt min erste termin kah🥰 s’herzli schlaht🙏🏼❤️ es isch jetzt eifach jünger im moment gschätzt will mässig nöt so guät gsii isch. Aber mini FA hät no keii korrektur welle vor neh will sie gseit hät chönt au am grät liege. Es würd jetzt für dä moment 1 wuche jünger gschätzt. Aber sie blibt jetzt mal bim ET 12.10 und am 21.3 han ich nomal ä kontrolle und so gsehts mer besser😊

linskyy

@mommy_of2 so toll dass s herzli schlaht und alles sowiit guet isch.. chönt ja au si dass din ES chli spöter gha hesch, denn wär da chline ja au chli wiiter zrugg. Wie wit bisch jetz?

mommy_of2

Ja das hät sie ebe au gseit. Ich dänke ebe au das et um dä 20ste wird sii. Bi mim sohn isch dä et am 23.3 gsii und bi dä tochter dä 21.11😊 jetzt bin ich 7+6

linskyy

Wenn hed bi eu d müedigkeit agfange? bi grad soo krass müed😴

Pheobee

Hallo mitenand🤗Melde mi au wieder mol😉Allne wo neu dezue cho sind herzlichi Gratulation zum Buuchzwergli🥰 Jetzt hets jo doch no es paar Oktoberbabys ufem Weg😊

@Nalan83 Wie gots der/Eu? Wa het de FA gmeint hüt?
Mini Kollegin het au uuuuuh mega schlimmi Bluetige kaa i de Früheschwangerschaft und eri Tochter isch jetzt 3. Chunt sicher alles guet✊🏻

Ich bi hüt au s‘erst Mol i de Kontrolle gsii🥰 Herzli het gschlage und es isch alles so wies sött sii bi 8+1
Ha no chli Angst kaa das es chönti Zwiling geh well i di letschte 2 Wuuche wege de Übelkeit komplett flach gelege bi. Zum Glück gots mer jetzt wieder besser🙏🏻

linskyy

@Pheobee so schön isch alles guet😊🥰 und demfall kei zwilling?:p
und guet isch d übelkeit wider chli besser. vo dere bini bisher zum glück verschont bliebe.

samira.

@Nalan83 Alles okay bi dir?

rashine

Si öii Partner bi de Undersuechige derbie? Scho bir erste? Oder isch das im Moment wäge Corona gar nid erlaubt?

samira.

Chunt immer uf de arzt druf ah letzt jahr het min mah immer mit dörfe bi dere ssw hani meistens termin wen er grad am schaffe isch😂🥲 aber theoretisch dörft er mit cho @rashine

Nalan83

hallo zäme

es isch alles okey…🙏🏽🧿🍀😊…baby gohts guet es entwicklet sich guet…! si het mr net chöne erkläre warum das passiert esch…sig schwierig aner lut ultraschall und süscht werte gseht alles eigentli guet us sowit..! ha endi monet nomau en termin für nackefaltemessig ect..!
bi beruhigt und glücklich jetzt😊🥳

Nalan83

also vor zwei johr isch mi ma emmer mit cho het au dörfe, jetzt hani en anderi FA und do darf niemmer mitcho leider..!

lachuli

@Nalan83 es freut mi riesig dass alles guet isch 🥰 i han au Endi Monet min nächste Termin 🥰 🍀
Es söll so witer go für Alli 🥰

PaM

@Nalan83 SUPER, ig bi sehr froh, dass es dim Bebeli guet geit 🥰😘

linskyy

@Nalan83 gottseidank isch alles guet! zum glück!
@rashine bi mir dörfti de partner mitcho. er müessr duss warte und wür für de US inegrüeft werde. er wird sber warschindli nur 1-2mal debii si. hend scho en sohn und er luegt denn entweder uf ihn oder er isch denn eh am schaffe🙈 bi eusem erste ischer meh debii gsi.

tuttifrutty

Hallo ☀️
Ich dörf mich au dere Gruppe aaschlüsse 🥰🥰🥰 mis erste! 😍Mer esches aber grad dauer-schlächt!😕 het irgendöpper tipps? Die gängige kenni..
So eschs grad ächt ned lustig…

Bell

@tuttifrutty Ich bin zwar aus der Mai Gruppe, lese aber auch in den anderen Foren mit. 😉Mir war auch 3 Monate übel. Wenn du immer etwas Kleines isst, dann hilft es etwas den Blutzucker stabil zu halten. Sonst hatte ich noch 1 Iterinol pro Tag genommen, wenn es ganz übel war. Irgendwann hat es dann plötzlich aufgehört 🥳

Nalan83

hallo willkomme @tuttifrutty ich kenns🤢😩..ich nimm volli dosis cariban und es hilft…das isch echt mühesam die übelkeit..!

danke an alli wo noche froget hend 😊 und sich mit mir freue das alles ok isch😘❤️

linskyy

@tuttifrutty herzlich willkomme und herzlichi gratulation! oh nei. bin bisher zum glück na verschont blibe. wie wiit bisch du denn?

martina23

@Nalan83 i freu mi au sehr das bi dir alles guet isch☺️❤️

bitte drucked mir au düme, i chan morn zu minere ärztin, welli hüt zum 2te mol e schmierbluetig gha ha und mir zvill sorge mach zum chöne bis nögst wuche warte🙈

tuttifrutty

Dankee für euches Mitgfühl 😓 nimme ebe scho 2 Itinerol am Tag und ben glich ned „Alltagsfähig“…

@Nalan83 Ich drucke gaaanz fest d‘düüme! ☀️☀️

@linskyy Ich ben ca. Ide 8te SSW, FA hets noni gnau chönne säge - ben i de 6te SSW zu ere id Jahreskontrolle… und siehe da 🤩 han de Januar ÜZ eig scho uufgeh und ha nurno ufs Mens gwartet 😶 de Eisprung esch also öppe 2 Wo spöter als normal xi 🙈

Nalan83

danke euch 😊🙏🏽…! wie gseht bi euch us mit übelkeit? bi mir isches meischtens am obe schlimm…muess meischtens spötere obe erbreche🙄😩🤢…so zähni elfi..also nacht..!

@martina23 dume si druckt 😊✊🏼✊🏼

martina23

so es update vo mir.. gseht leider nöd so guet us.. zersch bini bi de ärztin optimistisch gsi, well sie de grund vo de bluetig a mim gebärmuetterhals gfunde het (ha im juli 21 e konisation gha). aber leider het sie denn bim ultraschall nur e chlini fruchthülle gseh, was halt vill zwänig für 6+0 wär und i bi mir leider recht sicher dases nöd e wuche weniger cha si, well ich scho en recht regelmässige zyklus han und au scho am 12.2. serst mol positiv testet han (10er test) etzt hani mösse bluet geh und mue warte bis sergebnis chunt (wohrschindli ersch morn morge)
e ganz chlini hoffnig hani natürli glich no, die stirbt jo bekanntlich zletscht..

Nalan83

@martina23 ou nei das duet mr leid😞…! aber warte mau bis ergebnis chunt muess no nüt heisse…wie du gseit hesch hoffnig stirbt zu letscht..dume si druckt uf jedefall und ich hoffe ufenes positives ergebnis..🙏🏽🧿🍀✊🏼✊🏼✊🏼✊🏼

linskyy

@martina23 da duetmer u leid dass hüt na kei entwarnig becho hesch und nani so chasch dureschnufe. ich druck fesch d dume dasses dem chline dennoch guet gaht und du bald gueti news chasch brichte.🍀🍀

linskyy

ich han hüt (6 1) au min erste termin gha. ha panik gha devor weli ersch grad en fg gha ha. doch damal gseht alles viel besser us. mer gseht en embryo (3mm) inkl. herzschlag. alles ginau perfekt entwickled. damal chunds guet, ich hoffs ganz fesch! hetti ersch i 6 wuche wider en termin. doch de arzt isch so ifühlsam und hed gfragt wie s gaht mit de verunsicherig und obi dezwüsche gern na en termin hetti dass bi mir ned so s chopfkino losgaht. jetz dörfi i 3 wuche namal schnell gah dasi mi beruhige chan weg dem wo ersch grad gsi isch.

martina23

@linskyy da freut mi mega für dich🥰

min hcg isch 560, wür zum ultraschall passe, aber halt nöd zu all mine berechnige, au wenni denki i bi no bizli falsch oder so.. etzt mueni am samstig nomol go de wert bestimme, ob gsunke oder gstiige.. bi aber nöd gad optimistisch🥲

linskyy

@martina23 weisch du wenn din ET gsi isch wege ovus oder tempimesse? oder eif. weg dim zyklus? chönt ja si dass de et trotz sehr gnauem zyklus immer chli wiiterhinde isch. denn wärs ja au klsr weg de berechnig! ich druck dir all dume!

martina23

@linskyy weg em trmpimesse und i gspüren normalerwiis au, aber cha mi de monet nöd gnau erinnere wenn da gsi isch.. 🙈 s“problem“ isch meh das i jo scho am 12.2. positiv testet ha.. da wär jo denn ersch es+4/5 gsi wenn i jetzt ersch 5+2 wär.. darum isch scho recht unwohrschinlich

martina23

so mini liebe, danke für euen support.. leider hani hüt nacht bluetige we mini täg becho und i fühle mi au nüme schwanger.. i bi uu mega truurig😭i wünsch eu alles alles gueti für eui schwangerschafte❤️