Hibbeln auf dass die Kritischen 12 Wochen rum sind…

me hibblet glaub die ganzy schwangerschaft dure…😅..! aber die erschte 12 wuche sind ja die wo am kritischte sind wer hibblet au das die entlich dure si? ich weis es cha emmer was passiere isch mir klar au in de 16.wuche ect…und und…aber jo me esch halt scho bez beruhigter wenn die kritische 3 monet ume si, ich zu mindischt. ich ha früsch positiv testet, hibble aktuell uf de herzschlag e mol👀 und denn dass die 3 monet verbi sind..! und ihr so?
«134

Kommentare

  • I hibble ganz stark mit.... Han Gott sei Dank am 31.01 die nächst Kontrolle den bin i 8 4 🥰
    Es goht scho lang bis die Wuche ume gönt...
  • @lachulischo 8ti wuche fertig fascht soooo toll nur no ca 1monet den hesch sind die kritische 12 wuche hinterdir..😍🍀🍀…! be mer gohts no lang🙄😅….i finde emmer die erschte drei vier mönet gönd net ume..
  • Jo bald chunt die 9 Wuche unglaublich 🥰
    Ja die erste 3 Mönet gönt lang bis es ume goht.. Und den gohts schnell anschinend 🤪🙈
    Chunt bestimmt alles guet.
    Wie gohts dir?
  • I bi au am mithibble das die 12 Wuche ume sind 🙈 am Donnstig hani wechsel i di 7.SSW, da heisst ha dHälfti gschaft 😁
  • @pünktchen oleeeey die hälfte geschafft demfau…wenn hesch de nöchschte FA termin den? @lachuli mir gohts guet gspüre no net vell…nur es mens zieh die ganz zyt und das sich was unde macht😅 es zwicke es zieh…bi dir? 😊
  • @Nalan83 ha am 8.2.22 min erste Termin... Bi den i de 8.SSW
  • Hoi zämme
    Sit 2 Täg han ich au e zieh... Mutterbänder sind spürbar... Bin au immer früeh wach...
    Müdigkeit bestoht de ganz Tag... 😉 Aber süscht chum i guet zSchlag...
  • @pünktchen i ha au am 8.2 de erschte termin😍😍😍..
  • @Nalan83 wuhee 😁👍 denn chas nume en Glückstag si 🥰
  • Bestimmt wirds e guete Tag si 🥰🍀
  • wo sind die andere hibbel fraue?😅 cha net si das mir die einzige si wo do hibble bis 12ti wuche🤣👀…
  • Ich ha mini 13ssw wuche erreicht😅 also bini düre mit dim thema😄
  • Nalan83Nalan83

    602

    bearbeitet 26. Januar, 00:11
    samira sooo toll 😍🙏🏽🍀 bisch dure…freut mich für di…! sisch etape für etape hürde für hürde, erscht hibblet me ufe herzschlag den die kritische 3 mönet…3 mönets untersuechih ob alles ok isch…gschlecht , denn zucker test und und und 👀..immer am hibble mir fraue…! hesch die 3monet untersuechig den scho gha isch alles guet bi dir?😊
  • Bi scho ide 17 ssw aber s hibble hört ja irgendwie nüm uf bis zur Geburt 😅
  • @Nalan83 Jaa untersuechig hani kha alles tip top ja me hibblet immer chli au bi jedem zieh und steche überleit meh hmm isch echt alles ok😅 sone ssw zieht halt au scho ade nerve
  • Ich hibble für euu mit daaa die 12 ssw schnell umegönd 😁❤️
  • Danke 🥰 die letschte 2 Täg han i Mutterbänder gspürt... Hüt isch es mir de ganz Tag schlecht und han Lichti Kopfschmerze... Jede Tag isch öpis anderst 🤣
  • Speziell das du die so frühe spürsh @lachuli ich ha sie erst mal im 6monat gspürt wos de richtig az wachse cho isch 😃
  • Ok i hörs no vo vielne dass sie's so früeh spüre... Es isch eifach es zieh im UL.... Mir het me immer gseit das chunt vo de Mutterbänder... Aber viellicht isch es au öpis anderst....
  • Nimm magnesium und vo weleda giz so kautablette wo muskle stärke denke wär nid schlecht wens sho so früh merksh den für nachher wird ja immer schmerzenhafter ☺️ 🥲😂
  • Ja Magnesium nimm i scho... A dass vo weleda kenn i nit muess i luege... Hüt isch es wieder guet... 😉
  • Jaa sie i soo glas behälter dunkelbrun weis aber grad nid wie die heisste und wen schmerze stark sind dörfsh jedi 15 min 2 näh

    Normali dosierig isch morge-mittag-abe je 2x
  • Nalan83Nalan83

    602

    bearbeitet 26. Januar, 22:13
    @Fabi88 du seisches eigentli hani gruppe falsch tauft😅 het sele ganz schwangerschaft hibble si…isch au bez e seich das mr i dem forum net cha sache bearbeite findi und ändere im nachhinein…au lösche….das sete si echt mau ändere…!
  • Jaaaa ao doof chamer paar sache nöd ändere / lösche!

    Ich ha glich immerno angst i deri Schwangerschaft obwohl ich 14 6 bin 😐
  • @snowangel jo es isch echt en seich…i würd jetzt gern de titel ändere zum bispel abr cha net🙄…! i wirde ganzi schwangerschaft angscht ha und hibble warschinli…😅….den wenn geburt nöcher chunt weder angscht mer zwei hend jo net grad en schöni geburt gha gäl mitm kaiserschnitt😞..! ich hoffe diesmol wirds besser und en normaili geburt…
  • @snowangel wie fühelsch dich so hesch viel symphtom?
  • Ich mach mir jetzt scho zvil sorge über ziit nach de Geburt wenn mer Pech hend het de gross im Herbst sini nöchst OP und wird einigi wuche im Spital sii wie bring ich da anne wühr so gern s Baby chöne stille und wenn Corona immer no da isch wird da recht kompliziert.
  • @Fabi88 das chunt scho guet🍀🙏🏽..und ich denke das de schiss corona bis denne bez unter kontrolle isch..! ❤️
    de termin für OP chasch net wähle ?👀
  • Morge zämme
    I bin hüt in die 9 Wuche acho 🥰 so langsam gohts vorwärts... Wenn i die nächste 2 Wuche überstand den han i mi persönliche Meilestei erreicht... 🥰🍀
  • @lachuli schön zghöre 🥰
    I ha hüt di 7.SSW erreicht und bi somit wiiter cho als letscht mol 😁🤞
    Schöne Tag euch allne 😊
  • @Nalan83 nei bevor ich gewüsst ha dasi schwanger bi isch immer de Früehlig adenkt gsi, bi ja au froh wenn min Sohn so gstärkt we möglich det drii cha gah
  • @Nalan83 jaaa ich han ab und zue leider immerno übelkeite, aber es isch suscht alles guet. Und wie gahts diir?
    Ich wünsch mer e normali gebuet vo ganze herze! Aber ebe es chunt wies chunt gäl..
    Hoffes glich emal.. 🤭

  • Nalan83Nalan83

    602

    bearbeitet 27. Januar, 23:06
    bi mir isch alles guet merke nonig viel..nur es zwicke und so unde heheh…hüt isch mr ganz kurz e mol schlecht gsi aber nicht der redenswert…! wot entlich dases 8.februar isch und ich entlich zum arzt cha👀😍😍😍…wot gseh das s’herzli schloht…zyt goht net ume…🙄
  • @Nalan83 sWarte isch immer meega müehsam... Aber Ziet wird ume go und den hesch dini Kontrolle.. Nächst Wuche foht scho de Februar ah 🥰

    I bi froh isch hüt Fritig... Bald hämer Weekend 🥰 mir isch es immer am Morge schlecht... Aber nit so schlimm dass i Erbreche muess...
  • So guet Nalan ich han de termin am 9.2 🤭 hoffe gsehn denn sgschlecht.. verzehlsch mer denn wies glofe isch 🥰
  • Ich ha min Pränataldiagnostik Termin am 7.2
  • ich freue mi megaaaa uf mini erschti untersuechig…ha nur bez schiss das s‘herzli nit schloht oder so😞….und e bez panik wenns zwillinge oder drillinge sette si😱….
  • Ouhh ja hahaha die angst mite Zwillinge hani auu kah!!!

    Mitem herzli hani au kaa, has denn i de 8ssw gsee 🥰 freu mii denn uf din bricht
  • @Nalan83 i han die gliche Gedanke ka vor minere 1 Kontrolle. Am Mäntig han i mini 2 Kontrolle 🥰 🍀
  • Also ich ha mir bi all mine 3 chind Zwillinge gwünscht🥺 ish eh absolute traum vo mir gsy defür hani jetzt 2 kids wo sehr nöch zemme sie 😂♥️ @Nalan83 wieso meinsh das zwilinge bis drilinge becho chöntsh? 😃😃 hormonel od. Wegs em alter ? 😄 bide kontrolle wird alles guet si gsesh mal dis shrimps 🍤 baby gsesh de und herz isch au dört
  • 😅 me weis jo nie, grossmami vo mim ma isch zwiling gsi und sini tante het au zwilling becho, alter jo cha au si bi 38ig…weis net chönt si..aber vo dem hani angscht..das isch megaaa viel stress 😱 wüsst net wienie das set schaffe scho 1 kind isch viel arbeit findi und den zwei ufsmol🙈…boaaa ke ahnig …ich währ überforderet..! mini tochter wird endi mai 2 jährig..!
    jo ich hoffs au das alles guet chunt 😊🙏🏽🧿🍀….bi gspannt druf…! wichtigschte isch sherzli sel schloh ob jetzt eins zwei oder drei isch egal…😅…hauptsach alles isch ok..!
  • Ja zb kenni eini wo au mega lang sho kinderwunsch hätt de hent ihri Cousine ihre kiwu klinik empfohle de het sie gseid nai bevor sie riskiert 2 becho will sie garkeis so ussage sind für mich au frag würdig…
  • okey..oye..jo nei ich wird mega glücklich au wenns zwillinge würde werde😅…eifach i ha nur angscht und überforderet währi..aber jo ergentwie goht das scho…anderi schaffe das au…🙈….
  • @lachuli morn hesch dini 2. kontrolle 😍 so toll..!
    i weis ergentwie nedemau weli wuche i bi😅… also lut app beni 4+3 …aber da ich de eisprung ei wuche vorher gha ha als normal bini den au ei wuche witer vore?🤔…
    das gseht den FA oder? de seit sis mr genau hihi…
  • @Nalan83 Cha di chli beruehige. „Zwillings-gen“ wärde nur uber tfraue ubertreit 😉. Also nur fo Frau zu Frau (bi de manne endet z“gen“) & wird meistens ei generation ubersprunge. Männer gäbe nur zgschlächt vor 😉. Hani grat letschthin mini FA gfragt (han ebe selber au en Zwillingsschwester & totali panik gha, dasi au zwillinge überchum 😂🙈). Muess natürli nix heisse. Git au glaubi nur wenigi studie wa das unnersuecht hend.

    Ah und bzgl. Wuche, das chame im US ganz genau bestimme. Ich bin z.b.en wuche zruggstuft worde (mine ES isch en wuche später gsi als normal, hani aber scho gwüsst). Han die erst kontrolle erst ihr 9. ssw. gha, de het me zBaby scho gseh & zherz au scho gseh schlah.
  • Ja morn han i endlich die 2 Kontrolle 🥰 bin sooo gspannt 😍
  • Also als Zwillingsmami chani eu sege: kei panik, es isch amigs zwar streng aber würkli ned schlimm. Me gwöhnt sich halt a alles.
  • jo nimmt mi wunder wie si mi istuft, bi scho jetzt nervös und zyt goht eifach net ume…🙄…! dina stimmt du hesch twins 😍…hesch min respekt👀…isch sicher net eifach …aber machbar klar😊…! ich findes megaaaa schön 😍 abr ha eifach respekt vo dem…!
  • @dina hesch eigentli en normali geburt gha?
  • @Nalan83 Nei ich han en Kasierschnitt kah. Mer hend 1 Wuche vorem Kaiserschnitt alles gmacht und geh dasd wehe chömed aber es isch nür passiert🙈 Trotz ileitig 2 mal, wehe coctail, viel laufe es het sich nüt tah. I de meiste europäische länder ( CH au) dörfmer mehrling nöd länger als bis zu de 39 wuche im Buch ha, da Plazenta ab den nüme gnueg für 2 oder mehr chind sorge cha. Also hets en Kaiserschnitt geh, aber isch mega agnehm gsi bin voll okey gsi mit dem. Bin nach 4 stund au wieder ufgstande zum go dusche.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum