Positiv oder negativ?

Lejuno

Hallo. I bi neu do und ha denkt i frog mol no, ob da viellicht scho öper gha het und mir wieterhelfa ka. I bi sit 1 Wucha überfällig und ha gescht obed en tescht gmacht. Jetzt glaubi das döt gaaanz e fies plus z erkenna isch. Wa bedütet da? Noch einere wuche sött jo de strich stärker wäns positiv wär oder? Bi total unsicher.. i ha no wieteri tescht bstellt, die söttet hoffentlich hüt no cho, aber ka fascht nüma warta..

lunapiena

Gseht für mi negativ us. Aber mach mal en digitale.

AnDu88

Aso i gseh au e fiine zweite strich 🥰

Lejuno

I wart uf de pöschtler, de bringt tescht 🙈 bi ganz nervös...

snowangel

Gseh au e zweiti linie 🍀🍀

Lejuno

Ou man. De pöschtler endlich ko. Ha hüt morge min erschte urin ime becher phalte. Aber glaub wieder unklar.. weoss nöd obs dra lieht das da scho 2- 3 stund im becher gsi isch.. de zweit hani vermasslet, zwenig "bisi" ka 🙈 denn muassi wohl nomol warte bis morn morge

Lejuno

do e biiitzli bessers foti

Lili27

Mine hät au so usxseh mit e liechte strich, würd e digitale mache vo clerblue den weisches zu 100%

Thea

Ich glaube es isch mega individuell bi dene Tests… chunt sehr ufd HCG-Konzentration drufah. Bi minere zweite und dritte SS hani kei Morgeurin gno, bi jewiils 1 Tag überfällig gsi und han au sötig Test verwendet. Es hät bi mir sofort en dütliche Strich gäh. Für mich gsehts momentan daher negativ us, aber vllt muesch Du würkli früsche Morgeurin neh, damits richtig ahzeigt 😊

Lejuno

Danke eu allne. I mach morn morge nomol eine 🤗

Juli88

Und was isch usecho? 😅

I gseh au e fiine Striich

Lejuno

Juli88, wieder ganz en fiene strich 🙈 ha aber am mittwoch en termin bim FA, denn hani gwüssheit was lauft 🤗

lin19

Mini hend au so usgseh - i wür säga positiv🥰

Lejuno

#lin19 sind dini au nöd stärker worda? Ha hüt morga nomol eina gmacht und sit am donschtig isch de strich nöd stärker wora. Me gseht en fascht nöd.

minggi

Aso ich hät gseit negativ. Min erst sst isch au negativ gsi. De digitali 2 tag spöter den posiriv. Wür en digitale gu chaufe, das ungwüsse würd mi fertig mache😂 hoffe für dich das susch sen de FA en ss chan bestätige🙏

Lejuno

#minggi jo es isch so komisch das bi allne tescht nur gaaaanz schwach azeigt. Am mittwoch kani zum FA, denn weissis sicher 🤗

lin19

@Lejuno Wia viel plus ES bisch denn jetzt? Bi mer ischs gfühlt ewig ganga, bis stärker worda sind, ersch woni scho paar täg drüber gsi bi, aber ha denn au zwüschezitlich no tests vo andere Marke gmacht..sind da au d David SsT?

Lejuno

#lin19 jo also i het eigentlich vo 1nere wuche mini mens überko 🤷 jo de eint tescht isch vo clearblue gsi und die streife vo david.

lin19

@Lejuno ou sorry, hesch jo gscrhiebe🙈 bi mega gspannt, wa din FA meint🤔 D Dume sind uf jede fall druckt🙏🏼🤞🏻

Lejuno

#lin19 danke gib denn rückmeldig

Sarah 19 91

i würs säge positiv mine het o so usgseh u bi ir 37 wuche jetz 🤣 bisch no früeh evt Es 11 oder so?

Sarah 19 91

ah sorry ersch iz gläsä viluch het sech di ES verschobe

Lejuno

#sarah 19 91 bi jetzt gad bim FA gsi. Min ES het sich tatsächlich verschoba. De tescht isch positiv, me gseht aber no nüt wills no z früah isch. Nögscht wucha nomol go zeiga.

Lejuno

#lin19 positiv. Aber no so früah das mer nur d fruchthöhli gseht. Abwarte..

Sarah 19 91

schön das fröit mi 🥰 isches dis erschte

snowangel

Yaaay!!! 🎉🤸 gratuliere dir herzlich freu mich mit dir!

Lejuno

#Sarah1991 nei wär s dritte

Lejuno

#snowangel danke, aber viellicht isch jo au nüt 🙈 da wird e langs warta bis nögscht wucha 😅

lin19

@Lejuno Heeey, da freut mi mega för di🥳🥳 verständlich, warta isch immer doof, aber bi au bi 5+5 bim FA gsi und ma hät au no nix gseh - positiv bliebe🙏🏼

Lejuno

#lin19 jaa kunnt scho

Lejuno

#lin19 jaa kunnt scho

Lejuno

#lin19 jaa kunnt scho