Ausagen 3 ½ Jährige

Hoi Zämme

Ich ha mal eh frag... und zwar isch min Mah go dusche gange...(er zeigt sich nie gross de Tochter nackt) also sie gseht ihn sehr sälte nackt.

Hüt isch er vonde Duschi cho und und sie höt ihn gseh... und hät de vool müesse lache und seit ... lueg mal Papi du hesch eh grosse Schw..
Ich weiss jetzt ned wie ich druff söll ih gah de sie seit au zu ihm du hesch ned sgliche wie sMami.

Aber mir düend niemals sötigi wörter benutze und ich ha sie au gfrögt vo wo sie das weiss und glernt hät ? ....

Ich meine sie isch erscht 3½ ... und das isch mir scho grad chli sehr früeh... sie häts mer ned welle säge....

Wenn und wie isch es bi euch zu solche sache cho ?

Kommentare

  • Meinsch nid, dasses chönt sii, dass sie wie kei Begriff für de Penis hed und Schwanz (das meinsch ja wahrschiinlich oder?) gseid hed, weg de Assoziationen zumne Tierschwänzli? ich kenn es Meidli, wo das so gsi isch...
    Mier persönlich ischs mega wichtig dass mier en offne Umgang hend mit de Chind und mier hend dGschlechtsteil vo afang ah benennt (Penis und Vulva/ Scheide), zum ihne zeige, dass das ganz normali Körperteil sind und mer die zwar nid ide Öffentlichkeit zeigt und bzw die vo anderne nid alängt und dGrenze respektiert etc, aber das gliich total öpis natürlichs isch und au darf sii...
    Will ich merks ide Schuel immer wieder, wie schambehaftet mer demit umgahd udn wie oft dChind so unpassendi Wörter oder so bruuched, eifach wills au keis Voci defür hend. Meinsch das chönt bi dim Meidli nid au eifach a dem ligge? Und dGrössi isch ja villicht wirklich en Überraschig gsi für sii, wenn sie susch allerhöchstens Buebepenis kennt
    snowangel
  • jo ha grad welle froge wie. wie hend er ehrw de biibroch wie die körperteili heisse? de hätsch si jo met de andere, för euch rechtige, Bezeichnig chöne korrigiere. du meinsch ***
  • Ich gseh das mitem „Schw…“ gnau so wie @Manowela. Chan mer guet vorstelle, dass sie das mit de Tier in Verbindig bracht hät. Mini Tochter isch au knapp 3.5 und kännt jetzt sit churzem die „korrekte“ Begriff (Penis und Vulva), will ich möcht, dass sie s richtige Vokabular defür hät. Au für de Fall, dass ihre mal öper z nöch chönti cho, dass sie weiss, wie sie das verzelle chan (ich hoffe natürli, dass ihre nie sowas passiert, aber hützutags…😞). Naja, ich ha dementsprechend wele säge, dass ich das nöd schlimm, sondern sogar guet find, wenn sie die unterschiedliche Begriff fürd Gschlächtsteili kenned i dem Alter. Wenn Du nöd möchtsch, dass sie „Schw…“ seit, würd ich ihre eifach gnau erkläre, wie mer zu was seit resp. weli Begriff au Du/ihr bruched. Das verstönd d Chind i dem Alter sehr guet, findi. Eusi jünger Tochter wird ez ersch 2 und sie seit hald zu allem no „Popo“ oder „Pipi“.
  • Also ich zeige am min Sohn jetzt au die richtigi näme dafür. Bim papa seit er Penis/pipi und bi mir seit er eifach no Pipi, das versuechi ihm no richtig bizbringe. Gaht aber seeehr schnell. Für de Fudi kennt er jensti näme 🤭😂 fudi, culo, culito, kaka, popo.

    isch möglich dass es dini chli vo öperem ghört het mitem Grosse schwanz und sie wird bestimmt no chli stärkeres ghöre mitem Alter 🤭 aber isch vlt au möglich dass sie en chlinere bueb gseh het mitem chline gschlechtsteil und denn gseht die es bim papi und merkt die grössi unterschied. Bi mir aber 100% sicher dass sie es nonig uf e anderi Art "so wi mir da würdet denke" denkt.

    Isch zwar bim jedem anderscht aber findes au guet so wie @Manowela seit dass es guet isch wenn sie vo afang ah wüsset was mir hend und das es total natürlich isch.

    Lueg min chline het letscht mal im Aldi amene frau in leggins und buchfrei "tatsch fudi" und "ombligo : uf dütsch buchnabel" gseit da hend mir all müesse lache will mir es uf e anderi art gsehnd aber dihei mitem ombligo isches will min buchnabel so extrem useluegt wegem babybuch und das merkt er halt au dass die Buchnabel anderscht usgsehnd.
    Und zum fuditatsch hets au sini gschichtli.. 😁

    Oder wenni i de badi bin...das fühli mi fascht unwohl aber sind halt chinder und neugierig.. aber da stönds um min buch und fröget/seget wieso hend sie so en grosse buch?, Wie isch sbaby det ine cho? Wie chunt denn sbaby use? Aber mini mami het nöd so en grosse Buch! Ich will au das mami nomal en baby het im buch.
    Han au scho ghört wie die chline anderi seget " me gseht de popo" wenns die neui badmode da ahend als tanga..
    Oder hend a min sohn gfrögt wiso het er kei Bikini ah.

    😁 Sind eifach neugierig.
    Sie probieret alles us und wennd alles wüsse ohni hintergedanke.

    Ich het jetzt bi dir so reagiert: " ja de papi het scho en grosse und de joshi het no en chline penis, wenn de Joshi älter isch so gross wie de Papi, denn het Joshi au so en grosse Penis." Eifach ganz offe, es isch nüt gloge es isch eifach eso wies isch 😁 au wenns unahgnehm isch zum drüber rede.
    Mini mumi luegt min chline mega schockiert ah 😂😂😂 und gaht amigs zum sim papi und wet au luege und afange vergliche.. isch echt mega komisch aber ich finds ebe falsch es zverbiete..

    Er het jetzt swort "kuraz" vo irgendwo ghört. Freu mich scho wenn er im Aldi kuraz ume schreit. 🙃🥲 Jetzt muessi ihm halt au bi bringe was Kuraz isch 🙏

  • Vlt seish ihre eifach meh seiht das wort nid lut ish es Geheimnis quasie 😅 und erklärsh ihre das meitli und buebe ebe öppis anders sind zb mami het ja titis und papi nid aber halt uf eh kinderfründlichi art ich weiss bis hüt nid minere 6j das richtug zerkläre😂😂 daher blibts eif es tabu thema
  • Wie die Körperteil vo Maa u Frau heisse het üsi au mit ca 3j welle wüsse. Au was dUnterschide si. Am Afang ischs mir au komisch vor cha di richtige Usdück ihre dsäge u ner au vo ihre zghöre. Doch ich ha mir denn immer wieder gseid, dass ich nid so verklemmt wie mini Eltere will sii.
    Jetzt wo si 5j isch u ich schwanger, simmer voll ide Ufklärig inne. Und mit em Buech "woher die kleinen Kinder kommen" gats super guet.
    enelaa94
  • i denke au das sie schwanz nöd gsait het wie mirs amel als erwachsni säged sondern wel si jo su kli recht het neutral optisch betrachtet isches so.
    i finde es gsunds verhältnis zu nackthait isch wichtig. min bueb au 3.5 gseht mi nackig wie au de Bapi. duscht mit üs oder badet und het au viel gfröget wieso i kain Prnos ha was den i han wieso und wieso de Bapi kain Buse het und woni schwanger gsi bin min buch bestuhnt und gsait er wöll au es baby im buch. mit hend viel mit büechli gmacht abr au viel sini froge beantwortet. i find das muss und söll eim nöd unagnehm si. i findes ganz normal und für ihn isches au normal. er chsn mir jrtzt au gnau säge wend weh tut sm Prnis wieso und das nu er mit sim Penis spiele törf dahai im brtt odr uf em Sofa. er söll muss und törf sin körper kenne lerne. aktuell ziet und rupfter dra und lernt was pasiert und das isch wichtig und richtig. abr nu dahai. i find si söled su di richtige begriff kenne vulva penis oder scheide er kente sait abr Pfifeli abr waiss dases de Penis isch.
    so und jetzt zu dinre frog hock ane und erklers ihre und sus gits super büechli zums erkläre. und i waiss es git kulture wo das immer no es schaam thema isch abr es isch minte maonih noch sooo wichtig das si das lernend den isches aifach normal.
  • Merci viel mal für euchi Tipps ...

    Ich dänks au das ebe Kultur vo mim Mah chli andersch isch 🤭dert wird das chli in Scham zogä und isch sehr es Heikels Thema.

    Aber ich wird das so mache dasi ihre natürlich grad die richtige Wörter bibringe.

    Ich bin eifach verschrocke das Sie scho mit so sache chunt ...

    Gest hät sie au über mini Brüscht gredet das mini gross sind und ihri ganz chli 😄 sie seit dene aber na Jije (kurdisch).

    snowangel
  • Jööö 🥰🥰 jetzt wirds interessanter, mami verzehl mir alles! ❤️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum