reini buebe mamis

BAS

Wie isches so? Chönder positives drüber brichte oder isches eifach nur streng? Strittets kämpfets losets die ganzi zit? Wie isches so? Ich bin schwanger uf 2 bueb u min grosse isch jetzt 3. Icha grad voll ned so vorstellig wie das wird mit 2 aktivi jungs:)?

BAS

Demfall gits das eher weniger Mamis mit nur buebe?

snowangel

Ich han zwei buebe 😁 aber de zweit isch hüt uf dwelt chooo.. sooo lets see 😏🤸🤭

BAS

Ohhh gratuliere! U hesch au 2 buebe gwünscht?:) ich bin sehr gspannt druff wies mit 2 buebe wird:)

Mamelo

@snowangel oh herzlichi gratulation hoffe er send alli wohl uf!

i ha nor eine ond vom gschwüsterti löhmer eus öberrasche.
i be de meinig das buebe emmer wild send sech ned benämet, striitet usw. da esch doch es riise klischee.

Summer84

Ich ha sit zwei wuche au zwei buebe…

Lyaa

Ich ha zwei buebe und jo äs isch wild und luut und rambazamba aber genau das passt zu mir und ich chönt nöd mit ruhige chind umgoh wos nie striit git😊weiss nöd wies mit meitli wär aber jedes mol wäni meitli gseh (im nöche umfeld) bini so happy mit mine jungs und chönt mir nöd vorstelle äs meitli zha😊

jayfy0413

I ha 3 Jungs. Ja die Grosse zwee si wild und es louft geng viu, aber sisi so charmant u liebevoll! I ha immer buebe wöue und bi happy mit mine 3. der Chlinscht isch aber ersch paar Mönet, cha noni säge wies de würklech isch mit 3ne. Und Meitli chöi genau so si.. ig sälber bi emu glich gsi wie mini Jungs jetzt☺️

BAS

Meineder denn ned dass meitli meh für dmuetter isch? Mer mitemene meitli denn meh chan shoppe u fraue sache mache u e andri beziehig hät?

BAS

@lyaa ich glaube stritt gits bi allne gschwüsterti ib meitli oder bueb? Aber hät sicher au no vorteil oder? Ihne isch wahrschindli nie langwillig, will sie anenand händ u alt muetter bisch nöme so de unterhalter?

Sonnenblümchen

@BAS Also min Bueh isch viel meh Mami-bezoge als d‘Meitli vo mine Kolleginne. Viel meh. Er kuschlet u gern und viel und wot immer Händli hebe. Isch ja au immer es Stuck wiit charaktersach. Ich bin selber nöd würklich en Fan vo mim Mami.

JennyHelin

@BAS ich ghöre ebe viel das Buebe meh ufs Mami bezoge ischv...

Ich bin total es Papi chind gsi ...
Mini Tochter isch viel mit mir unterwägs-> isch aber au total es Papi chind.

Min Brüeder isch es Mama chind und hüt mit 28i isch das immr na so 😅😁.

Drumm wot ich ja eh Bueb ha 😆, das isch de öpert für mich ha.

Mini Tochter seit immer Mama ich lieb dich aber de Babo noo viel viel meh.
Und er vergöttert sini Prinzessin.

Lyaa

Jo also mini sind au total mamibezoge🥰und jo klar spieleds au und jo ich bi defintiv nümme alleinunterhalter😊

Manowela

ich ha en bueb und es meidli, und erwarte i wenige täg/wuche de dritt bueb... ich ha es sensibels, mamabezognigs und fiinfühligs chind, wo am liebste fest aaknuddlet wett ischlafe und eis wo sich dur biise, schlaa wehrt, wo nid so viel nöchi bruucht, wie sandere und viel muetiger und offner dur dwelt gahd 🥰 - und sie sind beidi toll und ich liebe sie über alles

s fiinere isch de bueb, s wildere smeidli 😊😍
ich glaube mer cha überhaupt nid generallisiere und jedes isch andersch und das typische buebe- meidlizügs chamer meh oder weniger forciere...

🥰

brixNZ

Cha mi dä @Manowela nur aschlüsse (also ohni s erwarte vom Dritte 😄). Bi eus isch s Meitli au mindischtens so wild wie dä Bueb.

Gröipschi

i ha 2 buebe, 3 u 5i u finges aschträngend, aber toll 🤩 si schpile mega viu zäme, u i bi froh, schtöh nume tonnewis lego u outöli u dinos ume, u nid no barbie, rössle etc. (jo i weiss, es git o meitschi wo mit däm schpile u umgekehrt, aber erfahrigsgmäs gits scho ne tendänz bzw. angeri inträsse). i dänke, bi glichgschlächtleche gschwüschterti isch d bindig grösser.
iz wo si chli si, fingi se brutau aschträngend, da mega lut und wiud. derfür dänki, dass buebe ir Pubertät chli eifacher si aus meitschi 😇
i säuber bi es mega papi ching gsi u erläbes so, dass buebe hüüfig sehr mami bezoge si.
i säuber bi iz o nid di typischi frou wo mega gärn geit go shoppe, aues bling bling u rosa u schminke u so, has immer besser mit type gha.
drum passe 2 buebe perfekt zu mir 🥰