Keine oder wenig Anzeichen

Waschbär1993

Hallo i ha wölle froge, obs under eu au Fraue hät wo positiv testet gha hend und aber no nöd viel gmerkt hend vonere schwangerschaft sprich kei Brustzieh oder ähnlichi azeiche?
Isch das erscht spöter cho bi eu oder gar nie öppis gmerkt? Oder ab wenn hend ihr öppis gmerkt?
I bin ez 3+5 sprich 4 wuche.

Freu mi über ustusch

jazy

🥰 ich ha bi beidne chind nie ss azeiche gha. Usser de buch wo plötzlich gwachse isch. Bim erste chind het mi das fascht wahnsinnig gmacht. Im nachhinein bini natürlich froh, ischs mer immer sooo guet gange. 🙈Bim zweite hanis ja de scho kännt und mer drum ned gross gedanke gmacht.

Waschbär1993

@jazyI bi scho mol schwanger gsi und döt hend mini brüst ase gspannt gha dermol hani da nöd. Ha ez amel chli e ziehm im underlieb gha die letschte täg aber au nöd mega fescht.

Manowela

Ich bi momentan in de 38ssw vo minere 3. Schwangerschaft... ide erste sind mini Brüst gfühlt mit de Befruchtig explodiert 😅... Ide zweite denn ersch ca im 5te Monet, jetzt ide dritte irgendwenn ide Mitti. Gfühlt isch jedi Schwangerschaft bitz andersch gsi... Egal ob Bueb (Nr 1 und 3 oder Meidli)

Waschbär1993

@Manowela Jo das hani scho me ghört segge das es nöd glich gsi isch, demfall chas au erscht sii wenni wiiter bi dasi denn nebis merke…mol luege bi echt gspannt

Bindli

die 4. wuche isch ja so früeh.. han glaub no nie so früeh teschtet.
aber ich han bi minere letschte fehlgeburt starchi azeiche gha.. sogar woni vode fehlgeburt scho gwüsst han. drum nochli geduld ☺️

Waschbär1993

@Bindli Jo i bi ez mol positiv igstellt und das alles guet chunnt und mir das baby döred a de hand ha und nöd wie s‘andere wo mer hend müesse go lo im 5 monet.

Thea

Ich han i allne drü SS ersch ab de 7. SSW was gmerkt - furchtbari Übelkeit vo eim Tag uf de ander 🤭😱. Sus han ich am Ahfang gar nüt gha. Ha aber au immer ersch so 5./6. Wuche tested.

Waschbär1993

@TheaOk jo i bi ebe amel ungeduldig was teste abelangt😅

Waschbär1993

Ha hüt au nomol eine gmacht ez isch bereits scho 2-3 🥰