Trennung/Alleinerziehend..

Hallo Zemme

Isch mer alles chli peinlich aber möchti gern paar infos ha. Bin ghürate 1.Kind 2 und s2 5 monet. Möcht mich vo mim Ma trenne. Er isch nie für eus da gsi trotzdesse das ers mir immer versproche het, wirds nöd ighalte. bin so oder so immer allei mit e kids. Egal ob mit ihm zemme oder nöd. Wie isch das ? gaht mer zerst is frauehus? wie helfet die eim? suecht mer e wohnig? wenn ja, zahlt de Ma die? schliesslich schaffi ja nonig weg de chline 2. Cha mer öpper de ganzi Prozess erkläre. Jedi frau wo Mami isch, weisch das mer das nöd grundlos macht mit 2 chline Kind. Aber es gaht nüme anderst.

Kommentare

  • wird win Kita zahlt? sött ich müesse go schaffe han eifach so viel frage.. vlt het ja öpper vo eu au mal sglich duregmacht
  • Soz hilft dört guet us finanziell und es ish nid sones grosses prozeder vlt chash die zit bi öpper überbrücke eltere oder so frauehus kenni mich nid us aber chash sicher unverbindlich kontakt mit dene ufnäh für dini frage

    Wen ihr vertraglich unterhalt greglet hend mues er das au sofort zahle und shüsh muesh luege was er bereit ish und shüsh mit awält kläre aber er mues unterhalt zahle für sini chind für dich aber nid
  • sozialamt hilft mega, würd mau dört boche froge..do wird dir einiges zahlt…krankekasse und kita und so…
  • Frauehuus isch sowiit ich weiss für Fraue wo wäge Gwalt u.ä. vo dihai weg müend. Mini Kollegin hät damals via MüBe paar Alaufstelle becho.
    snowangel
  • So viel ich weiss muess dr Maa au dir e Unterhalt zahle,nid nur de Kind. Schinbar neu,müehn Männer au de Partnerinne wo nid ghürote sinn zämme e Unterhalt zahle
    snowangelsamira. Juno
  • Genau so hani das au mal mitbecho din Partner muess dir und dchinder zahle.
    Also Konkubinat... Ich wür unbedingt au zu de Mübe gah, det häsch wükli gueti Infos und sie chönd dich au richtig witerleite..
    Für de Kita chasch du denn no Subvention beatrage und das Sozialamt dir no wird sicher sege, da din muetterschaftsurlaub verbi isch (3mnt) muesch denn no zum Rav anmelde.
    Ich weiss nöd wie das genau isch aber soviel ich weiss, wo mir Sozialamt selber gseit het isch; du müsstisch e Wohnig vorher finde damit die Sozialamt denn finanziel hilft.
    Solang du no bi dim partner wohnsch hösch chasch dich zwar amelde, aber du häsch no kei finanzieli Unterstützig... Aber vlt und hoofffentlich isch das je nach Gemeind anderscht...

Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum