Kliniktäsche

Hallo zemme. Da ich s'erst mal Mami wird, hani kein Plan, wasi alles muess für d'Geburt mitneh.. es het viel Sitene im Internet, möcht aber nüt unnötits mitneh. Han gseh das die einte sogar Windle, Füechttüechli mitnehmet. Wird das nöd zur Verfüegit gstellt im Spital? hani mal so ghört

Kommentare

  • Ich han viel zviel mitgno next mal würi nur Duschgel Zapasta und Finke mitneh . Ich han die ganz Ziit nur SpitalHemd agah das isch so praktisch gsi🤣mer chas hinde zemmebinde und vore zum Stille super ufmache. Ha nur eis Kleid brucht wen mal Bsuech cho isch.
    enelaa94
  • CrystalCrystal

    90

    bearbeitet 11. August, 20:23
    Auso fürds bebe muesch nüt mitnäh, das chasch aus vom spitau bruche, eifach ä satz chleider füre heiwäg u öpis wet wosch ds shooting la mache😍

    Für di bruchsch sicher finkä, trainerhose, äs wits tshirt ( villäch eis mit chnöpf vore zum stiuä ) je nach däm ä stiu bh ( i bi aber im spitau ohni bh wöhler gsi ) äs pischi, toilettäartiku, wet längi haar hesch haargumäli, ä labello ( i ha so trochnigi lippe übercho ) ds natel u ds ladäkabu u öpis ds schnousä😋 i wünsche dir ganz ä zfridnigi geburt wes de sowit isch
    enelaa94
  • @Crystal genau so hani das au gmacht aber statt Trainer hani Leggings gnoh.

    Ich ha aber de au alles mitgnoh damit ich mini Tochter ha chönä anmelden BZW registrieren ha chönä ... aber das chasch de au na spöter mache.

    Und wasi au na mitgnoh ha isch es Rot badetuech für die chli ...und sie dert ihgwicklet.


    enelaa94
  • Bim erste chind hani zu vill mitgno für mi selber 😂 Bim zweite Chind hani nur Bequemi underwösch, Stillbh, Nachthemmli, leggins und Stillshirt, Buchband fürd Rückbildig, hygieneartikel, ladekabel und finke drbi gha.

    Babykleider, Windle, Füechttüechli, Spucktüecher, Fiebermesser fürs Baby, Stillilage, Wuchebettbinde heimer zur freie Verfüegig im Spital gha.

    D Sache füre Ustritt het mi Maa am ustrittstag (august) mitem Maxicosi zäme mitbrocht.
    - langarmbody
    - Hösli
    - Söckli
    - Mützli
    - e dünni decki
    - es nuscheli
    enelaa94
  • Danke eu viel mal😘😅und für d'entbindig also Geburt het mer da es Nachthemd a vo dehei? oder chunt mer öppis vom Spital über?
  • bi üs hends so es schluuchshirt wos eim gäbed für dgeburt- ich ha aber bi allne 3 woni wehe gha han leggins und es längers shirt (über sfüdli) agleid und nah das aabhalted für dgeburt...

    was mier no debii gha hend bim 2. und 3te (will miers ebe bim erste vermisst hend) sind knabbersache für de maa währebd de geburt 😉 die erst isch soooo lang gange, dass er echt Hunger becho hed und ide nacht gids ja nid würkli esse im spital... hend denn blevita, schoggi, knabbersache... mitgno und de rest hani de gesse, wo de chlii da gsi isch 😜
    enelaa94
  • für mich sind en Lippepommade und Rosewasserspray unverzichtbar gsi. Han so gschwitzt während de geburt dassi s‘rosewasser e mega wohltat gfunde han 😊👍
    enelaa94
  • @enelaa94 i ha nöd sone langi geburt gha und mir isch alles sch..ssegal gsi, bi di ganz zit nackt gsi. Im wuchebett heti sölle meh oberteil mitneh, ha dur de milchischuss soviel oberteil versaut und verschwitzt 🤷‍♀️..
    enelaa94
  • Ich ha au as langs shirt agha😊und ich ha bim zweite eigeni kleider fürs baby mitgno, has praktischeri sache gfunde und au wäg dä grössi, bim erschte isch alles vom spitol zchli gsi
    enelaa94
  • Ich bin während de geburt au immer nackt gsi. Ich glaub au z praktiste gsi im wasser. Für nachher bini eifach froh gsi um knabbersache. Und Bh hani erst zum hei gah ahgleit😊
    enelaa94
  • also i ha mega wenig ipackt ond ha nüt vermisst. schwangerschaftsleggins socke/onderwösch bequemi sache för obe. zahnbürsteli etc. adilette, natelladekabel ztrinke ond zässe.

    chleider het s chend vom spital gha ond da zom heigoh het de papi deheime selber dörfe ussueche ond hets am heigohtag metem maxicosi metbrocht❤️
    enelaa94
  • Empfile dir lockeri hose ohni engi gummi bund meistens passet dir nach de geburt chleider wo dir im 6monet passt hend

    Für geburt es lockers kleid wo vlt au grad entsorge chash oder es langs tshirt

    Unterhose muesh eig nid umbedingt mitnäh da ja die netzhösli bruche chash binde und pflege sache für baby bruchsh nid

    Kleider für baby han ich immer mit gno und ha mis baby au 1x im tag umzoge 😅♥️

    Shüsh eifach haarbürste zahnbürste es milds shampoo zahnpasta falls linse / brille bruch die sache halt

    Jetzt im summer hani kei socke brucht aber ha glich 2paar debi kha es jäggli wen vlt am abe use möchtish und es comming home outfit ☺️
  • Decki hani no mit gno fürs baby und würd sicher 1 tshirt meh als weniger mitnäh 🙂
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum