Haarausfall während der Stillzeit

demioliv

sowit i weiss isch haarusfall nach der geburt / während em stille normal. da i so viu hoor ha, isches bi mir au nonid so tragisch. vilicht het aber glich eber erfahrige mit natürleche sache wo d hoor i dem prozess unterstützt het.

Nadine91

Ha au nach ca. 6 Mönet voll stille starke Hoorusfall gha. Paar Wuche und den hets vo ellei wieder gstoppt. Has ganz schlimm gfunde dass so im Lavabo seh. Obwohl i au sehr viel Hoor ha. Mi Frauearzt wie au in dr Apothek hän sie mir gseit meh cha wenns hormonell isch nüt mache. Ha denn glich chli Biotin Zink gnoh. Glaub aber au.. dass es eifach uf natürlichi Wies wieder gstoppt het.

dixi90

Han au sehr under Hoorusfall glitte noch de Geburt. 10 Woche danach heds agfange. Mittlerwile isch min Chli 10 Mönet alt und de Hoorusfall hed sich trotz Stille reguliert. Ade Schläfe und obe am Stirnssatz wachsid flissig dHoor noche. Gsehd zimli schräg us ;-) Als hät ich mini Franse zchurz abgschnitte.

dixi90

Han übrigens ussert Burgenstein SS- und Stillvitamine, ab und zue Eisen und ab und zue Omega3 nüd speziells gmacht.