Stillen/saugt nicht

Hallo zemme
Am Zistig isch mini chli ufd welt cho. leider hend mir problem mitem stille.
Milch isch vorhande aber sie suugt nöd meh als 2 min:-(( mit em stillhüetli klappts au nöd. hets öpper vo eu au gha? gits tipps? verzwifle

Kommentare

  • Gang unbedingt zunere Stillberoterin und dues mit ihre aluege. Bisch scho dehei oder no im Spital?
    Es cha jensti Ursache/Gründ ha und si chönne am beste Beurteile wie du söllsch vorgoh.

    Mini Muus isch au e mega schnelli trinkerin gsi und het pro Site vilicht 5-7min trunke.
    enelaa94Sova
  • Herzlichi Gratulation! Versuech schnellstmöglich zunere Stillberaterin zgha. Die chönd dir helfe und au Zungeband, Lippeband etc. kontrolliere. Facebook Gruppe Stillen Schweiz chani au no empfehle. Und tüf dureschnufe und probiere entspanne. Das chunt scho no mitem stille, sie isch erst grad ufd Welt cho und muesses no lerne.
    AnDu88enelaa94Zireael
  • Danke eu viel mal🙏@Eline22 @AnDu88Bin s'erst mal Mami han kei ahnig vom stille. bin zwar no im Spital fühle mich jedoch allei und hilflos..
  • @enelaa94 I verstoh di soo guet, es isch es mega Erläbnis und vorallem bim erste Chind. Das Gfüehlschaos, d Hormone wo eim zschaffe mache, de Körper wo glitte het…. Me het plötzlich sones chlises Mönschli im Arm und weiss gar nid rächt was mache, die Verantwortig wome do vom einte Momänt zum andere het isch enorm…mi hets denne innerlich fascht erdrückt. Me het s Gfüehl alles lastet uf eim als Mami. Ig ha die ersti Zit nume grännet 🙈 Aber dänk dra, dim Chind geits nid andersch… Mami sii isch e Prozäss wome muess durläbe, ihr müesst üch jetzt kennelerne, üch anenand gwöhne..ihr wärdet jetz zäme wachse a dere Ufgab und bitte bis nid zu sträng mit dir sälber.

    Wieni gläse ha, muesch du e sehr schlimmi Geburt gha ha, was das ganze au nid eifacher macht. Mi Tipp a di isch, red drüber unbedingt über das wod erläbt hesch, über dini Gfüehl und was i dir inne vorgeit. Es isch absolut normal ❤️

    Due am beste grad anere Chrankeschwöster lüte und säg ihre du wettisch e Stillberoterin. Praktisch jedes Spital sött es Still-ambulatorium ha.

    Wünsche der alles alles gueti ❤️
  • Fühl dich ganz fest umarmt!
    Ds gfühl vo Hilflosigkeit und überwältigtsie kennt glaubs jedes mami
    Am afang hemmer beid en mega stress gha er isch so ines züg cho mit brüälä dasser denn vill z erschöpft gxi isch zum trinke wenns denn mal klappt het und grad widr uf ghört het z trinke.. Und ich ha mitghület... Han zum glück e mega geduldigi und iefühlsami hebamme gha wo mir gxeit hett dass da alls normal isch und ziit brucht
    Sobald ich mich bizz entspannt han is denn au besser gange
    Bi mir hets ghulfe de chlini bim stille sanft mitem finger under em chüni zstreichle oder am nacke oder füässli und händli riibe zum en as trinke z erinnere..ah und ned z warm iepacke bim stille dasser ned ieschlafe vode wärmi hends mir au gxeit....
    Lah eu Ziit und hol der unbedingt e kompetenti understützig
    Mir hets au ghulfe drüber z rede bi eus imSpital hets nebed de stillberatig au e Psychologin gha, die isch bi allne go fröge obs redebedarf git, han das agebot agnoh und es het mir mega ghulfe
    Erholed eu guet und alles alles gueti bim kennelerne😘
  • CrystalCrystal

    90

    bearbeitet 16. September, 20:23
    Härzlächi gratulation zersch mau😍

    U i cha mi dä andere nume aschliesse, unbedingt ä stillberaterin kontaktiere im spitau, u dahei hiuft dir när d hebamme. I ha zwöi ungerschidlichi trinker gha, dr erscht het immer ä haubstung trunke u dr zwöit nume je füf minute, äs isch so ungerschidläch u am afang bruchts eifach zit bis dir öich anang gwöhnet, probier ohni hüetli, vo denä wäg ds cho isch mängisch schwirig, u we dis chline wunder ja cha suge ( o wes nume churz isch) sött ja nid äs problem si wäg dinä bruschtwarze…aus guetä für di u dis bebe🍀
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum