Wenns ned emmer klappet wie gwünscht…

Steffi87

Wenn de Kinderwunsch und Vorstellige ned emmer so klappet wie „plant“ …

Ich melde mich mit emene sehr persönliche Thema. Ha mir lang öberleit obis mache oder ned, aber ich be überzügt, dass ich ned ellei be.

„Jetzt planet mer Schwanger zwerde“. So eifach stellt mer sich da vor. Romantisch und schönschte und anschinend s eifachschte uf de Welt. Und ergendwenn werd usemene romantische Traum ergendwie en Stress womer sich macht? de Wunsch nach ehre Familie werd emmer grösser und je längers duret desto unnahbarer escher? So gohts uf jedefall eus oder vell me mir im Moment. En Berg und Thalfahrt. Und wenn ich för mich eis glernt ha, denn, dass es för mich am meiste nötzt, dröbert zrede. Aber leider, so find ich, isches nach wie vor es Tabuthema. Da find ich mega schad, well genau i so Lebessituatione esches doch schön sich chöne usztusche. „Geteiltes Leid ist halbes Leid“ …

Darum wör gern so e „Gruppe“ mache, womer eus velecht 1x pro Monet treffet und eus ustuschet. Dezue chömer eus zuesätzlich gern inere whats app Gruppe laufend istusche und euses Herz usschütte. Ich weiss, dass es eher es Tabuthema und alles anderi als eifach isch… also esch es dini Entscheidig, ob du offe wetisch dröbert rede, da lieber mit dim Partner elei wetisch teile, oder velecht eifach mit mir elei statt ide Gruppe rede? Ich be offe und freu mi ufe Rückmeldig. Gern chasch mir au per privat Nachricht schriebe.

LG Steffi

Crystal

Hallo steffi, finges ä gueti idee we du dir ä so öper zum redä suechsch☺️ mi kiwu isch abgschlosse aber mir hei für üses erschte wunder zwöi jahr güebt, i vürstah di auso. U näbä dranne si aui so eifach schwanger worde🙄 i drücke dir d düme das du gli darfsch positiv teschtä

Steffi87

danke vell mol 🤗

Mayla

Hoi @Steffi87 ich dörf eigentli gar nöd mitrede, do s bi üs schnell klappet het. Trotzdem chani au sege dases au sottig git wo schnell schwanger werdet unds nöd romantisch abgloffe isch wemer nochme gstresste arbetstag no da thema aspricht und sötti sich zit fürenand neh. Als frau hetmers jo eher ufem schirm und den das irgendwie aspreche isch au schwierig, aber do isch au nöd jede maa glich. I denk es git viel wo mit eu mitfühlet.

Steffi87

Hallo Mayla, danke fürs schriebe. Jedi dörf mitrede, egal mit wa för enere Gschicht. Und du hesch genau de Nagel uf de Chopf breicht. Genau da meini. Und wenn denn no alli säget mir sell sich kei Stress mache, bechomi en krise 😂

minggi

Liebe Steffi
Ich verstehe dich soo gut. Waren wir doch 2.5 jahre in der selben situation. Haben alles probiert und mir ging es häufig schlecht. Unsere Familien und die meisten Freunde hatten keine Ahnung. Was im nachhinein ein Fehler war. Ich habe damals hier im forum bei "gemeinsam Hibbeln" leidensgenossen gefunden. Ich habe dort gefragt wer interesse an einem whatsapp chat hätte. Das schicksal wollte es so und eine tolle gruppe ist zustande gekommen. Wir fieberten gemeinsam und haben uns gegenseitig getröstet. Alle haben nun mittlerweile ihr wunder geboren und es sind schöne online freundschaften entstanden. Bis heute. Ich hoffe fest auch du findest hier kontakte und ihr könnt gegenseitig für einander da sein. Es isch so eine schwere zeit, die man nicht nachfühlen kann wenn man es nicht selber erlebt hat. Ich drücke dich ganz fest und gib deinen traum nicht auf, dein wunder kommt ganz bestimmt. Meistens dann wenn man es nicht erwartet🍀 alles liebe

Jani

hallo @Steffi87

Ich weiss genau was du meinsch, mir sind sit 2 Johr dra, allerdings chönd mir nöd mol hibbele sondern händ eher Ärztemaratons, Noch zwei johr sind mir jetzt erst so wiit das üs gholfe wird, mir gots oft sehr schlecht will bi allne um üs ume immer sofort klappet het und nimod so würkli es offnigs ohr für üses problem hät.

Zireael

Ich han au fast 2Jahr gha zum Schwanger werde 1 Jahr devo bini id Kiwu klinik gange. Jetzt isch mini chlii im ajuni if dWelt cho. Da ich bald aber 2Plane wird ich bald wieder in Behandlig ga. Ich denke ich wird obwohl ich no gfrorreni Eizelle ha nomal paar uf vorrat Punktiere😄Ich wär sehr gern bi dere Gruppe debie. Voellicht chönti au bi paar Frage witerhelfe🥰

Steffi87

Jani schrieb: »

hallo @Steffi87

Ich weiss genau was du meinsch, mir sind sit 2 Johr dra, allerdings chönd mir nöd mol hibbele sondern händ eher Ärztemaratons, Noch zwei johr sind mir jetzt erst so wiit das üs gholfe wird, mir gots oft sehr schlecht will bi allne um üs ume immer sofort klappet het und nimod so würkli es offnigs ohr für üses problem hät.

Hallo Jani
das duet mer mega leid zlese. Kei Mänsch dörf i sonere Situation elei si. Genau das macht mi hässig. So vellne gohts eso, aber mer schwiegts eifach tod und jede sell selber zrank cho. da chas doch ned si.
Ich mue ehrlich säge, dass mir erst sit dem Johr dra sind am Chinderwunsch, aber ich be jetz scho „müed“. Be chli naiv a die ganz Sach und be devo usgange, dass es sofort werd klappe. Naja, dem ist nicht so. Aber ich weiss mitlerwile wie velne dases eso goht und sich ustusche duet eifach guet.

Jani

jo dä ustusch isch mega wichtig und ich find es chuntnöd druf ah öbt ez 5 Johr dra bisch oder erst 6mönet, es isch es thema wo nöd als tabu ah glieged werde dörf

Steffi87

genau das fend ich au 🥰

Mamelo

Du hesch so recht liebi steffi. Mer verhüetet es halbs Lebe lang well mer jo ned schwanger werde wett ond de wenn mers wett klappets eifach ned. Eini vo de Ironie vom Lebe... ond de gseht mer familie met 3 oder meh chend ond chas eifach ned verstoh. Ond da alles schauklet sech is unermessliche ond schloht verständlicherwiis ufd psyche

Steffi87

Hallo Mamelo
Genau, en Tüfelschreis. Wenn dPsyche nid stimmt werkt sich da de au nomol negativ uf de Zyklus etc us. Aber ich ha mi echt au scho gfroget werum ich tatsächlich soo vell Johr dPille gno ha…

Jani

häsch den du e unregelmässigkeit im zyklus oder sus öbis ?
findi amel au no ganz intressant den vieles kenned lüt gar nöd so wie s pco oder endometriose

Steffi87

nei, mini Zykle sind zemli regelmässig. Ab und zue echli en verchörzti 2. Zyklzshälfti, darum nehmi jetzt sit emene Monet Mönchspfeffer. Mol luege wies de Zyklus isch

Jani

ah okay 😊

Kosmea

Hoi zäme!
Ich klinke mich jetzt au moll ii…ha lang überleit, öbi sell schriebe. Mir verhüeted jetzt denn bald sit 2 Johr nümme, händs jedoch erst sit eme Johr „richtig“ probiert. Ich bi relativ entspannt xi, bis mer im Mai e Fehlgeburt gha händ. Sit det merki, dass das Thema Kinderwunsch für min Bedarf fast z viel Ruum inimmt i mim Läbe. Jede Tag lost me i sich ine, gspürt do oder det es Zwicke, Brüst spanne usw, woni denn meistens z viel ineinterpretiere. Ich ha jetzt no es kuuls Buech afo läse, wo mir hilft, au anderne Sache i mim Läbe wieder meh Wärt z geh. Ich wett die Ziit woni no chinderlos unterwägs bi, au mit andere tolle Sache chönne verbringe und mich nid nur lo abezieh devo, dass es nid klappt… mängisch klappts meh, mängisch weniger.
Was tuet euch süsch no guet?

Steffi87

Hallo Kosmea
Du hesch vollkomme recht. es bestimmt mängisch s ganze läbe, vorallem ab de 2.te Zykushälfti.
Weles Buech bisch de am lese? da tönt interessant.. Ich hans bislang nonig gschafft mich chöne abzlenke. Darom hani denkt ich mache mol mit dem Post en Afang, velecht hilfts besser chöne demet umzgo

Kosmea

Es heisst „Gelassen durch die Kinderwunschzeit“ vode Birgit Zart. Es isch mängisch vlt biz „esoterisch“, het aber viel positivi Denkastöss, wo au die negative Gedanke ine anderi Richtig länked.
Und ich ha jetzt agfange wieder biz meh Sport z mache, ich würd eigentlich mega gärn gnueg fit sii für biz grösseri Bärgtoure. Wägm Kinderwunsch hani das aber uf Iis gleit, es isch wie mit azogner Handbrems z fahre. Jetzt probieri oft, wenni afang grüble, die Ziit in Bewegig z investiere. Klappt moll meh, moll weniger 😅

Steffi87

dueni grad mol google, danke für dInfo.
Ja da mit em Sport esch so en Sach 🙈 im Moment dueni lieber grüble statt bewege 😂🙊

Kosmea

Hey ich glaub, du hesch scho de erst Schritt gmacht, indem du do hesch afoh schriebe! Ich ha de ganz Summer brucht, zum mich ufzraffe 🙈 mini Entschuldigung isch d Hitz xi 🤪

Jani

Da buech dönt würkli intressant.
mir hend üs en lang gheckte traum erfüllt das johr und üs en Hund zuetue er isch s ablenkigs programm allerdings funktioniert da au nöd immer und gedanke betüglich kinderwunsch chömed wie e wand uf ein zue, nebetbi hani en instagram blog ahgfange mache au das s thema pco chli publiker wird und nüme so es tabuthema isch.

Steffi87

ehr send so tolli Fraue 🤗

Kosmea: also dHitz esch en gueti Entschuldigung gsi, vorallem de Summer 😂

Jani: En Hund esch toll 🤗 und de esch mer automatisch immer chli ade frösche Luft

Jani

dörfi eu mol fröge wies den eu so Psychisch got mit em thema Kinderwunsch? findi amel au no e ganz wichtigi sach

Steffi87

Also weni wör säge dases mir guet goht, de wördi lüge. ich mache en mega stress bi jedem Zyklus wos ned klappt (vorallem bezüglich Alter hani plötzli amigs Panik). Ich probiere mich vell usztusche, da hilft mir am meischte. Und wenns mol rechtig schlimm isch, gangi zunere Psychologin.

Zireael

Ich han mich o de Kinderwunschziit vorallem i de Kinderwunschklinik Psycholoisch betreue la. De best entscheid gsi es het mer bim Positive denke sehr ghulfe.