Verstopfung

Hallo mini liebe

Ich ha grossi Problem zum gross ufs WC z‘goh. Hend ihr das au kah?

Ich ha magnesium trunke aber mittlerwil mag ich das nüm trinke. Die Tablette bringe mir au nüt. Hend ihr en Empfehlig? Ha das gfühl schwelle scho nur allei damit ah -.-

Mentig 19. SSW

Kommentare

  • Hallo, nimmst du zufällig eisentabletten?
  • minggi schrieb: »
    Hallo, nimmst du zufällig eisentabletten?


    Hallo

    Nein nur Magnesium, Omega 3, Vitamin tabletten und Folsäure. Es ist so mühsam. Ich hab das gefühl innerhalb 1er Woche 3 kg zugenommen zuhaben.. 😱
    aenn
  • Ich nehme geschrotete Leinsamen zu mir, bringt mässig. Aber immerhin nützt es manchmal 🤷🏼‍♀️Man sollte es ab SSW 34 sowieso einnehmen, ich hab glaubs bereits ab SSW 20 eingenommen auf Rat der Hebamme.

  • Ah und eifach chli uf d ernährig luege z.B schoggola isch bi mier ganz schlimm 🙈
  • Hesch sMagnesium vom Arzt oder Apothek, de Arzt cha der viel stärkers verschriebe da blibt nüt me drin😌
    Celeste
  • LillyFee schrieb: »
    Ich nehme geschrotete Leinsamen zu mir, bringt mässig. Aber immerhin nützt es manchmal 🤷🏼‍♀️Man sollte es ab SSW 34 sowieso einnehmen, ich hab glaubs bereits ab SSW 20 eingenommen auf Rat der Hebamme.

    Hier genau so.
  • Täglich es Glas Pfluumesaft chan helfe 👍😊
    Medo
  • das kenni hani in beidne SS au ka. die Pülverli vom magnesium hani nöd chöne trinke tablette wer gange abr has zwenig gno. leinsame hilft biz oder igleiti Pflume esse. sicher au viel trinke.
    was aifach musch luege und bi mir isches den so extrem worde weg de verdtopfige dasi heftigi Hemoriede ka han au noch de SS. i han denoch su no sehr stsrki verstopfige ka und döt het mir nu hoch dosierts magnesium gholfe
    Medo
  • Jede Tag 1 TL Flohsamenschalen is Müesli, Jogurth, Getränk mische, das hilft mega guet.
    Medo
  • Ich han au flohsame. Wiso mussme leinsame ässe ide ss? 🤔
  • wemmer flohsameschale oder leinsame nimmt ischs eifach wichtig dassmer viel trinkt dezue. das macht dass die ufqueller und dur d füllig wird de darm agregt. das isch aber eher vorbügend.
    i dim fall wird eher es movicol helfe, das bechunsch bim arzt. defmer ide ss neh und das bindet s wasser im darm und macht nöd ‚abhängig‘.
    Medo
  • minggi schrieb: »
    Ich han au flohsame. Wiso mussme leinsame ässe ide ss? 🤔

    Es lockeret de Stuehl au uf. Chasches öber Nacht i Wasser iweiche.
    Es esch ratsam das mer die letschte Woche vor Geburt jede Zag mind. 1 Mol Stuehlgang het. Das de Darm be de Geburt im Idealfall "leer“ esch. De het s chend meh Platz ond d Möglechkeit dasd kei Geburtswörksami Wehe hesch chliner.

    Da esch au de Grund wieso mer hin und weder be Geburte en Ilauf bechont....
    Medo
  • minggi schrieb: »
    Ich han au flohsame. Wiso mussme leinsame ässe ide ss? 🤔

    Also müsse tuet ma nid.
    I ha au ab dä 35W leinsame gesse. Und bir geburt hen mi alli gfrogt ob i himbeerblättertee trunke han, also es hät au eh ähndlichi wirkig wie dä tee. Macht alles locker und schleimig
  • Mamelo schrieb: »
    minggi schrieb: »
    Ich han au flohsame. Wiso mussme leinsame ässe ide ss? 🤔

    Es lockeret de Stuehl au uf. Chasches öber Nacht i Wasser iweiche.
    Es esch ratsam das mer die letschte Woche vor Geburt jede Zag mind. 1 Mol Stuehlgang het. Das de Darm be de Geburt im Idealfall "leer“ esch. De het s chend meh Platz ond d Möglechkeit dasd kei Geburtswörksami Wehe hesch chliner.

    Da esch au de Grund wieso mer hin und weder be Geburte en Ilauf bechont....

    ... das mer kei geburtsUNwirksami wehe het....
  • Ich nimme sit paar Wuche Metamucil, i de erste ss au scho, das macht de Stuehl bitz weicher.
    Medo
  • Hallo mini liebe. Danke für die viele Tipps. Also was Ernährig agoht bini sehr guet dra. Au vor de SS hani mi gsund ernährt und sport triebe. Das ish immerno de Fall. Aber irgendwie hani sgfühl nimme zu viel zue :( ebe willi au nid so guet ufs wc chan. Wird uf jedefall die Tipps vo eu wahrneh und versueche.

    Ich isse keini schoggis oder süesses, süessgetränk hani au nie ufem speiseplan kah. Trinke bis zu 2 Liter wasser aber ebe😵‍💫😵‍💫😵‍💫

    Ich möcht keini 30kg werde😱
  • @Medo wie vill hesch de scho zuegno i dene 19 wuche?
    Solang du di gsund ernährsch, sportlich aktiv bisch, d Ärztin di und s Bebe guet betreue isch alles guet. I würd mi nid zu sehr ufs Gwicht verstiife.
    MedoMamelovilo
  • @AnDu88 Also zletscht bini bi 3,8 kg gsi. Ha mit 57,2 ca gstartet und bi zletscht 60,8 gsi.

  • @Medo Das isch doch absolut im Rahme und dänk dra du hesch praktisch d Hälfti vor SS scho hinder dir ☺️ 4kg i 19 wuche isch würklech nid vill.
    Es isch für villi Fraue schwirig zgseh wie d Kilos stiige aber vergiss nid, du bisch imene bsundere Umstand und treisch es Chind i dir ❤️ dr chopf druf izstelle ig DARF zuenäh und das isch au guet eso, isch nid immer eifach.
    Und wie du scho gseit hesch, du ernährsch di gsund, bewegsch di vill usw. was sehr sehr guet isch.

    Und zude verstopfig, dues am beste bim Frauearzt aspräche. Ig ha denne au sehr sehr glitte under de verstopfige, mit erbräche vor schmärze und ganz ganz heftige Buchchrämpf was bi mir au liechti Bluetige usglöst het. Ha denne mit de Elevit müesse ufhöre und ha uf es anders Präparat gwächslet was de nachher vill besser isch worde. Bir 2. SS hani denne vo afang a öbbis anders gno und s iise in Tropfeform zäme mit Orangesaft trunke jede Tag.
    Mamelo
  • @AnDu88Okaii danke viel mol für die Motivation. Es ish würkli nid eifach :(

    Ich 2 wuche hani den termin, denn frog ich sie.🙏🏼🙏🏼🙏🏼
    MameloAnDu88
  • I denke es send 2 Theme.
    Wenn di weg de verstopfig ned wohl fühlsch musses klärt werde.
    Aber d gwechtszunahm esch so individuell ond es chont sehr drufa wo mer gstartet esch
    MedoAnDu88
  • Nalan83Nalan83

    621

    bearbeitet 14. Oktober, 11:23
    solmag 300 magnesium tablette…die pinke…isch mega fein und du chasch zwei oder drei am tag trinke fals mau en verstopfig hesch und das pflutsch den use wie nüt 😅😊…überdosis an magnesium chasch au net ha. nacher chasch weder normal uf 1 dosis abe goh nach de verstopfig..! het mr mi arzt gseit gha und es het super klappet.

    alli andere magnesium tablette und pulver hani au net gern aber die sind echt fein..!
    Medo
  • Es glas orangesaft het mir super ghulfe gege verstopfig, magnesium isch bi mir denn aber scho zviel gsi, da hani denn de durchfall ka 😓
    Medo
  • @Nalan83
    Danke Nalan wird ich gern usprobiere🙈🥰
    Nalan83
  • @Nalan83 Die hani au gha die sind super 💕
    Nalan83
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum