Entsorgung volle Windeln 🌬️

Zireael

Hallo 🙋‍♀️
Ich han mit Beikost gstartet und jetzt fanget die volle Windle echt a stinke🤢 Ich han oft ghört das die Windeleimer nüt bringet, find au die Kartusche mega tüür🙄 Falls es aber doch was bringt würis glich kaufe🤣Dusse im Garte stelli mer bi de Sunne au übel vor🙈

Wie machet ihr das? Hender mir en guete Tipp?

benuim

ich find scho, dasses was nützt, es stinkt wükli überhaupt nöd😊. mir hend jetzt au nöd en mega türe gno und d nachfüllkassettene chostet eus so ca. chf 30-40 all 3 mönet oder sogar bitz länger.

minggi

Also ich find es stinkt trotz windeleimer. Ich bin bitz empfindlich vilicht was de gstank ahgaht. Mier hend jetzt verusse en chübel, schattesitig. Es chömet ez immer all windle grad veruse...

AnDu88

Ig ha ufem balkon e Chline küddersack woni d 💩Windle dri due. Isch für üs am eifachste. Windeleimer hani eine gha und bi überhaup nid zschlag cho demit und gschmöckt hets trotzdem 🥴

Sonnenblümchen

Mir händ au en Chübel ufem Balkon, 17 Liter. Han de Gedanke immer gruusig gfunde die volle Windle dine zha 🙈

Zireael

@Sonnenblümchen Das mit em 17L isch e mega gueti Idee. Im Winter chöntis guet dusse la den gfrüührts ja eh, Summer wird den schwiriger.

Ich will de Muettermilch💩 wieder zrugg😂!

@minggi Jap ich ghör glaub au zu de empfindlichere sorte🙈🙈

@AnDu88 Wie isches den im Summer?

Zireael

@benuim Find ebe 30-40.- no recht tüür zum eifach wegschmeisse🙈🙈 sind ja glich öbbe 160.- im Jahr 😅weni denke das en 17L nur öbbe 8.- kostet.

benuim

das geld git mer au blöder us findi😉. chasches natürli au direkt in en kehricht sack tue, musch eifach wüsse, dasses bi jedem öffne denn bestialisch stinkt, egal ob summer oder winter😅. drum blibt nüt anders übrig, als das dusse zlah. das hesch bim windeleimer nöd und ich bin au sehr gruchsempfindlich. aber ja es isch halt die komfortableri und bitz türeri variante!

AnDu88

@Zireael Jo es stinkt scho wenn dr sack ufduesch egal ob summer oder winter😬 aber ufem balkon störts mi nid.

Zireael

@benuim Böder usgeh al wegwerfe🤣 nei dpass aber isch mer scho chli ztüür😅 es git ja au so Windeleimer ohni die Kartusche, die wäred den nöd so tüür

Zireael

@AnDu88 Ok denke das isch die best lösig, Danke🥰

snowangel

Ich ha au eine kauft und isch mega unnötig gsi 😓 mir tüends use im kehrichtsack.

Schneewittli

Mir hei sone windeleimer ohni kartusche, eifach mit emne 17 L sack drin. So stinkts nid u isch glich di günstegeri variante als mit de nachfüllkartuschene💁🏻‍♀️Mir heine aber nid im zimmer, sondern im gang mit em katzechistli, dert passt er am beste häre heimer gfunde💩🤭

Primeli

Mir hei o e normale chübu mit decku dusse u d‘gagi windle tueni zuesätzlech ines m-budget chräschlisäckli u verchnüpple.

sonkaa

So mache ich das auch bei uns

Caipiroska

Ig due d Gagi Windle o ines chräschuseckli zuebinde u denn ufm Balkon i Abfallsack. Ha o ke spezielle Chübu u ha die windle uf ke Fau ir Wohnig wöue ha🤭. Im Summer würdi o nur die chline Abfallsäck näh und den immer grad entsorge wen är voll isch. Das isch ja schnäu passiert😅

Celeste

würed 17l-chübelseck à 8.- in 3 mönet nöd meh choschte als ~35.- für e kartusche? 🤔

Zireael

Also en 17L Sach isch ja e 10 nerrolle a 8.- da isch ein Sack 0,80RP. Glaub da gönd scho mengs Windle ine. Wie viel weissi nanig🤣

Zireael

Und für die Windle vo de Kartusche muesch ja den glich inen ofizielle Kübelsack due vo de Gmeind😅den muesch sGeld für de 17L künelsack eh usgeh🙈

dixi90

Ich han ä Chicco Odour Off Windelchöbu wo normali Säck innechömid. Schmöckt nur, wenn mir dWindle inneduet churz.

Zireael

@dixi90 Jaa de hani jetzt au kaift, find en Super☺️👍

Celeste

Zireael schrieb: »

Und für die Windle vo de Kartusche muesch ja den glich inen ofizielle Kübelsack due vo de Gmeind😅den muesch sGeld für de 17L künelsack eh usgeh🙈

haha stimmt, isch mer au grad ufgange 😂😂😂

Celeste

Zireael schrieb: »

@dixi90 Jaa de hani jetzt au kaift, find en Super☺️👍

und dä chunt ohni spezielli kartusche us? han mer grad s'video aglueget und es staht "mit handelsüblichen Müllbeuteln verwendbar" 💁🏼‍♀️ und denn schmöckt mer nüt? 😮

dixi90

@Celeste Genau. Ich bruche immer 17l Säck.wenn er zue isch schmöckt mir bi üs nüd. Nur bim Wächsle. :-)

Zireael

Also ich ha jetzt au de Chicco und es lüftli chunt scho use wenn mer de Deckel dreht🥲 aber wenn en dusse han gahts jetzt wos kalt isch im Summer gsehts den scho anderst us. 💩 Windle dueni eifach no i sones extra raschelseckli. Aber ja lüftle duets glich.. und es isch immer no erst de Milchbrei/Beikost 💩 wird sicher no schlimmer🫠