Zurück zur Arbeit

Ich ha en wunderschöne 5 Monet alte Sohn. 😊Bald gahni wieder zrugg id Arbetswelt und ha scho biz Angscht devor nüme 24 Stund mit mim Sohn zsi. 🥺 Wem isches au eso gange und wie hets klappt mitem Wiederistig id Arbet? Wieviel schaffed ier mit Chind? Ich ha mir 80% vorgno…

Kommentare

  • I han psychisch extrem mueh gha ond has emmer wiiter usezögeret. Am scgluss beni nach 1.5 johr met 40% weder igstige
    samyra
  • Do geits jedem Mami gliich 🙈 ig ha au mega müeh gha und das isch absolut normal. Ha brüelet die Täg vorem erste Arbeitstag. Dr Start isch scho grad e Umstellig gsi, ha gfüehlt 20x facetime gmacht 😂 aber i muess säge es duet au guet usem Mamialltag us dere „Mami-Blose“ uszbräche under de Lüt si und die freud z erläbe wenn den am Obe endlich wieder dis Chind chasch id Arme schliesse ❤️

    Ig bi beidne Chinder 6 Mönet dehei blibe und denne mit 40% wieder igstiege.
    samyra
  • Mi persönlich dünkt 80% chli viu für dr Wideristieg. Ha mit 40% agfangä, mittlerwilä sis 50%. Meh chani mir aber nid vorstellä. Wi viu schaffet de di Partner und wär luegt zum Ching we Du schaffisch?
    samyra
  • i bin die wo kli us dre Rheie tanzt 🤣 i bin und go wahnsinnig gern go schafe. ha mi uh gfroit ka zum wiedr go. bin bim 1 7.5 Mönet dahai gsi und bim 2. 4 Mönet. i waiss baidi hends super weni nöd ume bin. i froi mi sm obrt zum hai cho und strahle vo mine kind zgseh. i schaf 60% und findes super. i bin uh gern mami gnüss mini zit mit de Kind, bin abr au gern ir arbetswelt.
    Mameloeulle116JaMa88samyraAngii85
  • ich han nach 18 mönet wieder agfange schaffe mit 60%. 80% wär mir persönlich zviel aber amigs gahts au finanziell nöd anderst! wenns möglich isch, würi mer scho überlegge ob vilicht no bitz reduziere wotsch. will nacheme arbetstag bini amigs sooo kaputt und da langed mir 3 täg ide wuche. es isch sicher nöd eifach am afang aber du wirsch schnell merke, dass dir die uszit vom chind wird sehr guet tue! :)
    samyra
  • ich bin nach 7 mönet mit 40% zrugg.. die erschti ziit isch für mich härt gsi und han mini chlini sehr vermisst. mittlerwiile schaffi 60% und freu mich immer zum go schaffe, da ich sehr gern schaffe und isch für mich eher erholig zum mami-alltag 😅 es stimmt für eus beidi aber so 🥰
    samyra
  • @Sti zu eusem Chline lueget d Grosseltere. Min Partner schafft sogar 100% aber es isch plant dass er allefalls i paar mönet au uf 80% reduziert.
    Ich ha mi für 80% entschiede will ich e Füehrigsposition ha und das halt schwierig isch mit weniger Stelleprozent. Ehrlich gseid isch mir das aber gar nüm wichtig sit ich min Goldschatz ha. Ich wür uf alles mögliche für ihn verzichte 🥰Ich luege jetzt mal wies lauft. Wenni mi mit de Situation unwohl fühle wirdi uf 60% reduziere.
  • @AnDu88 ich wird bestimmt au viel hülle…scho jetzt bini churz devor weni dra denke 🙈 früener hani amel denkt wieso diä früschbackeni Mamis keis anders Thema als ihres Chind ka hend bim schaffe und jetzt chanis zu 100% navollzieh 😊☺️ Trotzdem denki au wiä du, dass s Schaffe glich e gueti Abwechslig cha si wo wichtig isch.
  • Also ich ha 6 Mönet Babypause gha und am afang au bitz müeh gha wider go schaffe.. schaffe etzt 40-60% und gan ehrli... für mich sind mini arbetstäg au die wo ich min akku für mis chind wieder uflade due 🤣
    Ich lieb mis chind kei frag aber ab umd zue paar stund abstand, düend beidne ganz guet und deswege gahni uuh gern go schaffe 😊
    Bi etzt wieser schwanger und wirde denn waschinli wieder 5-6Monet pause mache und mich aber denn au wieder freue zum go schaffe 😊
    samyra
  • Ich berstah di 80% isch vil aber ich enmt en füährugsposition hesch, isch das oft d vorussetzig.
    Finde au, dass d chind bald ind schuel göh und den isch 80% wenn meh flexibel schafft au nüm so vil. und für die paar jahr d ganz karriere uf z spiel setze isch immer d ander frag.
    ich han z glück und chan nah der SSW au mit 60% zrüg aber probiers doch mal us wechsle chasch ja immer und oft isch gad dr afang schwer 🌺 🍀
  • @Lillyfee ja, das hani mir au denkt. Reduziere chani immerno und ha teils au Homeoffice denn chani au mal über dä Mittag mit ihm si. Flexibel bini au zimli vo demher chunts hoffentli guet. Alles gueti für d SSW! 😊
    LillyFee
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum