Kind ist kein Fleisch

Hallo zäme i mache mir chli sorge,
Mini tochter isch 6.5 jahr alt.
Si wot ke fleisch ässe. Isch okey für mi.
Aber als alternative het üs dr kia gseit,
3 eier ir wuche. Iz ischs e so si nimmt eifach nid zue. Im gegeteil si het abgno si isch 19 kilo, u das macht mir mega sorge.
I ha im internet gläse das nüss guet wäre brokoli spinat und au di sache für ires wachstum u knoche, aber si verwigeret eifach alles.
Chöit dir mir witerhelfe.
Machi mer zfiu gedanke oder si die gedanke aui berächtiget.
Merci für eui antworte.

Kommentare

  • dini gedanke sind völlig berechtigt! mer macht sich automatisch sorge wenn s chind abnimmt.
    ich weiss natürli nöd wies bi eu dihei isch, aber es isch so, dass je meh druck mer am chind macht, desto weniger hends lust zum esse. du seisch, es isch keis problem dass sie kei fleisch isst, aber mittlerwile verweigeret sie alles. vilicht fühlt sie sich unter druck gsetzt, will sie ja jetzt MUESS alles andere esse? ich weiss es isch liechter gseit als gmacht, aber versuech doch mal glichgültig ztue wenn sie nüt isst. eifach de teller anestelle und nüt sege. wenn sie nöd wott, eifach „ok“ sege. und dis eigene esse gnüsse. und das wükli konsequent durezieh. vilicht chasch sie au meh ibezieh im prozess: zeme überlegge, uf was sie lust het zum esse, zeme d zuetate go ichaufe und denn zeme choche (falls ihr das nonig mached). und ihre eifach zeige, dass sie selber chan entscheide ob und wieviel sie isst! ohni erwartige. wenn das alles au nüt hilft, chasch sie ja mal fröge ob sie irgenwas belastet. het sie buchschmerze? oder het sie vilicht emotional öppis erlebt und chas nöd verarbeite? (ich isse z.b. au viel weniger wenn ich trurig bin).
    AnDu88snowangel
  • Danke benuim
    I bezieh se immer id menue wucheplanig,
    Es dörfe sech aui öbis wünsche.
    Und wie gseit wen si ke fleisch wot ässe, isch das für mi kes problem. Si wet aber am liebschte nume teigware u kartoffel ässe. Und danke i wirdes das mau versueche nüd dr gliche zdue.
    Isch e guete tipp.
  • Buchweh het si nid, usert wen si nid gad 💩 cha mache.
  • dass sie nur teigware und kartoffle wott isch verständlich, es isch au fein😅. und ich glaube fast jede mensch het mal die phase woner nur uf gwüssi sache lust het. findes au guet dass sie sich ab und zue öppis dörf wünsche! aber damit sie regelmässig au in kontakt mit anderem esse chunnt, isches wichtig, dass du dini übliche menüs chochsch und ihre au alles tuesch uftische wod familie isst, au wenn du weisch sie wirds nöd esse. ich wür keis extra menü für sie choche, das isch kontraproduktiv. chind sind vo natur us neugierig und wenn sie gseht was ihr essed, wird sie irgendwenn au lust druf übercho! eifach mit geduld und ziit a die sach agah😊
  • Aber het si de e nährstoffmangel? Het me s Bluet kontrolliert?
    Süsch chönnt me allefalls mit Nahrigsergänzig bitz nochehälfe vorübergehend…es git ja die au speziell für chinder.

    Aber so wied benuim seit, kei Druck mache nid gross kommentiere. S ässe ufe Tisch stelle, luege was si macht. Zwüschedüre vilicht au so snack-teller mache mit gurke und rüebli mitere Dippsauce wo bitz schön dekoriert isch. Mache öfters mol so gsichtli ufe Teller mitem Esse 😅

    Mi Junior isch au eher e schlechte ässer, er isch mit 6i au 20kg und das scho sit eme Johr. Kollegin ihre Bueb isch 3,5 und isch 20kg 😂 er isst nur chlini Portione… Aber er isch fit, macht vill, isch interssiert und intelligent…
    Aber isch si de süsch fit? Es git halt au phasene wosi nid alles ässe oder nur bestimmti sache.
    snowangel
  • Ich wür au zit geh, es isch jo e umstellig. Chasch mit ihre e neus vegi menue vome kochbuech ussueche und zeme mache? Üsi tochter het au gern kichererbse etc.
  • Hey, min Sohn Isch zwar erst 2.5 aber er.isst au nöd gern fleisch und iscj au nur 10.9 kilo.
    Er het aaaab und zue mal es wienerli gässe, mir vieeel müeh... Bin den irgendwemm uf die Idee cho sfleisch dampfgare und fescht püriere, denn hani afange mit tomate sose geh im teigware zbsp. Er hassts ebe drs kaue, ich ha selber bisi 25 gsi bin fascht kei fleisch gässe, ich has ghasst.. es het mer eifach so nach bluet gschmöckt egal vo wo oder wers kocht het..

    Also püriert klappt meistens sehr guet... Chasch mal parnierti reisbällchen mache mitem pürierte fleisch fühle zbsp das finder er au mega lässig.. es ish eifach ufwändigs esse...
    Und so Gesicht form wie Andu88 seit isch wükli mega guuuet ich kenn das vo de Asiate, sie machet meischtens mega herzigi lunchboxes für chinder wo so tierli sind etc etc... Me seit ja auge isst mit.. 😁😁

    Aber ich wür au kein druck usüebe.. vlt het sie konzistens nöd gern tuesch emal chli experimentiere i de chuchi 😁
  • gc8jzna1nqfl.jpg
    ergoo93ldra4.jpg
    Da wettis selber esse 🤣


  • achtung, kinderärzte sind keine ernährungsexperten! Ich würde eine ernährungsberatung aufsuchen. Die können kompetent informieren. Drei eier in der woche um fleisch zu ersetzen kommt mir komisch vor.. ich kenne es eher, dass man mit hülsenfrüchten fleisch ersetzt.
    Lauraannah
  • Bluet isch nid kontrolliert worde, si isch süsch sehr fit und o guet ir schuel.
    Und ja i wirde sicher mau e ernährigsberaterin kontaktiere.
    Koche speziell für si machi nid, es git o menus wo mir gern hei den gits eifach das u fertig.
    AnDu88
  • Guet de dänki mol nid das si en Mangel wird ha oder so. Würd mer nid so vill druck mache deswäge.

    Nei speziell kochet hani au nie, eifach chli druf gluegt dass sicher öbbis drbi isch woner de au isst. Isch mer au amigs zblöd worde so lang ide chuchi stoh und müeh gä aber schlussendlich isch d Nase grümpft und nüt drvo gässe worde… das frustriert eim us Mami au und denne chame oftmals erst rächt nid glasse druf reagiere 🙈

  • Wenn es Chind keis Fleisch isst fählt meh z Protein.
    Aber äs git hüt soo vil fleischlosi Proteinquelle. Frag doch mal ernährigsberatig oder liis di chli ih
    Linse, roti Bohne, Soja, Eier es git so vil proteinquelle wo das ersetze und wäg dem sette dis chind nit umbedingt abnäh :)
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum