Schmerzen an den Brustwarzen

Groan

Hallo zusammen

Ich hatte bei meinem 1. Kind 6 Wochen starke Schmerzen an den Brustwarzen und jetzt beim Zweiten fühlt es sich wieder ähnlich an. Habt ihr Tipps, was man dagegen machen könnte?
Mache auch schon ein paar Dinge, aber würde einfach gerne sammeln! Danke euch!

AnDu88

Aso hesch denne eifach wundi Brustwarze? Dass si es bitz wund wärdet, isch es stück wit normal, d Hut muess sich au wieder chli a die belastig gwöhne.
Ig würdi am beste zunere Stillberoterin is Spital, villi Spitäler hei es Stillambolatorium. Oder e zertifizierti (IBCLC z.B.) StiBe sueche. Die chönne dir de säge ob vilicht öbbis mitem Zungeband nid ok isch, ob dr Mundschluss vom Bebe stimmt, was au gründ für schmerze chönne si oder süscht öbbis.

Was mir guet gholfe het, isch vill ohni BH miteme lockere T-Shirt drüber umezlaufe dehei. Guet, wenn me e meega Milchspendereflex het, isches bitz unagnähm 🤪. Bepanthene salbi (die mit de pinkige schrift) druf due..

benuim

Ich han das au gha, sogar 8 wuche lang. Und denn hets plötzlich vonallei ufghört. Ide zwüscheziit hani d brustwarze so oft wie möglich dihei ad luft glah (ohni bh, ohni oberteil) und sust d silverette silberhüetli treit. han au regelmässig brustwarze salbe benutzt wo au safe fürs baby isch.
fraue mit eher flache brustwarze (zb. ich) sind öfters vo schmerze betroffe aber das isch halt genetisch bedingt. und sust würi au mal go überprüefe, ob dis baby vilicht es z churzes zungeband het, das füehrt au oft zu schmerze bim stille. und wenn alles gar nüt bringt: heb dure, es wird besser!

Lilamama

Silberhüetli hend bi mier mega ghulfe!

Primeli

Rafaelsalbi isch super

Groan

Oh danke euch!

Jessness

Wenn möglichkeit hesch go lasere lah? Es heilt mega schnell ab undhesch nocher viel weniger problem oder sogar gar ke meh. Aso bim 2. Baby hani nur eimal müesse und es isch scho woeder guet gsii. Bin erste Baby hets chli länger duuret hend aber au sehr müeh gha mit stille am afang. Mini Hebamme hets gha dazmal und mir abote. 😊

Nalan83

rafael salbi und stillhüettli zum bez entlaschte…es wird besser 👍🏻….

liyakata

Ich han sgfühl das es au a de stillposition. Chan ligge... das sbaby dbrust möd richtig nimmt .. (isch bi mir zumindest eso gsi) was au guet gholfe het isch Lanolin salbe vo medela