5 Monate Baby

Hoi zeme 😊

Würd gern mol so wüsse, wie euri 5 Monate Baby‘s so Nachts schlofed (wieviel Stund z.B) ect....

Würd mich uf es paar Antworte freue.

Lg kate 🥰

Kommentare

  • Mi gross isch i dem Alter guet all 2h cho. Zwüsche 10 und 11i am Obe is Bett. Am Morge de so gäge 9 Uhr simer de ufgstande. (Gstillt mit zueschöppele durch PuMi)

    Mini Tochter isch ca. all 4-5h cho i dem Alter. Am Obe isch si meistens so 19 Uhr go schlofe und ufgstande am 6 Uhr. (Vollgstillt)

    So si d chinder und ihri bedürfnis verschiede 🤷🏼‍♀️😄
    liyakatabireweggli
  • @AnDu88
    Oke danke dir für dini Antwort.

    Mini chli het eigentlich au immer so 4std am stuck gschlofe, sit nere wuche knapp verwacht sie all 2 stund (tue voll stille) chan das sie das Sie gad imene Wachstumsschub isch ?

    Lg
  • Das isch guet möglich, cha si dass si e entwickligsschub het, zahnet, süscht öbbis wo si grad bitz meh nächi brucht. Das wird no öfters ändere. Mir schlofe jo au nid immer glich guet ❤️ und das isch absolut normal. Für üs Müettere isches halt scho asträngend wenn d Nächt plötzlich nümme so toll si 🙈
  • Ach soo....oke 🤣 ich danke dir für dini Antwort, bin erst hüt i die Gruppe cho find das super

    Hoffe mol das da mitem schlofe wieder echli besser klappt, mini mueter het gmeint da seg ebe nöd eso normal das sie all 2 stund wach wird 😂

    Lg 😘
  • Mine Chlii isch au grad 5 Mönet alt worde und bi ihm isches momentan au all 2 Stund ide Nacht🙈 Er isch glaub au grad imene Wachstumsschub.. Isch mega sträng so, aber äbe hoffemer es chund glii wieder anders 😉
  • @Joli Jo das hoff ich au 😂 ziemlich astrengend
    Wie Schloft er denn so Tags dur? Und wie isch s‘verhalte so?

    Han bi minere chli sgfühl, wenn sie den schub het, isch sie u mega schnell unzfriede mötzlet viel umenand 🙄😂
  • min sohn isch i dem alter au all 2-3h cho (han voll gstillt). es isch also total normal, wenn das de rhythmus vo DIM chind isch! lahn dich vo so ussage nöd verunsichere😊. so lang dis baby gsund und happy isch und guet wachst, isch alles
    tiptop. vorallem bi wachstumsschüb chas so phasene geh wos unruhiger schlafed. ich weiss es isch sehr astrengend aber au das wird irgendwenn besser!
  • @benuimOke denn bin ich doch mol beruhigt 🙂Han viel ghört, dass das eher bi Stillkinder de Fall isch 🤔 aber ebe do sind dmeinige ganz verschiede
  • Er schlaft 2-3x 30min-einehalb Stund.. Und bi dier? Er isch eigentlich im Grosse und Ganze rächt zfriede.. Aber gid natürlich au Phase woner viel mötzlet..
    Bi üs isch eher grad s Iischlafe en Kampf.. Er brucht meega lang und es mues bewege.. 🙄 Das klappet bi üch guet?
  • Jo eigentlich au wie bi dir Tag dur..
    Schlofe tuet sie meistens mitem Stille zeme da klappet meistens ganz guet. Han no en Stubewage (wo sie aber bald nüm inepasst) döt ine schloft sie tags dur mengmol au aber döt mötzlet und brüelet sie amel bis sie ischloft..

    Aber bi mir isch Hauptsächlich stille au do zum schlofe .. will treit will sie nöd werde zum schlofe, da findet sie leider doof
  • Hey min 2 isch grad 5 mönet und es isch jedi nacht anderscht di erst 2 mönet het er dure gschlafe.. jetzt nur no ab und zue...
    Suscht mal all 4 std und wenn er grad schubt oder halt en sehr aktive tag gsi isch chunt er all 1-2 std 🤭
    liyakata
  • Mit 5 Mönet het min Sohn agfange dureschlafe. Er isch voll gstillt xi und schlaft bis hüt super immer no mit Muettermilch. Ich glaub nöd, dass das mit em stille ztue het. Git viel anderi Gründ.
  • Mini zwei chind hei fo geburt a düregschlafe. De gross het 12h gschlafe & die chli (jetzt 4 mt.) het 8-10h am stuck gschlafe. Sie beid chind vollgstillt (obwohl ich bim gross afangs a han muesse PRE derzue gä).

    Klar hets au immer wieder mal nächt, wo sie mit guet schlafe. Z.b. grat letscht nacht isch die chli all 60 min cho 🙈😉.
  • @Miette Oke da isch doch super, bin ich no wiiiet devo entfernt 😂 schlofeds denn im eigene bettli, was hesch den für Schlofritual
  • Di chli schlaft im babybay an minem Bett. De gross het fo afang a im eigende bett gschlafe (platzgründ). Ab 6/7 mt. ischer i sis eigend zimmer züglet.

    Wier maches eigentli immer glich. Oder probieres. Eifach zeme znacht esse (am tisch hocke 😉). Nacher tarf de gross no chli spiele, während wier tchuchi ufrume. Nacher geits zum pyjama alegge, zähnt putze, windle wechlse. Denn kuschle mier nu chli im bett & luege büechli a (mal nur ich, mal alli zeme, mal papa mim gross & ich mit der chli…). Die chli wird immer ischlafgstillt. Sie schlaft leider nit uf minem arm i. Wes nit klappt mit ischlafe, de tueni sie entweder id federwiegi oder ini tragi.

    Ich weiss au nit wirkli wieso grat beid so guet schlafe… vili produzier ich eifach butter oder rahm anstatt milch 😂🙈
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum