Kind kann sich nicht alleine beschäftigen

Summer84

Was kann ich machen, mein Sohn (4 J.) kann sich nicht alleine beschäftigen…das ist sehr anstregend, mit Baby zu Hause.

AnDu88

Ig ha denne nach de Geburt au no vill zit müesse mitem gross spiele, er isch au eher eine wo sich nid selber het chönne beschäftige. Er isch grad 4i worde nach de Geburt. Ig ha de s Bebe denne halt immer näbe mir gha am Bode uf de Matte, im Laufgitter oder ide Tragi währenddem ig mit ihm gspillt ha. Mir hei au sehr oft s Nachbarsmeitli bi üs dehei gha, de hei die beide zäme chönne spiele, oder er isch zu ihre hei. Was mi au sehr entlastet het. Ig ha aber au s Glück gha, isch mini Muus am Afang e sehr zfriedeni gsi und isch guet au mol blibe ligge und het umegluegt oder gschlofe.

Er het denne agfange mit de chline spiele wo si mobiler isch worde… so ha ig nümme ganz soo vill müesse mitspiele. Er het sich au sehr guet um si kümmeret… wenn si brüelet het, isch er ihre de Nuggi go bringe oder het ihre Liedli gsunge. Es isch aber teilwiis au sehr asträngend gsi (au hüt no teilwiis wo si beidi grösser si) vorallem wenn beidi ihri Bedürfnis glichzitig lutstarch ifordere und me de Gross leider öfters muess vertröste.. das het mer au weh do am Afang 😞 die Zit muess me leider irgenwie dürestoh, es isch au füre Gross e Lernprozess er wird „enttrohnt“ und muess s Mami plötzlich teile. Wenn ig ihn ha müesse vertröste hani denne defür, i dere Zit woni ha chönne, die Zit ganz allei ihm gwidmet oder wenn de Papi hei cho isch exklusiv Zit mit ihm verbrocht. Das het ihm au gholfe z verstoh wenni mol kei Zit ha gha für ihn, das er die Zit aber zrügg bechunnt.

Aber es wird besser wärde ❤️ Aller Anfang ist schwer.

Miette

Bi minem sohn, jetzt denn bald 3 jährig, klappt die „timer-methode“ 😉. Min bueb, het früe entschide, daser kei mittagsschlaf meh brucht… da ich au mal en pause bruche (shame on me 🙈) So hani mini alt chuchiuhr als timer igsetzt, wiler ja no keis ziitverständnis het. Nahm zmittag, nahm zähntputze tüe mier zäme der timer stelle & de spielt er für sich i dere ziit elei. Afangs hei mer 5 min de timer gstellt & denn immer lenger. Inzwische simer bi 30min bis 1h wo er entspannt spielt. Es tuet au ihm sehr guet, will er i dere ziit super chan abefahre (er isch huufig so uberdräht). Sobald der timer glütet het, isch pause fertig. Meist spielt är sogar no chli lenger elei.

Ich nütze die pause für mini tochter, oder mache, we sie mal schlaft, au en pause. De gross berchunt eifach morge und emabe exklusivziit. Da beschäftig ich mich zu 100% mit ihm, ohni ablenkig. Meist we die chli pfuset.

Ich weiss, es isch nit die „pädagogischst“ methode 🙈 & es klappt au nit immer glich guet. Siit mier das aber so mache, spielt er viel vertiefter oder luegt mal in rueh selber es buechli a, das hani vorher selte bis nie erlebt. Was mier wichtig isch, isch dass er weiss, dass ich trotz der pause da bi, aber ebe au mal en pause bruche.
So roman fertig 😂

Kringel

Mir hey das au gmacht mitem Timer. I findes no wichtig dass dKind wüsse dass au Mama u Papa nid immer möge u mau e Pause bruche. Wo si kei Mittagsschlaf me het welle mache, hani ihre erklärt dass ich aber no e Pause bruche. I ha dUhr uf 20-30 Min gstellt u gseid dass i da bi, Kaffi drinke u öpis lese due. Si cha jederziit zu mir cho, aber i spiilenid aktiv mit ihre. Si het de au agfange nebe mir es Büechli lese oder male.
Später hemer zäme e Tagesplan bastlet mit Chlämmerli u Symbol. Hend jewiils am morge zäme besproche wenn dass sii ihri mit Mama spiele ziit het, wenn mama ufrumt, kocht, wenn mir use gönd, wenn esse, wenn au mau TV, wenn Bett,... U immer wenn dZiit düre isch gsi hemer es Klemmerli weg gno. Het super funktioniert. Si isch uf ihri köste cho u het mi mini sache la erledige.
Mitlerwiile bruchemers nüme, gat au so mit rede u abmache.