Umfrage Geburtsvorbereitungskurs

Gecko84

Mich würde mal interessieren ob heute noch Geburtsvorbereitungskurse besucht werden oder macht ihr das mittlerweile nur noch online?

Was habt ihr für Kurse besucht? Hypnobirthing oder sanfte Geburt? Oder bei der Hebamme oder im Spital?

Ich überlege mich auszubilden zu lassen, frage mich jedoch wie der Bedarf nach Corona aussieht?

Dachte ev habt ihr Lust mir mal ein paar Rückmeldungen zu geben😊

Lg Sabrina

sArA91

ich han nüt welle mache ☺️ bin ins spital devor goh luege und han denkt git jo hebamme dött wo helfen☺️

benuim

Ich han damals en kurs bi minere hebamme gmacht. aber sie het mer eigentlich das verzellt woni selber scho gwüsst han. jetzt bide 2. schwangerschaft wirdi kein kurs meh mache.
es isch halt sehr individuell, ich zb. tuen mich selber scho sehr intensiv informiere, aber es git anderi die lernet so sache lieber imene kurs. es isch sicher nöd schlecht, wenn mer sich dezue usbildet!

Lilamama

Ich ha de online Kurs 'Die friedliche Geburt' gmacht

Zireael

Ich han kein Kurs gmacht sind mer ztüür gsi und ha gfunde hüt cha mer sich selber guet Informiere und am schluss chunt eh alles anderst. Ha denn en KS gha😁

SHAYENNE

Ich bim 1. Hypnobirthingkurs vor Ort und bim 2. de vo Die friedliche Geburt online. Schad hani bim erste de vo Die friedliche Geburt nonig kennt gha. Ich ha nie welle de klassischi Geburtsvorbereitigskurs im Spital bsueche. Det wird minere Meinig nah zviel negativs verzellt.

Sonnenblümchen

Ich han en privat bi minere wuchebetthebamme gmacht. So hämer die grad kenneglernt und ich han eifach chöne fröge was mich interessiert hät und han nöd es ganzes Programm müesse duremache

Schneewittli

I ha dr 6 wöchig Kurs im Spital gmacht zäme mit anderne Paar und em Partner und hani super gfunde. Nid nur wäg de Infos ou wöu me sech für diversi Themene viu Zyt cha näh, ganz viu Frage cha stelle und ou dr Ustusch mit de anderne Paar ir gliche Situation het. Mit diune hani iz immer no Kontakt😊

Gecko84

He mega cool. Danke für eui Feedbacks. Ich gseh das macht hüt jede biz andersch. Bin gspannt uf wiiteri Erfahrige🤗

@SHAYENNE Was isch denn für dich de Unterschied gsie zwüsche Hypnobirthing und Die friedliche Geburt, sodass du szweite denn besser gfunde häsch?

Miette

Ich han de kurs au 2x bi minere hebamme mit minem Partner gmacht gha. Für mich sie die kürs au definitiv ztür gsi…

Gecko84

Ok händ denn bi eu Krankekasse nüd dra zahlt? Will bi mir händs damals 50% vom Kurs überno gha.

minggi

Also bim 1. hemer en kurs bi minere hebamme gmacht. Mit 3 anderne päärli. Ich ha das super gfunde, sehr informativ gsi. Vorallem het den mii maa sich mal mit dem ganze usenand gsetzt und isch chli informiert gsi. Manne läset ja meistens nid so büecher. Und vorallem het den d hebamme mii maa ai chli känneglernt. Bi üs het kk en teil zahlt. Han immer gfunde ich bruch das nid, bin aber froh hemers gmacht. Und mit de anderne päärli träffet mier üs ai jetzt nu regelmässig.

Zireael

@Gecko84 Doch scho aber au denn hanis no tür gfunde. Ha lieber mich selber informiert Büecher Youtube Podcast..Ich ha gfunde dHebamme bi de Geburt wür mer scho sege wie ich muss schnufe etc🤣. Und das vorus lerne het für mich nöd so Sinn gmacht well ja jedi Situation anderst isch.

minggi

Oh und bi üs im kurs isches eig wirklich nur um informatione gange, geburtsablauf, komplikatione, wuchebett, stille, beziehig zum partner. Mier hend au so gedankereise gmacht, de maa het en brief as baby gschribe und so sache. Wie schnufe und so wemes usem film kännt hemer da gar nüd gmacht.

Zireael

Oh bi fühlsch mi gspürschmi sache bini grad dusse🙈das isch gar nüt für mich 🙈

SHAYENNE

Mini Zuesatz het 80% vom Kurs zahlt. Hoffe das macht sie bim zweite au 😁

snowangel

Jöö minggi, mega herzig dass de ma am baby es brief schriebt 🥰😍


Ich ha bim erste Sohn de kurs gmacht, has eig. Oke gfunde.. informatione hani scho all gwüsst willi so ufgregt gsi bin und alles.googlet han 🤣 aber denke so gahts allne mamis bi de erst Schwangerschaft, was mir gfalle het sind die üebige gsi und massge wo de partner eus het derfe mache 🤭🤪
Bim zweite hania nüme gmacht Willis nös nötig gfunde han..

Medo

Ich mach grad eh kurs im unispital basel. Muess 6x gah a 2h.
Ich finds sehr informativ( mengisch sogar zviel infos) schreckt einem ab. Am mentig gohts witter mit dem Partner, mache de kurs hauptsächlich für ihn damit er gseht hört und weiss was mir fraue dure mache müent und er mir zur sitte cha stoh 🥰 en teil wird vo de KK übernoh.

AmBir

ich han kein kurs gmacht und das isch im nachhinein au die richtig entscheidig gsi für mich. so han ich voll und ganz uf min körper chöne lose und alles uf mich chöne zuecho lah

Thea

Has so gmacht wie d @AmBir
Ha mittlerwiile drü Mädels und has nöd bereut, kein so en Kurs gmacht z ha… ich ha uf mich und min Körper glost, ha mich nütem verschlosse und au kei Plän gmacht. Ha drü unterschiedlichi aber gueti Spontangeburte gha.

LillyFee

Ha bi miner Wuchebtthebamme ei abend chli gredet und has super gfunde ha chönne bestimme wasi wett wüsse und was nit. und glichzitig han ich si kenneglernt.
KK het 80% überno

würds bim erste wieder so mache!

Gecko84

Wollte mich noch bedanken für die vielen Rückmeldungen🤗 habe einen guten Eindruck bekommen. Schön so viele offene Menschen hier zu haben.