10 Kilo mehr nsch der Schwangerschaft

BAS

Hallo zeme, trotzdem dassi ned zu viel gesse han ide ss hani 1 monat danach no 10 kilo plus.
Scho klar muessi ned stresse aber mit somene fühlich mich eigentlich au ned wohl.
Wie lang händer ka bis eui kilod weg sind?
Händer öpis spezielles gmacht? Sport/ernährig?

melanieF

Hallo.

Ig ha iz 8 mönte nach de geburt no öppä 6 kg meh aus vor der ss.
Ig bi no am stille.
Mini tante isch stillberaterin und seit wenn mä vou stillet sötmä ni meh us es 1/2kg im monet abmä weu wenn mä wot fastä, kur mache ect das gad aues it miuch zum bebe geit und das ni guet isch.

I bi stoutz uf mi körper aber ha ou immer wider zwifu weui no immer ni bi mim wunschgwicht bi. Jedi person isch da ou angers nach de geburt.

Aues guete dir

AnDu88

Me seit jo, me söll sim Körper so lang zit gä zum sich regenriere wied Schwangerschaft duuret het. Due di würklech nid stresse, es sind au erscht 4 Wuche 😊

Bi mir isches nachde erste Schwangerschaft öbbe 3-4 Mönet gange bisi wieder ufem usgangsgwicht bi gsi. Jetzt nach de 2. Schwangerschaft isches dütlech länger gange. Ha guet 7-9 Mönet brucht. Ussert stille und de chind nocheseckle hani nur d Rückbildig gmacht, meh nid. Aber de Körper isch halt scho nümme so wie früehner… merke s alter langsam 😂😭

benuim

de grossteil vo mine kilos isch erst nach de rückkehr vode periode weggange, 5 mönet nach de geburt. und au denn hani immerno 2-3kg meh druf gha als vorher. ich han weder sport, no irgendwelchi diäte gmacht.
verstahn scho, dass dich nöd wohlfühlsch, aber die ganze kilos purzlet denn scho wieder abe, mach der kein stress!