Mit Baby Fahrrad fahren

minggi

Hallo zäme. Ab wenn chani miis Baby mim Velo mitnäh? Im Ahänger mit natürlich dr richtige Schale/Hängematte. Het epper erfahrig? Wie hend ier das gmacht? Miis Baby isch jetzt 6 wuche alt.

Lilamama

Ich het jetzt spontan gseit wenns de chopf wüki stabil cha halte.. aber da würi jetzt glaub e physiotherapeutin oder d chinderärztin fräge..

Mamelo

Nor mini meinig.

Wenni velofahre leggi en helm ah.
Es wörd mer jetzt ned em traum en senn cho mis baby hende ine hängematte z legge währen i vore metem helm ufem chopf velofahre.
Be mer au ned mol secher öb da erlaubt esch, glaub be eusem dörft mer met chend i de hängematte nor stosse ond ned as velo hänke.

Aber we scho gschrebe, nor mini meinig

malguggn

Mir hens jewiils ab ca. 3 mönet ir hängematte gha. Weiss aber ned, was die offiziell empfehlig isch.

Mayla

Ich kenn au öper wo s baby mit 2 monet scho in ahänger tue het, sie fahrt sehr gern velo, aber chli wie en henker.. und jo ohni helm.. ich mach au e johr velopause wegem baby.. 🤷‍♀️

Thea

Ab 4 Mönet händ mir die Chlii im Thule Ahänger mit de Babyhängematte gha. Sind aber sehr vorsichtig gfahre und nöd riesigi Toure 😊

Thea

Sorry, TFK, nöd Thule

Juli88

Mir hend eus es Lastevelo kauft, wo mer s'Maxicosy het chöne druf mache.