Kaiserschnitt oder normale Geburt?

1995

Hoi zäme

Ich muss mich bald entscheide was ich wähle tuen und bin komplett hin und her grisse…(35 ssw)

Gern wetis versueche normal z gebäre han aber au grossi Angst vor de Geburtsverletzige, de Inkontinenz usw. da es eher es grosses Baby wird und ich mich ned so parat defür fühle hani chli Angst devor…

Kaiserschnitt wäri für mich au eh option, aber weiss ned ob das evtl. spöter zu Schwierigkeite füehre chan für eh zweiti Schwangerschaft und isch halt au eh operation und mer weiss ja au ned wie es einem danach gaht…

Was hend ihr so für erfahrige? 🙏🏼

benuim

was heisst denn grosses baby? min sohn isch bide geburt au eher gross gsi und han e normali geburt gha. geburtsverletzige heiled viel schneller als e kaiserschnitt narbe und inkontinenz chamer mit beckebodetraining wieder in griff becho!
wür jetzt wegeme grosse baby kein kaiserschnitt wähle, es isch halt scho en grosse igriff.

Zireael

Das isch so e schweri entscheidig. Ha das au so gha. Bi mir het sie sich zerst nöd welle drehe und Plazenta isch ztüüf gsi. Denn het sie eifach nöd welle cho und mer het sie au gross i gschätzt. Im USZ wo mer ja nöd so eifach zumene KS chunt hends mir denn dezue grate eine zmache. Bin froh gsi das mir de Entscheid abgno worde isch. Ich bi sehr Glücklich über KS Geburt und wür sie wieder mache. Es isch e OP und en grosse Igriff. Ich ha aber am 3 Tag chöne Hei und isch mer super gange. Es isch für eus perfekt gsi. Aber wie bi jedere Geburt oder KS es isch bi jedem anderst positiv oder negativ.
Hesch gar keis Gfühl zu was du meh tendiersch? Bi mir bini im Kopf immer biz meh bim KS gsi.

1995

Aso mini Ärztin seit eifach es isch eher es grosses Baby und schwer da mir beidi au gross sind. Aso wird sicher um es 4kg Baby.

Sie het mich eifach drüber informiert dases grossi Schäde geh chan im Beckebode und es fäll git wo eh inkontinenz nüme rückgängig gmacht chan werde su mit beckebodetraining.

Weiss wie ned wasi mache set. Normal gebäre und das alles in Kauf neh oder doch KS🙄

enelaa94

Es grosses Baby isch keis Hindernis für e normali Geburt. Kollegin het es 4400g und 55 cm gebore und isch nach de Geburt super zweg gsi kei verletzige nix .
Mini Isch nur 45 cm und 2800g und han sehr schweri Geburtsverletzige gha. Also weiss nöd chunt glaub nöd ufd grössi und Gwicht vom baby druf a.
6 wuche nöd chöne richtig laufe nur kurzi Streckene. Im nachhinein het ich mich lieber für en Kaiserschnitt entschiede und mim Baby und mir die langi, schwierigi Geburt erspart. Ganz ehrlich bim zweite wür ich en Kaiserschnitt wähle.

1995

Het sich den alles wieder normalisiert nach dine schwere Geburtsverletzige? Oder leidisch hüd no dra?

Im chopf bini ehrlich gseit chli meh KS weg de folgeschäde aber irgendwie würi das au gern erlebe eh normali geburt..

Ich bin au ehrlich han mich bis jetzt halt au gar ned vorbereitet für eh normali geburt oder mich gross demit befasst. Körperlich fühli mich jetzt au ned grad in topform und han wie chli angst dasis ned schaffe. Kei beckebodetraining gmacht und sport sowieso sit mönet ned halt gar kei vorbereitig 🙄

enelaa94

Nei isch alles wieder super. Au de Schmerz isch scho längst vergesse. Gottseidank🤣Han mi au null druf vorbereitet gha. has mega bereut bini nöd anen Kurs oder susch öppis. Aber de Moment wo sie ussecho isch und uf minere Brust glege isch, das isch so unglaublich schön gsi. De hani ständig vor Auge mis grösste Glück selber gebor zha das isch wahnsinn gsi.

1995

Ja das glaubi sones gfühl weti halt au ned verpasse de glücksmoment sowas gschafft z ha😍
Aber die folgeschäde machet mi wahnsinnig😣

benuim

Also min sohn isch mit 4kg und 53cm ufd welt cho und ich selber bin aber kei grossi😄. Ich bin au überhaupt nöd in topform gsi, im gegeteil, han mich ide letzte 2 mönet vor de geburt gar nüme viel chöne bewege weg de beschwerde. bin froh hani chöne normal gebäre aber du musch am schluss selber entscheide. vo dem woni ghört han, isch en plante kaiserschnitt besser als en notkaiserschnitt.

enelaa94

Ahja wege topform, mach der da kei Gedanke🤣vor de Geburt bini 5 wuche schwer verkeltet gsi. nur im Bett und ghuestet wie en Ketterauche🤣Plus isch September gsi und mir hend no 33 Grad gha und ich wienes Wallross. bin echt am endi gsi. aber während de Geburt hani Kräft becho wo nöd us dere Welt sind🤣🤣Mer het so viel kraft mer cha Bäum
risse etc.

benuim

het dini ärztin dich au ufd risike bimene kaiserschnitt higwiese?
finds interessant, dass dir e normali geburt meh angst macht, obwohl en kaiserschnitt viel meh riske het😉

1995

Hender eu beidi demfall au ned gross vorbereitet mit beckebodetraining oder dem epino grät wos git dammassage und wases suscht no alles git😄

enelaa94

Nei. han eifach alles uf mich zuecho lah. Gar nüt gmacht

Gröipschi

ouso grössi u gwicht fingi überhoupt nid entscheidend, sondern dr chopfumfang. mi gross het ä chopfumfang vo 38cm gha, i säuber bi nume 158cm gross. i ha nue bebo-training oder öpis gmacht vor dr geburt (nächhär de scho) u ha nie problem gha.
i ha d geburt absolut nid schön gfunge, aber i bi schtouz uf mi u mi körper, dass i das 2 mou ha dörfe erläbe.

minggi

Findi ez auso au nu speziell das sie meh risike binere normale geburt ufzellt het. KS isch ja e schweri Buch OP... find en KS macht mer wenns muess sii us medizinische gründ oder schlechter geburtserfahrig. Nid eifach so, aber das isch nur mini ahsicht und ich wet da niemerem z nöcht trätte. Ich han 2 schöni geburtserläbniss dörfe ha, z erste baby mit 4100kg. Han nur e liechti verletzig gha denah. De beckebode wird ja eig ide ss gschwächt, d geburtsart isch eig nid d ursach fürd inkontinenz. Lah dich guet la berate und ufkläre und den entscheid eifach nach diim buchgfühl, das weiss scho was richtig isch. Alles gueti wünschi 😊

Nalan83

jede wird dir was anders säge jedi het en anderi erfahrig..! i maches kurz bi mir persönlich sinds 2 kaiserschnitt gsi beides mal katastrophe traumatisch, schlimmschti schmerze ever und schlimmschte wo mr passiert isch im lebe …! heilig isch au mega lang gange…. ! also für mich definitiv normali geburt 👍🏻

snowangel

Ersti geburt isch bi mir au nöd schön gsi und wie Nalan seit isches bi jedem anderscht...ich ha mich da au müesse entscheide bi de zweiti Schwangerschaft und ich bi total offe uf dgeburt zue gange, ich ha min ganze vertraue a de Ärzt geh und ha gseit bitte seget sie was sie jetzt empfehlet... Mir isches schlussendlich wichtig gsi dass sbaby gsund uf dwelt chunt und ich no lebe für mini zwei buebe. So het de arzt entschiede nomal en Kaiserschnitt zmache will mini narbe vom erste het chöne uffriese..(ich ha nöd mal gwüsst dass das chan passiere, das het mir dnachbarin verzehlt ka will sie paar wuche vor mir gebärt heti) 😁🤭
Und ich muess sege das het mir persönlich sehr ghulfe eso locker und offe zue gah und ich bi so schnell wieder fit gsi.. en Tag duruf ufgstande und 3 täg nachem ks bereits 1 km spaziert.. 🤭 es git also kei richtigi Antwort uf das ehrlichgseit... So blöd das tönt, es chunt wies chunt aber du schaffsch das 🙏😍

Miette

Also @benuim das isch so nit ganz korrekt, dass en KS meh risike het. (https://www.swissmom.ch/de/geburt/kaiserschnitt/die-vaginale-geburt-ist-nicht-immer-schonender-10183).

Liebi @1995. wie ich us dene Komentare use lese chan, isch die tendenz fo de meiste hie ganz klar zur vaginal Geburt 😉. Isch bi der erst Geburt ganz klar au mine wunsch gsi. Ich hans so „natürlich und normal“ welle, will ja scho sit jahrhunderte Fraue „normal“ gebäre. Alles isch anders cho & min chli isch trotz chleinem chopfumpfang völlig in minem Becke verkeilt & es isch zume Kaiserschnitt oder wien ichs jetzt gern nenne, zunere Buchgeburt cho. Ich han mi sooo lang gschämt & mier vorwürf gmacht, dasi nit fähig gsi bi mis chind uf „normali wäge“ uf twält zbringe. Und das hauptsächlich wegs dene ganze kommentär fo mensche, wo meine sie chönne uber so es wichtigs ereignis im lebe (z“mama werde“) urteile. Und weisch was, ich bi genau glich gsi!!! Min chli sohn isch gsund gebore. Er het dank der Buchgeburt überlebt. Jetzt nach meh als 3 jahr bini total im reine & froh, dass die möglichkeit fonere Buchgeburt git. La di bitte nit fo kommentär la verunsichre & los ganz klar uf dis buchgfühl. Jede weg wo du geisch, wird für dich und dis baby der richtig si (au wennt vili „der eifach weg“ vomne kaiserschnitt gasch😜, wie ja vili sege). Und au biner buchgeburt, wirsch du das Glücksgfühl erlebe, we dis baby dier uf brust gleit wird. Du wiesch egal us weler körperöffnig dis baby usequetscht wier stolz si, dass DU das chlini wunder gmacht hesch.

So und nu zum Schluss Jedi Geburt bringt Vor- und Nachteil und nach jeder Geburt muess üse Körper heile. Vili hüpfe nachere vaginal Geburt scho nach 2
minute putzmunter durch die gäng, andri schleppe sich nu wuche dernah schmerzgeplagt durch de alltag. Wasi dermit will säge, jede körper heilt anders 😉.

PS: ich will niemert beleidige oder irgendwie schlecht mache, aber das si doch allz subjektivi erfahrige. En geburt isch ja so eppis individuells. Es isch doch in erster linie wichtig, dass me als Frau chan unvorigno der weg wähle, wo für eim der best isch.

Ich hoff, me versteit wasi will sege, es isch mits i der nacht & durch der schlafmangel (baby krank) sind mini gedanke vili nimme so klar strukturiert 😉😜😵‍💫

Mimi89

Ich stimm dr @Nalan83 zue. Bi mir genau glich

benuim

@Miette also de artikel seit überhaupt nüt us zude risike vomene kaiserschnitt im verglich zunere vaginale geburt😅. es git diversi studiene wo beleget, dass kaiserschnitt es viel höchers risiko berged (d sterblichkeitsrate vode müettere isch 3x höcher!).
aber zu allem andere hesch völlig recht! am schluss spielts kei rolle wie, hauptsach es gaht allne guet und jedi geburt isch eigentlich normal.

aber es „zgrosses“ baby findi trotzdem nöd grechtfertigt für so en igriff😅. min sohn het au en chopfumfang vo 38cm gha und min dammriss 2. grades isch schnell verheilt. e kaiserschnitt narbe chan au no jahre nach de geburt no problem mache.
ich han mich körperlich NULL vorbereitet ufd geburt, nur mental. han viel positivi geburtsbe

benuim

..geburtsbericht glese😊

BAS

Icha wunschkaiserschnitt ka.
Da 1. Geburt sehr traumatisch gsi isch. Min sohn isch scho sitem 1. Tag schreichind u ich glaube hät scho mitem schwierige geburt ztue.
2. Geburt isch kaiserschnitt u 1000 mal besseri erfahrig gsi.vieli händ mi versuecht zu normalgeburt züberrede aber ich bin nach mim eigene gfühl gange. Finde risike bi normal geburt gar ned viel weniger wenns zumene notkaiserschnitt chunnt?? Chan doch im schlimmste fall sogar de muetter oder und chind schade ussertdem hät mer au riss u narbe au wenn ned so gross.

BAS

Ich bin am 2. Tag vo de geburt ufgstande u ja klar hät mer schmerze aber au mini frauenärztin hät gmeint mit KS isch mer 1 tag hinedri wie normalgeburt. Du chasch mer au schriebe wenn du willsch. Icha beides ka.

AmBir

Es git wie bi allen pro und contra und zig ahsichte. Was ich uf jedefall wür machä, isch eh zweitmeinig, also s‘baby namal irgendwo andersch go messe lah (USZ etc.)
bi mir het mer immer gseit es segi uh chli und ich müsst luege weg de neo.. isch uf under 2500 g gschätzt wordä.
dänn bini is USZ go messe uf min wunsch und det hends gseit nei, es ganz normals eher chlises baby..
Am endi isch sie 50cm mit 3050g gsi. Aso kei spur vo Neo..

Lilamama

Ich ha natürlich gebore und s isch wunderschön gsie. Sehr schmerzhaft aber ich ha zu keim zietpunkt angst gha oder s gfühl kei kontrolle z ha. Ich ha mich guet vorbereitet und mich gfrägt, was isch mer wichtig, was möchti, was nöd, was sind d ufgabe woni a min partner chan abgeh.. han das au ufgschriebe und de hebamme im vorhinein abgeh. Ich ha au en onlinekurs gmacht wo mer sehr ghulfe het, während de geburt bi mier z bliebe.
Für s baby isch di natürlich geburt, wenn sust alles stimmt, s best, da s baby halt mitbestimme chan, wenn das es uf d welt chunt und wills dur de geburtskanal gaht und det die flora cha ufneh.
Schlussendlich find ich aber am wichtigste, dass dini geburt selbstbestimmt isch, egal ob ks oder natürlich. Alles gueti!

Miette

@benuim Ja das isch mer klar, han eifach welle geburt/KS chli relativiere, will me doch sehr vil immer nur znegative gseht. Fo wo hesch denn du das, dass tsterblichkeit bi de fraue 3x höcher isch? Hani bis jetzt no nie ghört & glese (rein us interess).

Miette

Ah und liebi @1995 das wäri no en objektivi Broschüra fa der gynäkologie schweiz, vili findsch da dini Antwort ☺️😊. https://www.swissmom.ch/de/geburt/kaiserschnitt/wunschkaiserschnitt-10175
Unter Extra „wie bringen Sie ihr Kind zur Welt“.

Alles liebi & güeti ver dini Geburt. 🍀

Tanja87

Entscheidend für Geburt vomne "grosse" Baby isch ned unbedingt s Gwicht, sondern de Kopfumfang. Min Sohn isch liechter gsii als Tochter. Er hed aber fasch 2 cm meh Kopfumfang gha. Dementsprechend isch au d Geburt gsii☺️

AnDu88

Das isch e Entscheidig, die cha dir niemer abnäh. Du chasch 100 Fraue froge und bechunnsch 100 verschiedeni Antworte…

Lo di lo berote vo verschiedene Fachpersone, stell alli dini Froge (schrib ders uf vorher) los i di ine, uf dis Bebe und los uf dis Härz. Schlussendlich gits keis Richtig oder Falsch sondern nur din ganz eigete und persönliche Wäg. Wie dä wird usecho, das cha dir niemer vorussäge… leider.

Bi minere erste Geburt hani sones hin und här gha, mi lo verunsichere vo x verschiedene Lüt, jede het öbbis anders gseit…bi ganz durenand gsi ir Schwangerschaft, vor und während de Geburt. (Es isch e KS worde wäge BEL) und dur das ganze für mi e traumatischi Geburt worde, woni lang ha brucht zum verarbeite. Ha au s gfühl gha verseit zha, willis nid mol spontan probiert ha.

Bir zweite Geburt hani eifach uf mi Körper glost uf mis Gfüehl und has uf mi lo zue cho. Es isch nach gschiteretem iileite de doch zumene KS cho und trotzdem für mi s schönste Erläbnis gsi. Eifach willis ha lo passiere loh, wies het müesse si.

Mit dene ganze Antworte do, wirsch wahrschinlech nomeh verunsicheret… es git tuusig schöni Geburte vaginal und per KS aber genauso vill unschöni und tragischi Erläbnis vaginal und per KS.

Wünsche dir alles Gueti und wünsche der - egal wie di entscheidisch - e für di stimmigi und schöni Geburt ❤️

Zireael

@1995 🤣ich ha 1 mal Dammmassage mir gmacht und ha denkt nöö kei lust, ich ha mi au nöd vorbereitet. Aber ha ja den e KS gha und nüt müesse mache😂

benuim

@Miette ich sueche immer nach englischer fachliteratur, will mer uf dütsch allgemein wenigi studie im internet findet.
bi dem bricht staht sogar 5x höchers sterblichkeitsrisiko: https://www.euro.who.int/__data/assets/pdf_file/0006/277737/Cesarean-Section-or-Vaginal-Delivery-in-the-21st-Century.pdf

Zireael

Ich wür au dinere Ärztin vertraue und wie @AnDu88 seit im Spital nomal untersueche la. Bi mir hend beid USZ und min Arzt sgliche gseit und mir zum KS grate.

Ich muess immer schmunzle wenn öbbert seit das oder das isch besser. Ich ha glernt vo dere sekunde a wo mer Schwanger isch weiss jede immer öbbert besser😂

Bim KS möchti aber na sege das Notkaiserschnitt würklich meh Risiko hen will mer da pressiere muess, well entweter Muetter oder Kind in Gefahr isch. En Plante Ks da isch mer echt guet abgsicheret und zählt als Standart igriff und isch sehr sicher.

Aber bi allem es git nöd de eini richtig Weg. Wie all seget es het vor und Nachteil.

Miette

@benuim ou danke. Spannend. Sehr interessanti studie.

Ich frag mi aber grad, ob die fachliteratur no aktuell isch. Es git nur 1 studie usem 2013 und alli andre si früeher gschribe worde. Das si 10 jahr forschig derzwische. Isches echt jetzt immer no so? 😉

BAS

Ich wür sege uf dis eigene gfühl lose u mit arzt bespreche. Icha beides ka u han halt verglich u mis eigene gfühl hät gstumme u zum glück hani uf niemert glost! Irgendwie händ mer alli KS welle abrate u icha uf niemert glost.

nic10

I ha zwöi Söhn beidi über 4 Kg u normau gebore u bi beidne komplikatione ka. I ha bim zwöite zersch o gseit i wöu ä Kaiserschnitt u mini Froueärztin het mirs usgret. Bi mim zwöite Sohn hätti fasch ä Notfaukaiserschnitt ka wüu är isch blibe stecke u d Härztön schlechter si worde. We i nomau müesst äs über 4 kilo Baby gebäre würd i Kaiserschnitt mache. Los eifach uf dis Gfüehl de chunnt das sicher guet!!

Kosmea

Spannend, euchi Erfahrige z läse! Ich döf hoffentlich no es paar Mönet schwanger bliibe 😉
@1995 dänk dra, jedi Frau isch andersch und jedes Geburtserläbnis au. Du gohsch mit all dine Erfahrige ide Schwangerschaft und usem Läbe i dini Geburt und döfsch entscheide, was du, din Partner und dis Baby möged träge. Eigentlich jo au mega schön, dass ihr döfed sälber entscheide! Inkontinenze chas jo au bi Sectios geh, oft aber erst im höchere Alter.
Ich wünsche dir ganz e gueti Entscheidigsfindig und dass du de Wäg findsch, wo für euch elei stimmt! 🤗 Vilicht hilft dir jo au dini Hebamme no mit ihrne Erfahrige mit…?

1995

Danke eu allne zerst für eui erfahrige und eurne inputs! Isch mega spannend z lese wie da d meinige ussenand gönd. Wie paar vorgschlage hend wird ich de nechsti termin im spital ha und das dete nomal berrede. Mini FA het mer jetzt au vorgschlage mer chan sege mer wartet bis zumene gwüsse tag und wens bis dete s baby ned cho isch wür mer en KS mache will sie het mer empfohle ned bis zum errechnte termin warte. Ich warte mal jetzt uf de termin im spital und hoffe mich den endgültig chene entscheide.

Aber nomal herrzliche dank und ich hoff triff die ricjtig entscheidig❤️

Zireael

@1995 Find das super vo dinere FA. Wirsch gseh dini Entscheidig wird die richtig si🥰alles gueti🍀wär cool würsch denn verzelle für was die Entschiede hesch und vorallem wies für di gsi isch🍀

Mayla

@1995 i weiss nöd öb da scho öper gschriebe het. I finde es seit am meiste us wies bi eu i de familie scho gsi isch mit gebäre. Bi üs sin geburte sehr ähnlich gsi vo de zitlängi her und d grössi vo de babys..

1995

Tueni eu gern berichte!☺️
@Mayla Stimmt ich muss mal nahfröge ah das hani noni denkt! Danke!

samyra

Ich ha en Wunschkaiserschnitt ka und würs jederzit wieder eso mache. Ha ame Mittwuch de KS ka und am fritig morge bini scho heigange.