Nasses Bett

Waschbär1993

Hend die eine oder andere das au scho gha ???
Letscht Nacht verwached und alles Nass gsi…nöd sicher ob Urin oder Fruchtwasser🙈🙊Well i merk suss amel wenni muess ufs WC und verwache denn au…aber dasmol bini verwachet ubd alles isch Nass gsi….und denn bini ufs WC und Blose isch voll gsi aso ha recht Wasser chönne löse…
Bi ab hüt i de 35 SSW….

Waschbär1993

Cha morn id Kontrolle is Spitol well mini FA die ganz Wuche leider usfallt..

passonita

Wie het‘s denn gschmöckt? Fruchtwasser schmöckt so chli süesslech. Ir Apo gets gloub ergendwelchi Teststreife wo me cha luege, öb‘s Fruchtwasser esch.
Aber grundsätzlich esch es so, dass bemene Blasesprung d Infektionsgfahr stigt (innert 24h sött me gebäre bzw. denn Antibiose becho). Würd aso sone Teststreife näh und luege.
Esczh sethär nüt meh cho?

Waschbär1993

Nei isch nüt meh cho bis ez cha morn morge denn is spitol go id kontrolle

Tanja87

@Waschbär1993 ha dini Posts gläse, was isch denn usecho hüt bim Untersuech? Gahds euch guet?

Waschbär1993

@Tanja87Isch alles guet sie hend au es CTG gmacht döt isch au alles super und isch doch kei Fruchtwasser gsi und die chli het ez 2400gr isch alles tip top 😊

Tanja87

@Waschbär1993 ohh guet🤗 de hoffi das no en gueti Restschwangerschaft hesch und en ganz tolli Geburt🌸🌺

Zireael

Es git so Stäbli wo mer Vaginal cha ifüehre die Zeiget eim obs Fruchtwasser isch. Ich ha die immer i de SS de Hei gha welli amigs au biz nass gsi bin🙈isch aber kei FW gsi. Aber die Teststäbli hend mi mega beruhigt