Fehlgeburt

Biennli

Hoi Zämme
fühl mi momentan truurig
Nach minere 1 Geburt hani im März e Fählgeburt ka. Jetzt wärs wieder e sowit aber cha mi irgendwie nid würkli freue, denn ich ha Schmierbluetige. Bin gester bi dr Gyn gsi und es het kheisse "im mommänt bini schwanger" me cha si nid sage (isch jo no zchli), me cha nur warte und in drei Wuche luege wies gwachse isch..
Jetzt hani sit gester richtig bluetige bi chli am bode zerstört

gits do Mamis wo au das kenne? Wie händ ihr euch chöne ufraffe, vorallem au genüber anderne und em Chind

Crystal

Füuh di unbekannterwiis umarmt, i schicke dir ganz viu positivi Energie…u drücke dir d Dümä dases guet chunnt. I cha dir leider keni Tipps gä aber i has grad chli trurig gfunge wüu dir no niemer gschribe het…

Nina_Li

Hey Biennli, ich kenn das au jä, ha zwei Fählgeburte kha bevor i mi Sohn denn ha dörfe bekho. Es isch für mi au sehr schlimm gsi. Ha scho lang e grosse Kinderwunsch kha und bi denn au scho 36 gsi und ha denn fescht Angscht kha, dass es bi mir nümmi klappt.

Rot hani in demsinn keine, es isch eifach sehr schmerzhaft. Und es isch e Truurprozess wo Zyt brucht. Mir hetts ghulfe mit Mensche rede, wo mi verstöhn.

Ich wünsch dir alles gueti und viel Kraft.

Biennli

Hey danke euch für die energie und kraft

Biennli

Wie lang händ ihr denn so bluetet?

Seri84

Hallo Biennli

Ich drücke dich. Ich ha leider gester en Fehlgeburt gha es wär üses zweite Kind gsi. Ich bi am Morge erwachet und ha vell Bluet gha.
Wie geits dir?
Lg Seraina

TamaraNova

Hallo dir liebe 🫶🏼I ha im Juni mini 3ti Fehlgeburt gha.
Ds erste isch es Windei gsi & bi nachdem gad wieder schwanger worde. Denn mit dr Elena hani se müesse ir 18 SSW gebäre, weu sii nüm het glebt. Da hani ner recht lang eh pouse brucht, öppe 1,5 Jahr. Denn hani der Muet gha und es wieder versucht, aber ir 9SSW het denn ds Herzli ufhöre schlage & denn bini zur Usschabig. Es isch nid eifach, i probiere mir aber immer zsege, ds aues usem ne grund passiert. Sehr sehr trurig, aber mir chöis nid ändere. I wünsche ganz viu kraft🫶🏼

Biennli

Seri84 schrieb: »

Hallo Biennli

Ich drücke dich. Ich ha leider gester en Fehlgeburt gha es wär üses zweite Kind gsi. Ich bi am Morge erwachet und ha vell Bluet gha.
Wie geits dir?
Lg Seraina

Hoi Seraina
Oh nei das tuet mr mega leid für di (euch) i wellere wuche bisch gsi?
Die 1. FG hani afamgs 13. ka die 2. in dr 8. Wuche

Biennli

Wie lang händ ihr so miesse warte nach de fehlgeburte bis euchi periode wieder cho isch?
1. FG isch e natürliche abgang gsi
2. FG hani medikamentös miesse mache. Es isch am 28.7. abgange und warte immer no.

•Elefäntli•

Ich han binere usschabig Fast genau uf dä Tag en Monet spöter Periode wieder öber cho. aber das isch so Frau zu Frau unterschiedlech.

Seri84

Im Oktober 2020 bini ir Wuche 5 gsi natürliche Abgang. Nach 3 Mönet wieder schwanger worde. Die chlini wird jetzt de 2🙂
Im Juni 2023 bini äuä au schwanger gsi han aber ned testet. Mi Gruchsinn isch voll nebe de Spur gsi.
Jetzt im September bini ir Wuche 6 gsi und au natürliche Abgang.
Nach de Fehlgeburte hani mini Periode immer grad wieder beko.

Dinky

Hey ihr Liebe, mer hend ou set längerer Zit en Kinderwunsch. Afang Johr hämmer en biochemischi Schwangerschaft gha und vor paar Täg en Frühabort er 8. SSW. Mer hend leider no gar keis Chendli und i werde scho bald 38. Es het öis recht metgnoh und trurig gmacht. I hoffe, dass sech de Zyklus rasch weder ipendlet und mer das Glöck ou no dörfe erleba 🙏I wönsche allne vel Chraft zum aneh, was mer ned chöi ändere und Zueversicht, dases bald klappet metere gsonde und unkomplizierte Schwangerschaft ✨