Baby hat Schreianfälle

Siina96

Heey mamis

Ich bin sit 1 wuche ide Ferie mit minere chli
Sie hät jede abig en schreiahfall wo mer sie lang nöd cha beruhige.. kuschle, brust und alles andere bringt nüt
Ha zerst dänkt will viel los gsi isch amigs (übermüedig, überreizt) und ha den glueged das kei lärm meh isch, kei bsuech gha und gnueg gschlafe het sie au de tag dur und trotzdem hät sie wieder en totale usraster gha ca. 1h lang.. hät öper erfahrig mit dem und vlt tipps was beruhigend chönt si ih some moment?
Oder isches will sie en schuub macht? Sie wird demnächst 3 mönet alt

Liebs Grüessli

Patricia1909

Mer hend das au oft gha met üsem grosse.. so schreiafäll am obig. Ide Tragi hed ab & zue no öpis gholfe ond wenn werkli garnüd meh gholfe hed (noch 1h schreie) hemer viburcol zäpfli gä, die hend ehm ame öpis brocht. 🍀

Kriengel

Hört sich nach dem Phänomen der abendlichen Unruhe an, welches man im Englischen „Witching Hour“ nennt. Unsere Kleine hat dies auch ein paar Mal gehabt. Sie schreit am Abend für 30-60min ohne ersichtlichen Grund und lässt sich kaum beruhigen. Wir denken auch es sind Wachstumsschübe.

Nina_Li

Hallo, mi Sohn hett das au kha. E zitli lang jede Obe e Stund lang fescht brielt. I ha ihn au umetreit. Es isch glaub recht üblich, vieli Babys hän das für e gwüssi Zyt. Bi uns ischs denn au wieder weniger worde und irgendwenn hetts uffghört. I glaub es isch well si meh wohrnämme was um sie umme passiert und das verarbeite dien. I weiss es isch sehr asträngend für d'Eltere und kha au verunsichere, aber solang meh für s'Kind do isch und es durch die Schreiphasene begleitet git meh ihm alles wos brucht.

Fridli

Wo üseri Chlii halbjährig gsi isch simmer ä Wuchä im Tirol i dä Feriä gsi. Und au bi üs sind d‘Nächt katastrophal gsi.
Womer dänn chli i üserem Umfäld gfraget händ, händ fascht alli gseit dases bi ihnä au so gsi segi.

Jetzt simmer der Summer, mit 1 Jahr und 4 Munet, nochämal gsi. I dr gliichä Feriäwohnig.
Und es isch perfekt gloffä.

Ich wünschä dir viel Chraft!

Siina96

Danke für eui Rückmäldige, duet amigs nur scho guet z'ghöre dasmer nöd allei isch mit dene Problem 😅