Beschti Fründin fehlt.

Waschbär1993

Hallo liebi Mamis, werdendi Mamis
Gohts de einte oder andere au so, dass afoch die beschti Fründin fehlt, wo me mol en Fraueobig macht oder zäme mol en Kaffii trinkt oder sich regelmässig gseht und öppis abmacht afoch alles was me halt so macht oder mol zämme uswärts goht go znacht esse…
Die beschti Fründin fehlt afoch…ich finds irgend wie uuu schwierig und nöd eifoch 😔….das isch sooo schad

Groan

Fehlt sie dier wil sie weg isch oder wils mit de Chinde zitlich ned gaht? ☺️

Waschbär1993

Has eig no nie würkli gha so e beschti Früdin und i denk das wär soo toll. I ha leider als Kind paar mol müesse Schuel wechsle und Kindergarte au🙊🙈und dur das het me nie würkli Chönne Fründchafte knüpfe wo blibet…nei mitm Kind denki ischs nöd s‘problem i denk isch afoch schwierig als erwachsnige alg….

Corinne:)

Oh ja i fühle mit dir. I ha lang ä besti fründin ka abr das isch vor 2 Jahr usnand u sither ha i ou niemer meh wo i regelmässig gse für so Frauensache 👭

•Elefäntli•

Mir gots genau glich, i finds extrem schwär.
I fühl sehr mit dir 😁

Samara88

Gaht mir genau glich leider. Fründschafte vo de schuelziit hend sich all dermasse usenanderglebt wills wegzoge sind usw. Und mini ehemalig beschti fründin und ich sind vor 5 jahr getrennti weg gange. Mir fehlt au e gueti fründin woni chan vertraue und spass ha.. frauekram chan bespreche. Jetzt woni Mami bin merki das irgendwie no vielmeh als voranne. Min ma het sini beschte fründe sit chindergarte und gseht die männerrundi au regelmässig. Das freuit mi natürli mega für ihn, aber das beniedi mängisch.

Mamelo

Jo vo wo sind er denn so, vellecht ergit sich jo öppis?

Samara88

Also ich bin vo dübendorf und ihr?

Corinne:)

I bi vo Bern

Waschbär1993

Vom Thurgau

SimonaJ89

Ohhh ja das kenni leider au zu guet😞vorallem jetzt als Mami no meh da im bekanntekreis niemert chind hät..
Ich chume vo Stette AG

Samara88

Ohje da simmer alli recht wiit usenand leider😞

Saani

Kenn ich au zu guet 😫😫 ich chome vo luzern au wit weg

luechtstift

Ich fühle echt mit euch… mini kollege hend sech alli distanziert sit ich mami worde bin..

Mama21

Kann so sehr mitfühlen. Seit ich in die Schweiz gezogen bin haben sich zwar Freundschaften entwickelt, jedoch ist eine im Sande verlaufen und eine Freundin ist wieder nach Deutschland zurück gekehrt. Seit ich Mama bin merke ich es auch mehr, dass mir etwas fehlt.

Malak

Kann mich hier allen nur anschliessen, geht mir auch so. Bei mir kommt noch hinzu, dass ich bei den Kindern zu Hause bleiben darf, ich zwar ein, zwei gute Freundinnen hätte, diese aber Arbeiten. Somit ergibt sich auch dort selten ein Nenner und meine Kids sind keine „wir gehen jetzt gemütlich mit den Kindern käffele und essen“ sondern „Coffee to go und Picknick
im laufen“😂

Wir kommen aus der Region Zofingen.

Mama21

Mama21 schrieb: »

Kann so sehr mitfühlen. Seit ich in die Schweiz gezogen bin haben sich zwar Freundschaften entwickelt, jedoch ist eine im Sande verlaufen und eine Freundin ist wieder nach Deutschland zurück gekehrt. Seit ich Mama bin merke ich es auch mehr, dass mir etwas fehlt.

Ganz vergessen: wir kommen aus Dällikon ZH

sArA91

fühle mit dir ☺️ eh richtig besti fründin hani noh nieh gha und bi de einte wo ich gmeint gha han sie sägs entüscht worde. i finde es isch uh schwierig 🙂

Tanja87

Tued mer mega Leid z lese, dass es so viel gid wo ned en gueti/ besti Fründin hend im Läbe😪 vorallem de Grund, dass Fründschafte usenand gönd, ufgrund vo Chind😔 find das mega truurig... schicke euch en liebi Umarmig💕🤗

Crystal

Schliesse mi dr Tanja87 a…i ha ir Krabbelgruppe u im MuKi turne zwöi liebi Froue kennäglert…villäch wär das ja o öpis für öich?

Binaaa

SimonaJ89 schrieb: »

Ohhh ja das kenni leider au zu guet😞vorallem jetzt als Mami no meh da im bekanntekreis niemert chind hät..
Ich chume vo Stette AG

Goht mir öpe glich, ha zwoi, 2.5J u. 3.5 J, be vo Kaisten AG☺️