Chrankekasse und chöste

lightsky

Hallo zäme
Ich bi ganz neu da.. ha min ET am 17. Januar 2024 und es isch mis erste Chind.🎊

Mittlerwile hani Schwangerschaftsdiabetes und Cholestase.. ufgrund vo dem hani halt mega viel Termine im Spital wie au bi mim FA zur Kontrolle.
Jetz isch es aber so dasi mittlerwile würkli nüme drus chume. 😥

Ich bechume vo minere KK di ganz zit Kostenbeteiligungsrechnungen. Es paar Lüt i mim Umfeld meinet, das die mir das gar nöd defet verrechne. Cha mir öper vilicht gnau Uskunft geh wie das würkli isch?

Wär mega froh um echli Ufklärig 🥹

Danke viel mal im Vorus 🙌✨️

Lauraannah

Ab de 13.ssw wird alles wo mit de SS ztue het ohni chostebeteiligung abgrechnet. Bis 8 wuche nach entbindig. Drum machts au kei sinn d franchise abezsetze will die eh hinfällig isch. hanich leider au nöd gwüsst gha. bide einte krankekasse zahlets e gwüssi azahl ultraschall und schwangerschaftskontrollene (musch mal bi dinere go nahlese)
Was nöd zahlet sind so test vo bluetscreening etc. Wend im normalbereich bisch bide nackefaltemessig zb. Das zahlets nur wend schlechts ergebnis hesch.

Lauraannah

Da zb swica

Eline22

Das isch ebe ned ganz richtig. D KK muess alles was mit Schwangerschaft zue het abem erste tag zahle. Und ab de 13. entfalled d Chöste für wenn zum wegere Gripp zum Arzt gasch. Wenn du e risikoschwsngerschaft hesch, da ghört schwangerschaftsdiabeted drii chönd d ärzt so wie so alles mit dere begründig abrächne. Du söttisch also nüt selber zahle!

Eline22

https://www.beobachter.ch/geld/krankenkasse/gesetzes-wirrwarr-falsche-abrechnungen-auf-kosten-von-schwangeren

lightsky

Eline22 schrieb: »

Das isch ebe ned ganz richtig. D KK muess alles was mit Schwangerschaft zue het abem erste tag zahle. Und ab de 13. entfalled d Chöste für wenn zum wegere Gripp zum Arzt gasch. Wenn du e risikoschwsngerschaft hesch, da ghört schwangerschaftsdiabeted drii chönd d ärzt so wie so alles mit dere begründig abrächne. Du söttisch also nüt selber zahle!

Hani ebe au gmeint.. drum bini verwirrt gsi 🥲 sie tpnt mir di ganz zit die 10% in Rechnig stelle als Chostebeteiligung. Aber denn tueni mal morn ahlüte.. bin ebe bi de Cm aso Avenir und sie sind recht müehsam was so Sache ahgaht😶

Lauraannah

@Eline22 wenn d SS vor de 13ssw endet sprich fehlgeburt, lauft alles über Krankheit und muss selber zahlt werde

lightsky

Lauraannah schrieb: »

@Eline22 wenn d SS vor de 13ssw endet sprich fehlgeburt, lauft alles über Krankheit und muss selber zahlt werde

Ja das isch glaub würkli so leider..

Eline22

@Lauraannah Ja, das isch leider so. E Fehlgeburt gilt als Krankheit und ned als Schwangerschaft. Find ich absolut ned richtig. Hoffe da wird s Gsetz bald apasst.

Eline22

@lightsky Ich ha mi au paar mal müesde wehre bi de KK. Ha aber immer recht becho