Angst vor Schwangerschaft und Geburt

liora

Hallo zämä!

Kennt das öpert Angst vor ere erneute Schwangerschaft und/oder Geburt zha?

Ich han trotz enere ereignisslose SS und würkli unkomplizierter "schöner" Geburt gar kei gueti Gfühl weni dra denkt irgendwenn nomol schanger zsi und müese gebäre..

Got das vebi? di chli isch jetzt 10 mönet und Kinderwunsch isch no kai thema, wör mir aber scho gern es gschwüschterti wünsche für di chli.

ah und Gschlechstvechehr macht mi us dene Ängscht use au gar nöd ah...

luechtstift

Hoi du sprichsch mir so us de seele, min chlii isch jetzt 8 mönet aber deför isch mini geburt ned grad ahgnehm gsii… ich wot zwar es zweits chind aber ich bin immer so mit de Gedanke am spiele. Mir macht das alles chlii fescht angst und hoff au das sich verbesseret

AmBir

Chan das guet nahvollzieh! Han au die allerbest Ss und Geburt gha. Han zwar kei Angst, aber de Gedanke namal 9 Mönet schwanger zsi, löst kei freud in mir us.

liora

ah spannend! demfall bin ich würkli nöd elai.. jo genau seb ischs au.. so phuu die 9 mönet sind scho cheibe lang 🙈 und machet ihr öpis "degege" oder hender afach no chli geduld? cha jo scho si das mit de ziet besser wird.. ich hoffes 🙈

luechtstift

Naja ich wirds mit minere Therapeutin ahspreche was sie dezue meint aber suscht ned vel… abwarte und tee trinke

AmBir

Nei, mich störts nöd. Jede Körper isch anderst, und finde mer chan am Körper ruhig 2 Jahr ziit geh nach de Geburt um ‚ganzheitlich‘ wieder im Lot z‘sii.

Angii85

Hallo, also ich bi gar nöd gern schwanger gsi... und ha e ganz schlimmi geburt gha.. trotzdem hani etzt namal en chline böbeli.. di 2. Schwangerschaft isch imfall total schnell dure gsii will mer gar nöd so ziit het si zum gnüsse, da ja no es anders kind ein voll beasprucht.. also chani sege im nachhinein dases gar nöd so schlimm gsi isch

LillyFee

🫣 verstahs voll und ganz.

ich has ghasst schwanger z sii- weiss nit warum eifach eso. D geburt isch au en katastrophe gsi 😵‍💫😵

Bin jetzt aber scho wieder bim 2. ss.
Bin da chli speziell 😅 Ich bi en mänsch wo versuecht problem sofort z löse und da ich unbedingt es gschwüsterts für min sohn han welle, hansi sobald ich z OK vom FA becho ha, wieder schwanger z sii, probier und isch versammt schnell gange🥰😅🫣

Und ja ich hasses immer nu Schwanger z sii, aber wenn scho eis deheime hesch, hesch gar nümm so vil zit, dich scheisse t fühle. meh vergisst pft das meh schwanger isch 🤷🏼‍♀️

und zur geburt? kei plan die ignorieri obwohl ich jetzt scho in ssw 39 bi😂😂😂

liora

wie isch denn das bi eu gsi bim zweite mol. hender trotz dere abneigig wieder en chinderwunsch übercho?

michellebabe

Ich hatte auch 'ne entspannte Schwangerschaft und 'ne easy Geburt, aber der Gedanke an 'ne zweite Runde lässt mich auch zucken. Die Mischung aus Kinderwunsch und Geburtsangst ist schon 'ne wilde Achterbahn.

Nalan83

verstoh dini sorge total! also ich bi überhaupt net gern schwanger gsi. aber ha unbedingt e gschwüschteri wele für mini tochter, und ha mer selber den denkt hey was sind scho 9monet gege satz zum end ergebnis slebe lang 🤷🏻‍♀️🥰. augen zu und durch hani denkt für me. in ha en horror schwangerschaft gha und au en horror geburt aber ha trotzdem unbedingt 2kinder wele so isches au cho☺️. a ja die zweiti schwangerschaft isch no schlimmer gsi und geburt au 🙈 aaaaaaber ich würd alles nomau so mache mich nomau so entscheide. es isch wunderschön i ha zwei tolli gsundi chinder was weti meh. und sisch alles verbi vergässe was gsi isch mit geburt und so. darum bereu is kei prozent☺️🥰.

Mamelo

😉 vellecht esch da d natur.
Da gfühl sorgt deför das dis erschte mamiglöck no bez gnüssisch bevor d ines neus abentür startisch. Wenn de de wunsch gross gneug esch werd er öberwiege.

Alles gueti ❤️