Pille absetzen

sika

Hallo Mitenand 👋

Das Jahr sinds 10 Jahr wo ich mit de Pille verhüete. Da de Chinderwunsch immer nöcher rutscht und ich au nach 10 Jahr finde jetzt isch gnueg hormonelli verhüetig han ich mal welle Frage was ihr so für Erfahrige gmacht hend mit em Absetze nach so langer Ihnameziit und hend ihr Pille eifach vo Hüt uf Morn abgsetzt wo Plister fertig gsii isch?

Liebs grüessli🙃👋

nic10

Hallo
I ha Pille o 10 Jahr lang gno und när vo eim Tag uf ä ander nüm😄 U mini Erfahrig isch eigendlech super gsi👍🏻 Bi froh gsi hani die nüm gno u mini Luun isch o besser worde🤪 I ha ids öbe 9 Mönet wieder gno da mir 2 Chind hei u keis meh wei u die hani letscht Monet o gad abgsetzt!! I bi nume no greizt gsi u Luunisch u ha ds Gfüehl äs isch vor Pille gsi🤷🏻‍♀️ 😊

minggi

Ich han nach 6 jahr ufghört wos de läär gsi isch. Ohni problem gange umd erst denn hani mi wieder sälber richtig gspührt. Im nachhinein mussi sägä hani mit dr pille immer we chli inere wattewulche gläbt, alli gfühl und emotione sind so dämpft gsi irgendwie...

AnDu88

Ig ha au ca. 10 Johr lang durchgehend mit Pille verhüetet und ha denne wo s Blister fertig isch gsi ufghört.
Ig ha aber de öbbe 2 mönet lang mini Täg nid becho. Ha starki Stimmigsschwankige gha, heftigi Akne mit richtige schmerzhafte chnuble im Gsicht, sehr fettigi Hut und Hoor 😅🙈 sorry fürs Horrorszenario aber i ha rächt glitte nach Absetze vor Pille. Nach öbbe 6 Mönet het sich denne bi mir dr Hormonhushalt und Zyklus afo ipändle…ha au denne agfange mit Zyklusbeobachtig und ere Zyklusapp. Bi so erstuunt gsi wie mi Körper funktioniert, ha das jo nie so erläbt gha willi sit 16i d Pille gno ha.

Jetz isch d kinderplanig abgschlosse ha denne au wie d Nic10 seit churzzitig wieder agfange und nur problem gha. Jetz bini wieder hormonfrei und happy. Die Wuche hani de no grad besprächig wägem lo unterbinde 😅

sika

AnDu88 schrieb: »

Ig ha au ca. 10 Johr lang durchgehend mit Pille verhüetet und ha denne wo s Blister fertig isch gsi ufghört.
Ig ha aber de öbbe 2 mönet lang mini Täg nid becho. Ha starki Stimmigsschwankige gha, heftigi Akne mit richtige schmerzhafte chnuble im Gsicht, sehr fettigi Hut und Hoor 😅🙈 sorry fürs Horrorszenario aber i ha rächt glitte nach Absetze vor Pille. Nach öbbe 6 Mönet het sich denne bi mir dr Hormonhushalt und Zyklus afo ipändle…ha au denne agfange mit Zyklusbeobachtig und ere Zyklusapp. Bi so erstuunt gsi wie mi Körper funktioniert, ha das jo nie so erläbt gha willi sit 16i d Pille gno ha.

Jetz isch d kinderplanig abgschlosse ha denne au wie d Nic10 seit churzzitig wieder agfange und nur problem gha. Jetz bini wieder hormonfrei und happy. Die Wuche hani de no grad besprächig wägem lo unterbinde 😅

Lieber ehrlich und au die "schlimme" sache wo chönd ufträte wie nume schöne verzelle. Isch vill echter, danke dir!

Crystal

I ha sä o eifach wo si läär isch gsi nüm witer gno. Das isch richtig ä so. I ha o rächt lang gha bis i wider ä „normale“ Zyklus ha gha. Pille absetzä u grad schwanger isch wahrschinlech eher säute. Gib dim Körper ä chli Zit. I wünsche dir vo Härzä dases de schnäu klappet wes de so wit isch

KeBe

han d pille au ca. 9 jahr lang gno gha und denn eifach abgsetzt wo s blister leer gsi isch. han eigentlich direkt wieder min regelmässige zyklus gha aber das isch sehr unterschiedlich vo frau zu frau. im erste jahr nachem absetze hani aber ganz schlimmi stimmigsschwankige gha! und sitem absetze hani au nüme so oft chopfweh. wür niemeh wieder d pille neh.

landmäädchen

Han pille nach 11 johr abgsetzt. Au wod monetspackig fertig gsi ish.. bin so froh hani das gmacht, han vorher sehr viel kopfweh gha, was ii jetzt nüme han..
Die erste paar mol woni nachem absetzte mini täg übercho han, hani wenig bluet gha & chum shmerze.. den ish es immr extremer worde, so das ii wäret de periode nöd ohni shmerzmedi usghalte han. Das hät sich abr den zum glück widr ihpändlet.. 😊 ii han eifach kein regelmässige zyklus übercho.. au nach über 1 johr nöd.. erst nachde geburt vo minere tochter.

Ii werde pille definitiv nüme näh 😉

sika

Crystal schrieb: »

I ha sä o eifach wo si läär isch gsi nüm witer gno. Das isch richtig ä so. I ha o rächt lang gha bis i wider ä „normale“ Zyklus ha gha. Pille absetzä u grad schwanger isch wahrschinlech eher säute. Gib dim Körper ä chli Zit. I wünsche dir vo Härzä dases de schnäu klappet wes de so wit isch

Danke vill mal🥰😌⚓️

michellebabe

Ich han au d'Pille nach e chli längeri Ziit abgsetzt. Ehrlich gseit, es isch e chline Umgewöhnig gsi am Afang, aber nachere Zit het sich alles wieder yingestellt. Mini Regel het e chli brucht, bis sie wieder im Normalmodus gloffe isch. Aber ich bin mega happy, dassi das hormonelli Ding endlich los bin.