Sparkonto oder Fondskonto für die Kleinen?

AnDu88

Was isch besser? Kennt sich öbber drmit chli us? Mir si grad am überlegge was das mir wei. Die vode UBS het gmeint es Fondskonto sigi besser, aber me het halt au es gwüsses Risiko… was s normale Sparkonto wiederum nid het.

Eline22

Eusi kind hend alles fondkonto und sparkonto und es sparkonto bi de versicherig (also e lebensversicherig falls eus öpis passiert chömeds drus öpis über und wenn nöd chömeds s geld mit 20gi uszahlt über) Ich persönlich ha lieber sparkonto min ma fondskonto wills drus öpis meh git. Ich ha lieber s geld sicher.

Hilft der jetzt vermutlich ned meh witer 😅

KeBe

mir händ für beidi chind es fondskonto bide UBS gmacht. mer chan au det s risiko uswähle zwüsche konservativ, moderat oder hoch. mir hend hoch gwählt. ja, d kürs werdet sicher immer mal wieder voll abegheie aber uf e langi ziit betrachtet sinds ebe doch stetig ufe gange wenn mer die letzte 20jahr aluegt. und das fondskonto chömed d chind ja erst mit 18ni über, also gits gnueg ziit zum wieder stiige. plus häsch langfristig au höcheri rendite im verglich zum sparkonto. aber bi dem fondskonto bide ubs isch au es sparkonto mit drin, chönntsch also theoretisch uf beides izahle.

a_94

Eline22 schrieb: »

Eusi kind hend alles fondkonto und sparkonto und es sparkonto bi de versicherig (also e lebensversicherig falls eus öpis passiert chömeds drus öpis über und wenn nöd chömeds s geld mit 20gi uszahlt über) Ich persönlich ha lieber sparkonto min ma fondskonto wills drus öpis meh git. Ich ha lieber s geld sicher.

Hilft der jetzt vermutlich ned meh witer 😅

Bi üs genau glich hend ali 3
Und au mit de glich gedanke: mir ish liebr sparkonto und min ma meint uf 20 johr hesh en gwünn also fondskonto😂😂😂

Sus machsh au ali 3😂 mue ja kei grossi beträg si chash au bi allne 3 je 50 fr odr so🤷‍♀️