Drittes Kind Ja oder Nein

a_94

Soo leute mir sind unschlüssig

Also wöri gern chlie ghöre wer het alles 3 chinde mit weli vor und nochteil
Und wer het sich alles vonem 3. Chind umentschiede us welere gründ

Schüsset los😂🙈

AnDu88

Ig ha mir immer vorgstellt dasmer 3 Chinder wärde ha, ha d Vorstellig mega toll gfunde. Aber jetz womer 2 hei (7i und 3) chumi närvlich scho mega a mini Gränze, es isch momentan sooo asträngend 2 Chinder mit unterschiedliche bedürfnis, meistens wei si no alles glichzitig stritte duuurend, möge am ander nüt gönne und wenni mir jetz vorstelle ig hätt no es Bebe do mitz drinne 🤯 aber de si wieder die schöne und harmonische Momente woni denke, jetz no es Baby wär au schön oder wenni ad Bebe Zit vode Chinder zrügg dänke, wirdi richtig sentimental.

Aber ig (mi Maa hätt gärn no meh Chinder) ha mi definitiv drgäge entschiede no es 3. Chind zha. Ha au das „warme“ gfüehl nümme wenni es Baby gseh, wiemes het wenn no e Kinderwunsch do isch… Jetz chunnt langsam wieder üsi Zit als Paar zrügg, si schlofe guet und si selbständig. Do wetti nid noeinisch vo vorne afo.

Machet doch e pro/kontra liste? Aber i dänke wenn du de wunsch i dir inne hesch, de wirsches selber merke ob ja oder nei. Die Sehnsucht nacheme witere Baby loht sich nid eifach abstelle 🥰 wünsche üch alles Liebi ❤️

a_94

AnDu88 schrieb: »

Ig ha mir immer vorgstellt dasmer 3 Chinder wärde ha, ha d Vorstellig mega toll gfunde. Aber jetz womer 2 hei (7i und 3) chumi närvlich scho mega a mini Gränze, es isch momentan sooo asträngend 2 Chinder mit unterschiedliche bedürfnis, meistens wei si no alles glichzitig stritte duuurend, möge am ander nüt gönne und wenni mir jetz vorstelle ig hätt no es Bebe do mitz drinne 🤯 aber de si wieder die schöne und harmonische Momente woni denke, jetz no es Baby wär au schön oder wenni ad Bebe Zit vode Chinder zrügg dänke, wirdi richtig sentimental.

Aber ig (mi Maa hätt gärn no meh Chinder) ha mi definitiv drgäge entschiede no es 3. Chind zha. Ha au das „warme“ gfüehl nümme wenni es Baby gseh, wiemes het wenn no e Kinderwunsch do isch… Jetz chunnt langsam wieder üsi Zit als Paar zrügg, si schlofe guet und si selbständig. Do wetti nid noeinisch vo vorne afo.

Machet doch e pro/kontra liste? Aber i dänke wenn du de wunsch i dir inne hesch, de wirsches selber merke ob ja oder nei. Die Sehnsucht nacheme witere Baby loht sich nid eifach abstelle 🥰 wünsche üch alles Liebi ❤️

Jö danke dir
Üsi hend nur 18 mönet untershied und ish mega astrengend 🙈
Abr de wunsch ish ebe sho doo bi üs beidne
Abr ob mo da wöred meistere🤷‍♀️
Plus müstmo wohnig und auto alles wegsle, tür wirds au no🤔

minggi

Oh da liesi gärn mit, mier sind üs au unschlüssig...

Adorable

Aso i ha eigentli emmer d Vorstellig gha 2 Chend da länged.
Nochem 2. Chend hani mi aber eifach ned „komplett“ gfühlt, drum esch nocher för üs/mi klar gse es ged no es 3.
Es esch ergendwie nie e Frog gse öb jo oder nei, nur wenn. 😂 Klar hani mer au Gedanke gmacht öb i das schaff und das es secher ned eifach werd si/werde. Aber i ha emmer es Gueds Gfühl debi gha.

Sett endi November semmer jetzt z 5 und i muess säge, alles rechtig gmacht. Klar au grad jetzt am afang geds Situatione wo fordered (das werd secher so bliebe 🙈) aber i chönnds mer nüm anders vorstelle. Und jetzt weiss i mer send komplett und es esch gued so.

Es chunnd secher au uf eim selber, uf d Chend und chli ufs Umfeld druf a. (Wohnig, Auto).
Aber i denke wenn d Wunsch werklech do esch, d schafft mer das au.

Ah mini Chend send jetzt d 4, 2,5 und 2 Mönet.

a_94

Adorable schrieb: »

Aso i ha eigentli emmer d Vorstellig gha 2 Chend da länged.
Nochem 2. Chend hani mi aber eifach ned „komplett“ gfühlt, drum esch nocher för üs/mi klar gse es ged no es 3.
Es esch ergendwie nie e Frog gse öb jo oder nei, nur wenn. 😂 Klar hani mer au Gedanke gmacht öb i das schaff und das es secher ned eifach werd si/werde. Aber i ha emmer es Gueds Gfühl debi gha.

Sett endi November semmer jetzt z 5 und i muess säge, alles rechtig gmacht. Klar au grad jetzt am afang geds Situatione wo fordered (das werd secher so bliebe 🙈) aber i chönnds mer nüm anders vorstelle. Und jetzt weiss i mer send komplett und es esch gued so.

Es chunnd secher au uf eim selber, uf d Chend und chli ufs Umfeld druf a. (Wohnig, Auto).
Aber i denke wenn d Wunsch werklech do esch, d schafft mer das au.

Ah mini Chend send jetzt d 4, 2,5 und 2 Mönet.

Oh da ish shsöön zum lese 😍😍
I ha ez es meidli und bueb mit 18 mönet untershied
Eig chönti sege i ha jo beides shoo, abr wie dus au seish, i fühl mi eifach nonig komplett🙈

I hoffe das mir das denn au so meistere würed🙈

AnDu88

Das wirsch du sicher meistere wenn das din Herzenswunsch isch☺️❤️
Wenni zrügg luege wie mengisch ig verzwiiflet bi gsi und spöter dänkt me sich „wie hani das nur gschafft“ aber es isch alles irgendwie machbar. Es muess für euch us Paar stimme.

a_94

AnDu88 schrieb: »

Das wirsch du sicher meistere wenn das din Herzenswunsch isch☺️❤️
Wenni zrügg luege wie mengisch ig verzwiiflet bi gsi und spöter dänkt me sich „wie hani das nur gschafft“ aber es isch alles irgendwie machbar. Es muess für euch us Paar stimme.

Danke für die stärkendi worte🤗🤗

Groan

Mier hend eus etz au grad füres Dritts entschiede. Die erste zwei sind 1 und 3 und wenns Dritte chunt (oder öbs chunt) wüssemer ned! Jetzt momentan ischs streng, s‘Zweite schlaft eher schlecht, aber mier fühled eus au absolut nanig komplett und es Dritts fühlt sich eifach richtig a. Ich glaub au, dass wenn sichs beidi wünsched, denne chammer na so mengi strengi Situation meistere! Findes mengisch au komisch, trotz schlechte Nächt und strengi Phase wo grad beid drin sind, freui mi wieder ufes Baby, chans ned logisch erchlere…

a_94

Groan schrieb: »

Mier hend eus etz au grad füres Dritts entschiede. Die erste zwei sind 1 und 3 und wenns Dritte chunt (oder öbs chunt) wüssemer ned! Jetzt momentan ischs streng, s‘Zweite schlaft eher schlecht, aber mier fühled eus au absolut nanig komplett und es Dritts fühlt sich eifach richtig a. Ich glaub au, dass wenn sichs beidi wünsched, denne chammer na so mengi strengi Situation meistere! Findes mengisch au komisch, trotz schlechte Nächt und strengi Phase wo grad beid drin sind, freui mi wieder ufes Baby, chans ned logisch erchlere…

Joo denk ebe mengmol au boah soo astrengend und weiss nödmol wies werdet wenns grösser sind. Vlcht no strenger und denn chunt no e dritts. Abr wie dus au seish fühl mi nöd komplett wöt trotzdem noml es bebe🥹