Kind selber abstillen lassen

liora

Hoi Zeme

mich wür mega interessiere wie das bi eu glofe isch mitm abstille. Also vor allem bi dene Mamis wo lang gstillt hend und wo s chind entscheide loh hend sich abzstille..

wäri mega dankbar für es paar bieschpiel..

schös tägli ☺️

Yuna

Do schlüssi mi grad ah. Würd mi ez aso au no interessiere wie d erfahrige mitem selber abstille sind.

AnDu88

Ig ha 3,5 Johr lang (bim zweite Chind 2,5 Johr) gwartet, dass si sich selber abstille… leider vergäbe 🤪 schlussendlich ha ig denne s stille langsam afo reduziere.

AmBir

bi mir het die chli selber reduziert und dänn amigs nur no 1x am namittag. mit 18 mönet hani dänn, wänn sie cho isch, eifach es brötli geh anstatt brust. und das het eifach so klappet..
Zum ihschlafe und ih de nacht still ich no.

Crystal

Bi mir hei beidi Ching mit öpe 11 Mönet nüm schön trunke, u der eint het sogar vom eintä Tag ufä anger d Bruscht vürweigärät🤷🏻‍♀️ i ha bis sächs Mönet vou gstiuät u de vo mir us mit Brei agfange u de när eifach we si nüm schön trunke hei Brei abote u das hei si de spannender gfunge aus d Bruscht

Tanja87

Ich han au immer d Hoffnig gha das sich eusi Tochter selber abstillt.
Wo sie denn 2,5 Jahr gsi isch, hani denn en OP gha woni 2 Nacht ha müesse Stationär blibe. Ab denn hani sie eifach nümm ad Brust lah. Sie heds guet akzeptiert 😉