Kind 6,5 Jahre rastet ständig aus

Sti

Liebe Mamis
Ich weiss gerade echt nicht mehr weiter. Meine Tochter, 6,5 Jahre rastet ständig wegen jeder Kleinigkeit aus. Ein falsches Wort, eine Kleinigkeit, welche ihr nicht passt und sie fängt am zu schlagen und Sachen kaputt zu machen. Es ist dann fast unmöglich wieder Zugang zu ihr zu finden. Zudem macht sie nie was man ihr sagt und gibt nur Wiederworte. Wir leben ihr was anderes vor und ich weiss nicht woher sie das hat. Es kommt mir so vor als kenne sie nur extreme Emotionen.
Kennt das jemand und habt ihr mir einen Tipp?

Crystal

Google mau Milchzahnpupertät…i ha säuber so einä Dahei. I weiss säuber nid wasi chönnt mache dases nüm geng so explodiert bi üs. U vorauem das är nüm hout🤷🏻‍♀️ äs isch sooo asträngänd gäu. I schicke dir viu Närvä u Geduud. Du bisch nid allei u i bi sicher du übersteisch di müehsami Phase guet

Sti

Vielen Dank für deine Rückmeldung. Es tut gut zu hören, dass ich damit nicht alleine bin. Danke, Dir ebenfalls viel Geduld. Ich finde es so schwer weil man selber ruhig bleiben sollte. Aber das gelingt mir nicht immer.
Und ich weiss selbst nicht mehr wie richtig reagieren...🤷‍♀️

Crystal

Danke☺️ isch si im Chindergarte/Schueu o so oder nume Dahei?
I schaffes o lang nid immer ruhig ds blibe. O we i mirs no so vor nimä. Wüus ja gar nüt nützt. I chas ruhig sägä, i chas lut sägä, i cha drohe, nüt nützt, är lost eifach nid🤷🏻‍♀️ macht Seich, u ds schlimmschtä, är hout si chliner Brüedsch. Was machsch de du we si so ä Ussetzer het? We si hout?

Sti

Si isch ir erschtä Klass.
Isch bi üs ou so. Äs nützt weder lislig, no lut, no mit Argumänt. Si isch de so im nä Züg innä. Auso we si dr chli Brüetsch schlaht, de muess si is Zimmer. Dert schlaht si när immer mehrmals Türä zue. Ig versuechä när immer wider dr Zuegang zu ihrä z'fingä. Aber äs isch mega schwär.......u we si Sachä kaputt macht, muess si ou is Zimmer. Schüsch chamä äuä nid viu meh machä aus abwartä bises dürä isch 🤷‍♀️

Crystal

U de ir Schueu geits guet?
Üse isch im grosse KiGa u dert sehr apasst, i dänkä när immer dases haut Dahei usä muess wüu är säch im KiGa zämä nimmt. Aber äs isch so asträngänd…spannend das üsi so ähnläch si im Momänt. Hesch ä Türstopper dinnä dases nid ds fescht brätschät? Ja i befürchtä o das mir müesse abwarte bises düre isch🤷🏻‍♀️

Sti

Ja, ir Schuel isch si s'liebschtä Meitschi überhaupt. Di Usraschter het si nur daheim. Si isch aber scho immer sehr sensibel gsi u reagiert uf jedi, no so chlini Veränderig zum Teil rächt heftig. Im Momänt hei si ke fixä Klassälehrer. Gloub mit däm het si extrem müeh.
Ja gäu, äs brucht mega viu Geduld u Energie. Ig zwiflä aubä a mir säuber wenni nid a si anä chumä we si wider so ä Usbruch het. Ha när säuber ou scho müessä grännä. Mängisch het mä eifach zwenig Energie...
Türstopper nid, aber ig chlemmä när mängisch öpis ih bir Türä.
Isch dinä ou scho immer eher sensibel gsi?

Crystal

Ängäli/Bängäli hani mau nöime gläsä, Dahei ds Bängäli u Uswärts ds Ängäli…das würd ja passe🤷🏻‍♀️ sig ja äs guets Zeichä, hiuft üs zwar nid viu gäu.
Ou ja, de nimmt si säch o zämä u när Dahei explodierts. I steue mirs winä Dampfchochtopf vor, äs wird gfüüret am morgä u när Dahei jagts dr Dechu ab🤷🏻‍♀️Ja är isch o eher sensibu u cha nid guet mit Vürändärige, muess aus scho im Vorus wüsse wis de gnau louft.
Am schlimmschte fing i aber das är si chliner Brüedsch hout u i eifach ke Wäg finge ihm das ab ds steue.
Mach dir keni Vorwürf, aber i weiss haargenau was du meinsch. Aber i bi sicher das dus scho richtig machsch, i so Momäntä hesch schlichtwäg ke Chance a sä härä ds cho. Überau schribe si dasd söusch Körperkontakt ufnäh u sä nid allei söusch la möögä, aber das funktioniert bi üs nid. Är laht säch nid la alängä we är so ä Krise het. Ersch wes abflacht cha i de zuenihm u nä mängisch id Armä nä

Sti

Ja, ds kenni ou. Spontan geit mit dr Tochter schlächt. Si muess alles immer ganz gnau im Vorus wüssä.
Gäu, di super Erziehigsratgäber chasch i so Situationen nid würklich bruchä.
Ig versuechä grad mit mirä Lösigä z'fingä was si cha machä we si merkt das si explodiert. Mir tüe zämä besprächä was mä bi Wuet chönnt machä zum wider abächo i dr Hoffnig das si sich de dran erinneret wes wider sowit isch....

Crystal

Das tönt doch super, u we sis de o cha awändä i somnä Momänt wärs sooo viu Wärt…was hesch de für Ideeä was si chönnt mache?
I ha hüt wider ä ganz müehsame Nami gha mit ihm, wi schaffsesch du ruhig ds blibe? Mi hets hüt wider ä mau vürjagt u das macht mi so trurig u i bi ratlos wi i mit däm besser chönnt umgah…u de dänki wider wes nid mau i aus Erwachsnigs schaffe ruhig ds blibe u nid ds explodiere wi söus de äs sächsähaubjährigs schaffe?🤷🏻‍♀️