Kaiserschnitt Narbe

aenn

Hallo zäme 😊

Frage ah alli wo en KS gha hend, ob plant, sekundär oder Notfallmässig. Völlig egal♥️🙏🏼

Wie gahts eure Narbe?
Empfinde, schmerze etc.?

Euse KS isch ez 8 Mönet här und ich würd sege an sich nümme so schmerzhaft. Aber es git Moment woni sie meh merke und s'gfühl han es wär nöd normal. De chli stramplet ez natürli au mega oft an Buch wemmer en hebed oder bim wickle was den relativ schnell unagnehm isch...

Wie isches bi eu so? Wenner sie abtastet, merkeder verhärtige oder isch sie weich?

AnDu88

Aso ig ha 2 KS hinder mir und dr zweit isch jetz 3,5 johr här und i merkes hüt no…wenni lang uf de Bei bi gsi, vill laufe oder je nach Wetter isches schlimmer oder weniger schlimm. D Narbe isch sehr guet verheilet, sehr hell me gseht si fasch nümme… Aber d vernarbige im muskel gspürt me guet wenn me massiert.

Kosmea

Min Kaiserschnitt isch jetzt 6 Mönet här. D Narbe isch ide Mitti no violett, am Rand gseht me fast nüt meh. Schmärze und komischi Empfindige rundume hani kei meh. Wenn die Chlii driigingget bim Windele, findis definitiv unagnähm. Leider wachsed mir au einzelni Hoor use und wenni die rasiere, bini unglaublich empfindlich. Machi drum nümme. Süsch kei Verhärtige oder so…

•Elefäntli•

Ich han im September 17 en Kaiserschnitt ka und i gspür ab und zue d Narbe meistens bi Wetterwechsel. s innergwäb je noch druch merki au no, ich empfind eifach e komis gfühl. Aber wasi cha sege i ha e wunderschöni Narbe vo use mengmol muessme si sueche 🫣

Pallas

Ich gspühr nüt a schmerze es isch eifach u lang taub gsi aber nach 1,5 Jahr isch das weggange

Hexe1991

Aso min KS isch 2 Johr här und ich ha eigentlich no im Wuchebett mit Akupunktur ahgfange hüt merk ich nüt me und bi voll zfriede.

Groan

Ich merke au nüt, han zwei KS hinder mier, de letscht 1 Jahr. Mer gseht d‘Narbe, aber ned schlimm, aber verhärtet isches teilwiis scho. Han aber ke Schmerze oder so.

Behappy22

Be mer eschs 1,5johr här
ich ha sehr gueti erfahrige met akupunktur gmacht d narbe esch no teilwis rot i gspürsi au zwöschedore no aber set de akupunktur eschs extrem vell besser worde.cha jedem akupunktur empfehle!

snowangel

Bim erste ks hani sie no sehr lang gspürt.. bim zweite ks hani paar nach paar mönet immerno es taubgfühl ka woni mitem finger über dnarbe bin und am endi vo de narbe hets sich wie en chline fiiine stromschlag gfühlt haha.. strange.. aber jetzt nach 19 mönet spüri sie gar nüme ich vergisses amigs. dassi eini ha. :Dn

luechtstift

Min ks hani vor 11 mönet gha und mine isch tipp top verheilt, gspüre au chei schmerze oder ähnliches, und dnarbe gsehsch fascht ned

mamii

Ich habe diesen Beitrag vor kurzem gefunden. Habe vorher noch nie davon gehört 😅