Frühstück Kleinkind

lunafa

Hallo Zusammen
Mein 1 jähriger ist kein guter Esser, vorallem am Morgen will er nur die Brust 🙄 was essen eure Kleinen so zum Frühstück?

Mayla

Hallo. Da isch bi mim au so am morge. Am ehnste goht amel öpis warms (Hafer-Hirsebrei) oder so 🤷‍♀️

lunafa

Ah würklich? Wia alt isch dine? Tuesch auno stille?

AnDu88

Mi sohn het mit jährig au no sehr oft gstillt und nid vill gässe. Hamer do kei druck gmacht… si ässe de scho. Ha jewils öbbis für mi gmacht wo er au het chönne ässe, pancakes, brot mit butter, gurkestiks, rüehrei, frücht usw. De hetter amigs bitz probiert.

Mayla

Er isch jetz den 16 Mt. Jo bi au no am stille i denk es isch okay, so viel i no weiss het mini tochter ab 1,5 afange meh esse, den isch da mit de zäh au chli dure und wens krank sind ischer au wieder meh trinke.. aber was mir no in sinn chunt, er isch eher de salzige als süessä 🤷‍♀️

Groan

Mini essed au gern d‘Sache wod AnDu88 gschriebe het, au Porridge, Hafernüssli oder Cornflakes in Milch, Haferflöckli in Milch ufgweicht, Birchermüäsli (je nachdem wieni am Morge scho was mag vorbereite😅)

lunafa

Danke vielmol ier sind super! I han scho Druck „ma sött nümm stilla“ wenn sie denn 1 sind.. aber wenn är nid meh isst..?
Danke Andu88, si ässe de scho 😉

AnDu88

@lunafa Zwinge zum ässe chasch se jo nid 😅 Und i h gstillt bis si 3 jährig si gsi. Aber si hei nah dis nah immer meh afo ässe, trotz em stille. Lönd euch zit, solang si gsund und fit und munter si, isch doch alles guet.

ally

Oh ich bin grad so beruhigt dur de biitrag. Hend das genau au, sie isst au kei brei sit baby scho nöd und isch e schelchti essserin. Bald 13 monat alt🙈 d kia het gmeint i seg quasi selber schuld wenn i so oft sie ad brust lah segi klar das sie nöd würkli wett esse. Sie ish aber uuh intressiert, sie schluckt halt amel eifach nöd richtig abe

Mamelo

Mer hend de brei au osse gloh ond müessli oder rührei esch vi afang ah gange ond sehr bekiebt. Zwar nonig so saison aber beeri göhnd au super.

Au wenns komisch tönt aber si näme sech was si bruche eifach emmer abiete meh mache chamer ned

snowangel

Min jüngste sohn isch bis zu sin erste Geburtstag kei brei esser gsi. Er het au kei fingerfood welle usert sini milch. Seinzige woner gern ka het isch banane und erdbeeri ganz chli gschnitte. Nach sin erste Geburtstag het er plötzlich ahgfange esse und zwar alles. De Kinderarzt het bi mir au gseit ka irgwndwenn kurz nach sin erste Geburtstag wird er denn interesse ha an esse. Guet isch immerwieder abüte und vorallem all mitenand am tisch sitze bim esse dass er es au gseht. Jetzt müemer ihn amigs stoppe will er kei grenze kennt.
De erste sohn het mit 4 mönet seeehr guet brei gässe, irgendwenn mit 10 mönet immer weniger, jetzt isch er 4 und ihn esse geh isch en riese kampf. Er isst eifach nöd gern, fangt ah usrede finde wie het buch eeh, isch müed, uf de zunge bisse, isch no satt vom zvieri, egal was es isch immer e usred da. 🤣 Gib ihn no chli zit, Essverhalte vo de kids wechslet permanent.
Und wie da mamis au scho erwähnt hend, sie holet sich wükli was sie bruchet. Me derf sie eifach nöd zwinge suscht gsehnds esszite als straf ah.

Aber ich verstah dini sorge sehr sehr guet. Du machsch das super es chunt scho!