Babyschlaf 11 Monate

Hallo zäme!
Min chlii isch 11 monet alt und hed letscht wuche nach nem halbe jahr nöd dureschlafe öndlich 4 nächt am stuck duregschlafe (20:00-6:00). Ich ha mi fast ned traut z freue dass die schlafmangelphase verbii isch. Und hanis doch dänkt; die letschte zwei nächt sind wieder katastrophal gsi.
Wie gsehnt euchi nächt us mit euchne ungefähr gliichaltrige?

Bi eus meistens eso: Bis 00:00 wacht er 3-4 mal uf, mer tüend de nuggi ine und isch guet. Mengisch am 1:30 und / oder öpe 3:00/4:00 numal ufwache, chli streichle oder händli hebe bis er schlaft. Öpe 5:30 numal ufwache, de gibi d brust, de schlaft er numal bis ca. 7:00.

Wott luege inwiefern das „normal“ isch mit fast jährig, bi churz vorem zämebruch und hole mir bald en schlafberatig.

Kommentare

  • *das obe gschildert isch bi eus Durchschnitt, hüt nacht isch er scho öpe 8 mal verwachet und es isch erst 1:00
  • Eline22Eline22

    111

    bearbeitet 23. Mai, 07:14
    Min Sohn isch am 20:00 is bett und ca. Um 0:00 uhr eimal cho zum stille und den het er bis ca. 7:00/8:00 duregschlafe mit 11 mönet. Sälte ischer mal um di 4:00 cho zum nomal stille.

    Wenn sie verwacht bechunt sie kei Milch? Was isst sie de Tag dur? Und wie viel schlaft sie de tag dur. Chasch mer au e pn mache.
    lalamama
  • Ich lege ihn um 21:00 Uhr ins Bett und er schläft bis ca. 7:00 Uhr durch. Wenn wir jedoch am Tag nicht viel unternehmen und wir nur Zuhause sind und nicht rausgehen, dann schläft er sogar bis ungefähr 9:00 Uhr. Also je ruhiger (bei uns) der Tag, desto besser/länger sein Schlaf.. ist natürlich nicht bei jedem Baby so..
    lalamama
  • Eusi 9-monatigi schlaft dure sit ca eim Monat. Mir händ sie uf das abe grad i ihres eigne Zimmer usquartiert. Cha dis Baby sich de Nuggi sälber inetue? Mir händ immer 2-3 Nuggis ide nöchi und ihres Kuscheltier au. Sie wacht ame scho churz uf, cha denn aber meistens sälber wieder ischlofe. Sie isst bi eus Zmorge und Zvieri Brei, Zmittag und Znacht am Familietisch und vorem Schlofe no en Schoppe.
    Viel Erfolg dir! 😊
    lalamama
  • Mini Tochter, ebefalls 11 Mönet alt hed sit sie uf de Wält esch nonie döregschlofe. Sie chonnt all nacht öpe all 2-3h.. am morge esch am 5.30 spätistens Tagwach. mine Sohn bald 3, schloft au bi wiitem ned jedi Nacht döre.. ech fend das normal. Vell Chraft😊
    lalamama
  • Mi Bueb isch e sehr schlechte schlöfer gsi. Je nach phase besser oder schlächter. Er het ersch mit öbbe 2,5 jöhrig duregschlofe nachdem i ide Nacht abgstillt ha. Bis det ane ischer nachts no öfters verwachet sicher 3-4 mol zum trinke oder luege obi no da bi 😅 mittlerwile ischer 7i und schloft wiene Stei.
    lalamama
  • Eusi isch i dem Alter au all 2h cho, weiss ned öbs zämehanget, aber mer hend etz mit 14 Mönet gmerkt, dass sie Lactoseintolerant isch und amel Buchweh gha het ide Nacht. Sit mer umgstellt hend (vorallem gege de Abig) schlaft sie dure, wenn sie ned chrank isch oder zahned.
    Sie het aber au ab 12 Mönet chlii gruhiget (all 4h). Gschlafe het sie ca vo 20:00-5:30.
    elena1990lalamama
  • euse chli 11,5 mönet gaht am 19.30 uhr is bett und meistens chunter 1-2 mal ide nacht. mengmal am ca 1uhr und sus nur am 4i eimal. Ich stillen zum ischlafe und au ide nacht jedesmal wenner ufwacht. anderst schlafter nöd i. Ufstah mega unterschiedlich zwüschet 6.30, mal 7ni mal halbi 8ti. er schlaft erst so ‚guet‘ siter i sim eigne zimmer schlaft (jetzt öpe sit 1 monet) vorher all 2-3h müsse stille.
    tagdur isster vom familietisch mit, zmorge, tmittag und abig.
    lalamama
  • bi eus au ähnlich. 11 mönet und feng 1 richtig gueti nacht gha. susch au am
    halbi 8ti is bett, den chunter meistens nachere halb stund/ stund nomal. vorderet aber eifach nomal nöchi ih. dennn meistens zw. 10/11 nomal, 1,4 und 6i isch den tagwach.
    im moment hets chli bessered, au sit mer ihn is eigene zimmer tah hend. ez chunter meistens no 2x.
    durehebe💙
    lalamama
  • @Kosmea Er cha sich ebe dur de tag de nuggi sälber ine tue aber ide nacht macht ers irgendwie eifach ned 🙈 oft muessi ihm würkli eifach de nuggi geh wo grad vor ihm liid und de isch wieder guet. Mengisch, jetzt ischer grad i sonere phase, chaner nur schlafe wenni ihn stille und die nacht hani ihn sogar öppe 5 mal agsetzt 🙃 ich nimme ah es isch en wachstumsschub
  • @Eline22Dur de tag isst er zmorge zmittag zvieri und znacht (ca. 18:30) à je öpe 180g und vorem schlafe (19:30) gids no en schoppe, meistens nimmt er de öppe 100ml, görpslet chli, liesed es büechli und de tueni ihn am 20:00 is bett. Ischlafe tuet er innerhalb vo 5-10 min (zum guete glück 🙏🏽) Wenn er verwached vor de 4i stilli ihn ned weil d chinderärztin seit i dem alter und mit dem essverhalte sött er guet ohni stille dur d nacht cho.

    Dur de Tag schlaft er meist 2x 45 min oder einisch devo en stund… ha scho alles versuecht; ha en so lang schlafe lah wiener wott und es isch ned besser gsi ide nacht als wenn ich ihn nach 45 min gweckt han…
  • Eline22Eline22

    111

    bearbeitet 10. Juni, 09:46
    Hlmkm
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum